ສປປ ລາວ ຕ້ອນຮັບການຢ້ຽມຢາມຂອງ ສສ ຫວຽດນາມ ທີ່ຫຼວງພະບາງ
ພິທີຕ້ອນຮັບການເຂົ້າຢ້ຽມຢາມຂອງ ສສ ຫວຽດນາມ ແລະເມືອງໂພນທອງສປປ ລາວ
ໄດ້ມີພິທີຕ້ອນຮັບຄະນະຜູ້ແທນຫວຽດນາມ, ທ່ານ ວູ້ວັນເກວິນ ຄະນະປະຈຳພັກເມືອງ ຮອງເຈົ້າເມືອງໆ ສົບກົບ ແຂວງເຊິນລາ ສສ ຫວຽດນາມ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ແລະ ພົບປະກັບຄະນະນໍາເມືອງໂພນທອງ ແຂວງຫຼວງພະບາງ ສປປ ລາວ ໃນວັນທີ 12 ເມສາ 2022 ຜ່ານມາ ທີ່ດ່ານຊາຍແດນ ລາວ-ຫວຽດນາມ ນາຊອນ ເມືອງໂພນທອງ ແຂວງຫຼວງພະບາງ. ເນື່ອງໃນໂອກາດບຸນປີໃໝ່ລາວ ພສ 2565.
ໂດຍການຕ້ອນຮັບອັນອົບອຸ່ນຂອງ ທ່ານ ສົມວອນ ແກ້ວຄໍາພອນ ຮອງເລຂາພັກເມືອງ ປະທານກວດກາພັກ-ລັດເມືອງໂພນທອງ ພ້ອມດ້ວຍຄະນະ.
ໂອກາດດັ່ງກ່າວນີ້ທ່ານ ວູ້ວັນເກວິນ ຄະນະປະຈຳພັກເມືອງ ຮອງເຈົ້າເມືອງໆ ສົບກົບ ແຂວງເຊິນລາ ສສ ຫວຽດນາມ ກໍໄດ້ກ່າວວ່າ: ການມາພົບປະຢ້ຽມຢາມໃນຄັ້ງນີ້ ໃນທ່າມກາງບັນຍາກາດທີ່ປະຊາຊົນສອງຊາດລາວ – ຫວຽດນາມພວມອອກແຮງແຂ່ງຂັນກັນສ້າງຜົນງານ ໄວ້ຂໍ່ານັບຮັບຕ້ອນສອງວັນປະຫວັດສາດທີ່ສໍາຄັນຂອງລາວ – ຫວຽດນາມຄື:
ວັນສົນທິສັນຍາຮ່ວມມືລາວ – ຫວຽດນາມ ຄົບຮອບ 45 ປີ ແລະ ວັນສ້າງຕັ້ງສາຍພົວພັນທາງການທູດລາວ – ຫວຽດນາມ ຄົບຮອບ 60 ປີທີ່ໃກ້ຈະມາເຖິງໃນມໍໆນີ້ຢ່າງເປັນຂະບວນຫ້າວຫັນຟົດຟື້ນ, ພ້ອມທັງມອບເຄື່ອງອຸປະໂພກ – ບໍລິໂພກ ແລະ ກ່າວອວຍພອນໄຊອັນປະເສີດມາຍັງຄະນະນໍາເມືອງໂພນທອງ, ຈົງມີສຸຂະພາບທີ່ແຂງແຮງສົມບູນ ແລະປະສົບຜົນສໍາເລັດໃນໜ້າທີ່ການເມືອງ.
ຈາກນັ້ນທ່ານ ສົມວອນ ແກ້ວຄຳພອນ ຮອງເລຂາພັກເມືອງ ກໍໄດ້ກ່າວສະແດງຄວາມຍິນດີຕ້ອນຮັບ ແລະຂອບໃຈມາຍັງຄະນະນໍາເມືອງສົບກົບ ພ້ອມທັງຕີລາຄາສູງຕໍ່ການມາຢ້ຽມຢາມຂອງຄະນະຄັ້ງນີ້ ເຊິ່ງເປັນການເສີມຂະຫຍາຍສາຍພົວພັນຮ່ວມມືມິດຕະພາບ ແບບພິເສດ ແລະ ເພີ່ມພູນຄູນສ້າງການພົວພັນຮ່ວມມືຮອບດ້ານລະຫວ່າງສອງຊາດລາວ-ຫວຽດ ນາມ ເວົ້າລວມ, ເວົ້າສະເພາະກໍ່ຄືເມືອງໂພນທອງ ແຂວງຫຼວງພະບາງ ແຫ່ງ ສປປ ລາວ ແລະ ເມືອງສົບກົບ ແຂວງເຊິນລາ ແຫ່ງ ສສ ຫວຽດນາມ ໃຫ້ນັບມື້ແໜ້ນແຟ້ນຍິ່ງຂື້ນ.ຈາກນັ້ນ ສອງຝ່າຍຍັງໄດ້ອວຍພອນ ເຊິ່ງກັນ ແລະກັນຕື່ມອີກ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: Media Laos