ອີງຕາມຄໍາສັ່ງຂອງທາງເຈົ້າຂອງນະຄອນຫຼວງວຽງຈັນ ແລະ ສະພາບການແຜ່ລະບາດຂອງພະຍາດໂຄວິດ 19 ທີ່ທຸກຄົນຕ້ອງໄດ້ພ້ອມກັນປະຕິບັດມາດຕະການ ບໍ່ຈໍາເປັນບໍ່ໃຫ້ອອກຈາກບ້ານເຮືອນ, ໃຫ້ເຮັດວຽກຢູ່ເຮືອນ ແລະ ຫ້າມເດີນທາງໄປຕ່າງແຂວງ, ຕ່າງປະເທດ ລວມທັງຫ້າມບໍ່ໃຫ້ເດີນທາງເຂົ້າມາປະເທດ ແລະ ນະຄອນຫຼວງວຽງຈັນ, ນອກ​ຈາກວຽກ​ງານ​ທີ່​ຈຳ​ເປັນ​ຈ່ຳ​ນວນ​ໜຶ່ງ ແລະ ຫາກ​ຕ້ອງ​ໄດ້​ເດີນ​ທາງ​ແທ້ໆ ກໍ​ຕ້ອງ​ໄດ້​ມີ​ໃບ​ອະ​ນຸ​ຍາດ​ມາ​ພ້ອມ.

ດັ່ງນັ້ນ, ທາງລັດວິສາຫະກິດການບິນລາວຈຶ່ງໄດ້ແຈ້ງປິດສາຍການການບິນທຸກສາຍ ເປັນການຊົ່ວຄາວເພື່ອ​ເປັນ​ການ​ຮ່ວມ​ມືໃນ​ການ​ສະ​ກັດ​ກັ້ນ ແລະ ປ້ອງ​ກັນ​ການ​ແພ​ລະ​ບາດ​ຂອງ​ເຊື້ອ​ພະ​ຍາດ​ໂຄວິດ-19 ບໍ່​ໃຫ້​ຂະ​ຫຍາຍ​ເປັນ​ວົງ​ກ້​ວາງ​ອອກ​ໄປ, ໃນ​ແຈ້ງ​ການ​ຂອງ​ທາງວິ​ສະ​ຫະ​ກິດ​ການ​ບິນ​ລາວ​ໄດ້​ລະບຸວ່າ:

ເພື່ອເປັນການປະຕິບັດຕາມແຈ້ງການເລກທີ 1187/ຫສນຍ ລົງວັນທີ່ 18 ກັນຍາ 2021 ວ່າດ້ວຍທິດຊີ້ນຳຕໍ່ກັບສະພາບການລະບາດຂອງພະຍາດ Covid-19 ຢູ່ນະຄອນຫຼວງວຽງຈັນ ແລະ ມາດຕະການປ້ອງກັນ ຄວບຄຸມ ແລະ ແກ້ໄຂການລະບາດ ພວກເຮົາຈຳເປັນຕ້ອງ ໄດ້ ຢຸດໃຫ້ບໍລິການ ເສັ້ນທາງບິນພາຍໃນປະເທດທຸກໆເສັ້ນທາງ ເປັນການຊົ່ວຄາວ ຕັ້ງແຕ່ວັນທີ່ 20 ກັນຍາ 2021 ເປັນຕົ້ນໄປ ຈົນກ່ວາຈະມີການແຈ້ງປ່ຽນແປງໃໝ່

ຂໍອະໄພໃນຄວາມບໍ່ສະດວກມານະທີ່ນີ້ດ້ວຍ

ທັງນີ້ກໍເພື່ອປ້ອງກັນ ການລະບາດ ແລະ ແຜ່ລາມເຊື້ອໄປຫຼາຍກວ່ານີ້ ເພາະນະຄອນຫຼວງວຽງຈັນ ມີກໍລະນີຜູ້ຕິດເຊື້ອໃນຊຸມຊົນສູງ ຈໍາເປັນຕ້ອງເຝົ້າລະວັງ ແລະ ລ໊ອກດາວເພື່ອຄວາມປອດໄພ

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບ​ໃຈ​ແຫລ່ງ​ທີ່​ມາ: laoedaily.com.la