ມາຮູ້ຈັກຄໍາວ່າ: ກຸມ ແລະ ກຸ່ມ ມີຄວາມໝາຍແນວໃດ?

ໃນພາສາລາວການໃຊ້ວັນນະຍຸດກັບຄຳຕ່າງໆສ່ວນຫລາຍຈະເຮັດໃຫ້ຄວາມໝາຍຂອງຄຳດັ່ງກ່າວປ່ຽນໄປ ອາດຈະຫລາຍ ຫລື ນ້ອຍແລ້ວແຕ່ຄຳສັບນັ້ນໆເຊິງໃນນັ້ນອາດຈະຂື້ນກັບຕົວອັກສອນແດ່ເພາະອັກສອນບາງຕົວກໍບໍ່ສາມາດປ່ຽນສຽງໄດ້ຈາກການໃສ່ວັນນະຍຸດໃຫ້ມັນ.

ບົດນີ້ຈະຍົກເອົາຄຳວ່າ ກຸມ ແລະ ກຸ່ມ ມາອະທິບາຍ, ເຊິງສອງຄຳນີ້ອ່ານອອກສຽງທີ່ໃກ້ຄຽງກັນແຕ່ວັນນະຍຸດຕ່າງກັນ ແຕ່ຄົນຕ່າງຊາດກໍ່ຍັງຈຳແນກສຽງອອກຍາກຢູ່ດີ ເພາະພາສາ ສາກົນບໍ່ມີວັນນະຍຸດສ່ວນຫຼາຍຈະອ່ານອອກສຽງກາງທີ່ບໍ່ມີສຽງ ເອກ-ໂທ ຄືພາສາລາວ ກັບ ພາສາໄທ. ແຕ່ໃນນີ້ຈະຕ້ອງເນັ້ນໜັກໃນການອອກສຽງ ຄໍາວ່າ: ກຸມ,ກຸ່ມ ມັນມີຄວາມໝາຍໄປຄົນລະຢ່າງກັນ ແລະ ແຕ່ລະຄໍາກໍ່ມີຄວາມໝາຍໄປອີກຫຼາຍຢ່າງ.

ຄຳວ່າ ກຸມ:

ແມ່ນການໂອບກອດແບບຊູ້ສາວໂດຍທີ່ຝ່າຍກົງກັນຂ້າມບໍ່ຍິນຍອມ ແລະ ບໍ່ເຕັມໃຈນໍາ ຫຼື ເວົ້າອີກຢ່າງວ່າການຂືນໃຈ ຫຼື ການຂົ່ມຂືນກະທໍາສໍາເລົາທີ່ບໍ່ຖືກຕ້ອງຕາມຮີດຄອງປະເພນີ ແລະ ກົດໝາຍ.
ແມ່ນການເຮັດວຽກ ຫຼື ເຮັດສິ່ງໃດສິ່ງໜຶ່ງທີ່ມັນມີຄວາມຫຍຸ້ງຍາກລໍາບາກ ແລະ ໃຊ້ເວລາຫຼາຍ ແຕ່ມີຄວາມພະຍາຍາມເຮັດຈົນສໍາເລັດດ້ວຍຄວາມເມື່ອຍຍາກ ອັນນີ້ກະເອີ້ນວ່າກຸມເຮັດວຽກຈົນແລ້ວ, ກຸມມານ ເປັນຄໍານາມໝາຍເຖິງເດັກນ້ອຍຜູ້ຊາຍ,ກຸມມາຣີ ໝາຍເຖິງເດັກນ້ອຍຜູ້ຍິງ.

ຕົວຢ່າງ:

ຄືນກ່ອນນີ້ຫລັງຈາກເລີກງານລ້ຽງຊ່ວງກັບບ້ານມີຜູ້ຮ້າຍຄົນໜຶ່ງກຸ່ມຍິງສາວທີ່ກຳລັງຢາງຄົນດຽວກາງຖະໜົນ.
ອາຈາກໃຫ້ວຽກບ້ານຂ້ອຍຫລາຍໆ, ຂ້ອຍກຸມເຮັດໝົດຄືນຈົນແລ້ວ.

ຄຳວ່າ ກຸ່ມ:

ເປັນຄໍານາມ ທີ່ມີຄວາມໝາຍວ່າ ກ້ອນ,ໝວດໝູ່,ພັກພວກ,ໜ່ວຍ,ຝູງ ໂຮມຕົວກັນເຂົ້້າ ຫຼາຍກວ່າ 1 ຂຶ້ນໄປ

ເປັນຄໍານາມ ເຊິ່ງເປັນຊື່ຂອງຕົ້ນໄມ້ຊະນິດໜຶ່ງ ທີ່ເຮົາສາມາດນໍາເອົາໃບອ່ອນ ຫຼື ຍອດອ່ອນມາເຮັດສົ້ມຜັກ ແລະ ມີລົດຊາດແຊບຊ້ອຍດີ. ຕົ້ນກຸ່ມມີ 2 ຊະນິດຄື: ກຸ່ມນໍ້າ ເຊິ່ງມັກເກີດຢູ່ຕາມແຄມແມ່ນໍ້າ, ກຸ່ມບົກ ມັກເກີດຕາມບົກ ຕາມໂຄກ.
ແມ່ນຄໍານາມ ເປັນຊື່ຂອງປາຊະນິດໜຶ່ງ ມີເກັດເປັນສີຂາວ ແຕ່ເກັດແລບກວ່າເກັດປາຂາວເອີ້ນວ່າ: ປາກຸ່ມ.
ເປັນຄໍານາມ ຊື່ຂອງເສັ້ນຝ້າຍທີ່ເຂັນໃຫ້ຫັນແລ້ວພັນກ້ຽວເປັນກໍ້ໄວ້ໃຊ້ສໍາລັບເຮັດໄໝຫຍິບເອີ້ນວ່າ: ດ້າຍກຸ່ມ ຫຼື ກໍ້ກຸ່ມ.

ຕົວຢ່າງ:

ໄດ້ມີກຸ່ມຄົນບໍ່ດີມາລັກງັດແງະເອົາເຄື່ອງສຽງຢູ່ເຮືອນຂ້ອຍ.
ກຸ່ມບໍລິສັດຊີພີນຳໜ້າດ້ານສິນຄ້າບໍລິໂພກ.

ສະຫລຸບ.

ຄຳວ່າ ກຸມ ແລະ ກຸ່ມ ສອງຄຳນີ້ອ່ານອອກສຽງທີ່ໃກ້ຄຽງກັນແຕ່ວັນນະຍຸດຕ່າງກັນມີຄົນລະຄວາມໝາຍ, ຄຳວ່າ ກຸມ ໝາຍເຖິງການຄຸມເຮັດຫຍັງຈັກຢ່າງໜຶ່ງທີ່ຫຍຸ້ງຍາກໃຫ້ສຳເລັດ, ສ່ວນ ກຸ່ມ ມີຄວາມໝາຍວ່າ ກ້ອນ,ໝວດໝູ່, ພັກພວກ, ໜ່ວຍ, ຝູງ ໂຮມຕົວກັນເຂົ້້າ ຫຼາຍກວ່າ 1 ຂຶ້ນໄປ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo