ການນຳໃຊ້ ໂຕ ແລະ ຕົວ ຄືກັນ ແລະ ຕ່າງກັນແນວໃດ?

ຄໍາວ່າ ໂຕ ແລະ ຕົວ ນຳໃຊ້ຈັງໃດໃຫ້ຖືກຕ້ອງໃນພາສາລາວ?

ຫລາຍໆຄົນມີການໃຊ້ຄຳໂຕ ແລະ ຕົວ ເປັນຕົ້ນແມ່ນການນັບຈ່ຳນວນສ່ວນຫລາຍຈະເປັນບັນດາສັດສາວາສິ່ງຕ່າງໆ ຫລື ການໃຊ້ແທນຄຳນາມທີ່ເປັນຊື່ຂອຕົວເອງ ແລະ ບຸກຄົນທີ່ສອງ ແລະ ເຊືອແນວ່າການສະກົດຄຳສອງຄຳນີ້ ຍັງຄົງເປັນຂໍ້ສົງໄສກັນຢູ່ວ່າຄວນໃຊ້ຄຳໃດແທ້ໃນພາສາລາວ ຈິ່ງຈະເໝາະສົມ ແລະ ຈະສະກົດຄຳແບບໃດໃຫ້ຖືກຕ້ອງຕາມຫລັກໄວຍາກອນຂອງພາສາລາວນັ້ນເຮົາຈະມາຮູ້ຈັກ ແລະ ເວົ້າລາຍລະອຽດພ້ອມຍົກຕົວຢ່າງໃຫ້ເຫັນໄປນຳກັນເລີຍ.

ໃນພາສາລາວຄຳວ່າໂຕ ແລະ ຕົວ ມີຄວາມໝາຍຄ້າຍຄືກັນ ແລະ ບາງຄວາມໝາຍສາມາດໃຊ້ແທນກັນໄດ້ເຊິງອິງໃສ່ບາງສ່ວນຈາກວັດຈະນານຸກົມພາສາລາວສະບັບ ມະຫາສິລາ ວີລະວົງ ແລະ ສະບັບ ດຣ.ທອງຄຳອ່ອນ ມະນີສອນ ມາເປັນບ່ອນອິງໃສ່ເພື່ອອະທິບາຍ ແລະ ເພື່ອທໍາຄວາມເຂົ້າໃຈຢ່າງເລິກເຊິ່ງກ່ຽວກັບຄໍາສັນນີ້ ໃຫ້ລະອຽດກວ່າເກົ່າ.

ຄຳວ່າໂຕ

ມີ 3 ປະເພດຄຳຄື:

ເປັນຄຳນາມ ແປວ່າ ຕົນ, ຕົວ, ຮູບຮ່າງຂອງຄົນ ແລະ ສັດ.
ເປັນຄຸນນາມ ແປວ່າ ໃຫຍ່, ໃຫຍ່ໂຕ.
ຄຳແທນນາມ ໃຊ້ຊື່ຜູ້ທີ່ເຮົາເວົ້ານຳທີ່ຮຸ່ນຮາວດຽວກັນ

ຕົວຢ່າງ.

ປ້າຂ້ອຍລ້ຽງງົວໄວ້ຫລາຍໂຕ ປະມານ 20 ກວ່າໂຕ.
ບ້ານຂ້ອຍມີງານລ້ຽງມື້ນີ້ຂ້າໝູ 2 ໂຕ
ເຮືອນໂຕຫລັງໃດເຮົາຊອກຫາບໍ່ເຫັນ

ຄຳວ່າ ຕົວ.

ຕົວ ເປັນຄຳນາມ ແປວ່າ ຮູບ, ຕົນ, ຕົວຕົນ.

ຕົວຢ່າງ:

ທຸກຄົນຕ້ອງຮັບພິຊອບຕົວເອງ
ເສດຖະກິດບ້ານເຮົາປີນີ້ເຕີບໃຫຍ່ຂະຫຍາຍຕົວຫລາຍ
ຕົວຢູ່ນີ້ໃຈຢູ່ພຸ້ນ

ສະຫຼຸບ.

ໃນພາສາລາວຄຳວ່າໂຕ ແລະ ຕົວ ມີຄວາມໝາຍຄ້າຍຄືກັນ ແລະ ບາງຄວາມໝາຍສາມາດໃຊ້ແທນກັນ ແຕ່ຄຳວ່າໂຕ ສາມາດໃຊ້ແທນຕົວໄດ້ທຸກຄຳສັບສ່ວນ ຕົວໃຊ້ແທນໂຕໄດ້ບາງຄຳສັບແຕ່ບໍ່ສາດມາດໃຊ້ແທນທຸກຄຳສັບໄດ້.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo