ວັນທີ 20 ເມສາ 2022 ນີ້ ຢູ່ໂຮງງານປະສານເຫຼົ່າພາກກາງ ໄດ້ຈັດພິທີ ປະກາດທຽບຊັ້ນໃຫ້ພະນັກງານ – ນັກຮົບ ທີ່ຮຽນຈົບຈາກສາຍລັດປະຈຳງວດຕົ້ນປີ 2022 ແລະ ຜ່ານຂໍ້ຕົກລົງແຕ່ງຕັ້ງຄະນະບໍລິຫານງານຊາວໜຸ່ມຊຸດໃໝ່ ປະຈຳປີ 2022 ໂດຍການເປັນປະທານຂອງທ່ານ ພັທ ສອນວິໄລ ປັນຍາສິດ ເລຂາຄະນະພັກຮາກຖານ ອຳນວຍການໂຮງງານປະສານເຫຼົ່າພາກກາງ ເຊິ່ງມີຄະນະພັກ – ຄະນະອຳນວຍການໂຮງງານ

ມີບັນດາຫົວໜ້າພະແນກທັງ 8 ພະແນກ ແລະ 1 ໝູ່ປ້ອງກັນ, ມີຄະນະບໍລິຫານງານຊາວໜຸ່ມ ແລະ ຄະນະໜ່ວຍສະຫະພັນແມ່ຍິງ ພ້ອມດ້ວຍພະນັກງານທັງຍິງ – ຊາຍ ເຂົ້າຮ່ວມຈຳນວນ 56 ສະຫາຍ, ຍິງ 15 ສະຫາຍ

ຈາກນັ້ນ ທ່ານ ພັນໂທ ວຽງມອນ ສີມມະລີ ຮອງເລຂາຄະນະພັກຮາກຖານ ຮອງອຳນວຍການໂຮງງານ ໄດ້ຜ່ານຂໍ້ຕົກລົງ ຂອງກົມໃຫຍ່ການເມືອງກອງທັບ ວ່າດ້ວຍການປະດັບທຽບຊັ້ນນາຍທະຫານໃຫ້ນັກຮຽນ ຮຽນຈົບວິຊາສະເພາະ ຈາກສາຍລັດຢູ່ໂຮງງານປະສານເຫຼົ່າພາກກາງ ທີ່ຂື້ນກັບກົມໃຫຍ່ເຕັກນິກກອງທັບ ຈຳນວນ 04 ສະຫາຍ, ຫຼັງຈາກນັ້ນ ກໍ່ໄດ້ຜ່ານຂໍ້ຕົກລົງແຕ່ງຕັ້ງຄະນະບໍລິຫານງານຊາວໜຸ່ມ ໂຮງງານປະສານເຫຼົ່າພາກກາງ ຊຸດໃໝ່ ປະຈຳປີ 2022 .

ໃນໂອກາດດຽວກັນທ່ານ ພັນໂທ ສອນວິໄລ ປັນຍາສິດ ກໍ່ໄດ້ໃຫ້ຄຳໂອ້ລົມແກ່ບັນດາພະນັກງານ – ສະຊິກຊາວໜຸ່ມ ເວົ້າລວມ, ເວົ້າສະເພາະ ແມ່ນພະນັກງານຜູ້ທີ່ໄດ້ຮັບຊັ້ນໃໝ່ ໃຫ້ເອົາໃຈໃສ່ປະຕິບັດໜ້າທີ່ວຽກງານວິຊາສະເພາະ ຕາມຂັ້ນເທິງມອບໝາຍ ໃຫ້ມີປະສິດທິຜົນ ແລະ ບັນລຸຕາມເປົ້າໝາຍທີ່ກຳນົດໄວ້, ພ້ອມກັນນັ້ນ ກໍ່ຍັງໄດ້ເໜັ້ນໜັກເຖິງວຽກງານດ້ານການເມືອງແນວຄິດ ໃຫ້ຖືເອົາເປັນບັນຫາສຳຄັນພ້ອມທັງຮັບປະກັນການປະຕິບັດວຽກງານຂອງແຕ່ລະສະຫາຍເອົາໃຈໃສ່ດ້ານຄຸນນະພາບ, ຮັບປະກັນຄວາມປອດໄພໃຫ້ໄດ້ດີ ພ້ອມກັນສ້າງສາ ພັດທະນາກົມກອງໃຫ້ມີຄວາມກ້າວໜ້າຢ່າງບໍ່ຢຸດຢັ້ງ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: Media Laos