ໃນວັນທີ 08 ກຸມພາ 2022 ນີ້, ບໍລິສັດ ອາລິອັນສ໌ ປະກັນໄພລາວ ໄດ້ຈັດພິທີເປີດການນຳໃຊ້ສັນຍາປະກັນໄພເອເລັກໂຕຣນິກ (electronic insurance policy) ຂຶ້ນດ້ວຍຮູບແບບອອນໄລ ( virtual live ) ທີ່ເພຈຂອງ Allianz Insurance Laos ໃຫ້ບັນລະຍາຍໂດຍຜູ້ອຳນວຍການ ບໍລິສັດ ອາລິອັນສ໌ ປະກັນໄພລາວ ທ່ານ ກີ ອາໂປວີ ( CEO of Allianz Insurance Laos “Guy Apovy” ) ແລະ ຫົວໜ້າພະແນກການຄ້າ-ການຕະຫລາດ ທ່ານ ໄພຍາເອກ ທຳມະນາມ.

ສັນຍາປະກັນໄພແບບເອເລັກໂຕຣນິກຂອງບໍລິສັດອາລິອັນສ໌ປະກັນໄພລາວໄດ້ຖືກອະນຸມັດ ແລະ ຮັບຮອງໂດຍກະຊວງການເງິນ,​ ກະຊວງເຕັກໂນໂລຊີ ແລະ ກະຊວງປ້ອງກັນປະເທດ ເຊີ່ງຮັບປະກັນໄດ້ວ່າສັນຍາປະກັນໄພຂອງລູກຄ້າຈະໄດ້ຮັບການຄຸ້ມກັນແບບດຽວກັບສັນຍາທີ່ພິມເປັນເຈ້ຍ.​

ລູກຄ້າປະກັນໄພສາມາດປ່ຽນສັນຍາປະກັນໄພແບບທຳມະດາໃຫ້ເປັນສັນຍາແບບ ອີເລັກໂຕຮນິກໄດ້ດ້ວຍຕົນເອງໂດຍຜ່ານແອັບພຣິເຄຊັ້ນ My Insurance. ກົດເມນູ ສັນຍາປະກັນໄພ, ເລືອກປະກັນໄພທີ່ທ່ານຕ້ອງການປ່ຽນເປັນສັນຍາເອເລັກໂຕຣນິກ, ກົດ ສະຫມັກ, ອ່ານເງື່ອນໄຂການສະຫມັກ ,ຍອມຮັບ ແລະ ກົດ ຢືນຍັນ ພຽງເທົ່ານີ້ທ່ານກໍສາມາດປ່ຽນສັນຍາທຳມະດາ ໃຫ້ກາຍເປັນສັນຍາແບບອອນລາຍໄດ້ແລ້ວ ໃນກໍລະນີທີ່ເຈົ້າໜ້າທີ່ຕຳຫຼວດຂໍກວດປະກັນໄພລົດ ລູກຄ້າສາມາດດາວໂຫຼດ e-Insurance policy QR code ເພື່ອໃຫ້ເຈົ້າໜ້າທີ່ສະແກນ ແລະ ກວດສອບປະກັນໄພລົດຂອງທ່ານໄດ້ ໂດຍບໍ່ຈຳເປັນນຳໃຊ້ເອກະສານເປັນເຈ້ຍອີກຕໍ່ໄປ.

ນອກນັ້ນທ່ານຍັງສາມາດດາວໂຫລດເອົາບັດປະກັນສຸຂະພາບເພື່ອເຂົ້ານໍາໃຊ້ໃນໂຮງໝໍ ແລະ ຄີນິກເຄື່ອຂ່າຍຂອງອາລິອັນສ໌ປະກັນໄພລາວໄດ້ແບບບໍ່ຕ້ອງຖືບັດແທ້.​