ມາຮູ້ຈັກກັບຄໍາວ່າ “ຈາງ” ການນໍາໃຊ້ ແລະ ຄວາມໝາຍໃນພາສາລາວ
DooDiDo
ອະທິບາຍເນື້ອໃນຂອງຄໍາວ່າ “ຈາງ” ມີຄວາມໝາຍແນວໃດ?
ຄິດວ່າມະນຸດຄົນເຮົາທຸກຄົນໜ້າຈະເຂົ້າໃຈດີສຳລັບຄວາມຮູ້ສືກໃນລົດຊາດຂອງອາຫານທີ່ເຮົາໄດ້ຮັບປະທານເຂົ້າໄປ ຫລື ລວມທັງລົດຊາດຂອງຊິວິດ ແລະ ອື່ນໆ ທີ່ສື່ໃຫ້ເຮົາໄດ້ຮັບຮູ້ເຖິງຄວາມສືກເຊັ່ນ: ລົດຊາດຫວານ, ລົດຊາດເຄັມ, ລົດຊາດນົວ, ລົດຊາດສົ້ມ ຕ່າງໆ, ໃນນັ້ນອີກຄຳໜຶ່ງທີ່ຈະບົງບອກໃຫ້ຮູ້ວ່າການທີ່ຂາດໄປຂອງລົດຊາດດັ່ງກ່າວ ຫລື ຄວາມບໍ່ພໍດີ, ຄວາມບໍ່ພຽງພໍຂອງລົດຊາດ ນັ້ນໆ ໃນພາສາລາວຈະເອີ້ນວ່າ ຈາງ.
ນອກຈາກນີ້, ຄຳວ່າ ຈາງ ຍັງສາມາດນຳໃຊ້ກັບຄວາມຮູ້ສືກຂອງຄົນເຮົາໃນການກະທຳຕ່າງໆ ທີ່ເຮັດໃຫ້ຮູ້ສືກວ່າບໍ່ພຽງພໍ, ຫາກວ່າເປັນໄວໜູ່ມສາວຕອນຮັກແພງກັນດີ ກໍຈະມັກເວົ້າກັນວ່າ ຄວາມຮັກນັ້ນ ຍັງຫວານປານນ້ຳເຜິ້ງຢູ່, ແຕ່ຫາກຢູ່ຕໍ່ມາຄວາມຮູ້ສືກດັ່ງກ່າວໄດ້ຫ່າງຫາຍໄປເທືອລະເລັກລະນ້ອຍຕາມການເວລາ, ກໍຈະເຮັດໃຫ້ຄວາມຮູ້ສືກນີ້ເປັນຄວາມຮັກທີ່ຈືດຈາງ ນີ້ກໍຄືອີກກໍລະນີທີ່ໃຊ້ໄດ້.
ສະນັ້ນ, ໃນບົດຄວາມນີ້ເຮົາຈະມາເວົ້າເຖິງ ຄວາມໝາຍຂອງ ຄໍາວ່າ ຈືດ ໂດຍອີງຈາກຂໍ້ມູນບາງສ່ວນໃນວັດຈະນານຸກົມພາສາລາວ ສະບັບຄົ້ນຄວ້າ ແລະ ຮຽບຮຽງ ໂດຍ ທອງຄຳ ອ່ອນມະນີສອນ, ເພື່ອມາອະທິບາຍຄວາມໝາຍຄໍາສັບດັ່ງກ່າວ ດັ່ງນີ້:
ຄຳວ່າ ຈາງ.
ຈາງ ໃຊ້ເປັນຄໍາຄຸນນາມ ມີຄວາມໝາຍວ່າ ບໍ່ເຄັມ, ບໍ່ເຂັ້ມ…
ຕົວຢ່າງ:
ແມ່ເຮັດແກງປາມື້ນີ້ຄືຈາງເກືອແທ້. (ອາຫານໃສ່ເກືອບໍ່ພໍ ເອີ້ນວ່າ ຈາງເກືອ);
ສີເຮືອນນີ້ມັນຢາກຈາງໂພດ ຂ້ອຍຕ້ອງການໃຫ້ສີເຮືອນຂອງຂ້ອຍໂດດເດັ່ນກວ່ານີ້ (ນາຍຊ່າງປະສົມສີບໍ່ເຂັ້ມ ເອີ້ນສີຈາງ).
ສະຫຼຸບ.
ຄໍາວ່າ ຈືດ ແລະ ຈາງ ສອງຄໍານີ້ ມີຄວາມໝາຍຕ່າງກັນ, ຄໍາວ່າ ຈືດ ໃຊ້ໃນຮູບແບບຂອງຄໍາຄຸນນາມ ໝາຍເຖິງ ບໍ່ມີລົດຊາດ, ບໍ່ປຸກ, ແຕ່ຖ້າໃຊ້ໃນຮູບແບບຂອງຄໍາກໍາມະແມ່ນໝາຍເຖິງບໍ່ໃສ່ໃຈໃຍດີ, ໝົດຄວາມຫ່ວງຫາອາວອນຕໍ່ກັນ, ສ່ວວນຄໍາວ່າ ຈາງ ໝາຍເຖິງ ບໍ່ເຄັມ ຫຼື ບໍ່ເຂັ້ມ ເອີ້ນວ່າ ຈາງ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
