ບູນປະເພນີທີ່ຈັດຂື້ນທຸກໆປີເຮົາຈະໃຊ້ຄຳວ່າ ແຂ່ງເຮືອ ຫລື ຊ່ວງເຮືອ.
DooDiDo
ບູນປະເພນີທີ່ຈັດຂື້ນທຸກໆປີເຮົາຈະໃຊ້ຄຳວ່າ ແຂ່ງເຮືອ ຫລື ຊ່ວງເຮືອ.
ແຂ່ງເຮືອ ແລະ ຊ່ວງເຮືອ, ສອງຄຳສັບຂ້າງເທິງນີ້ມີຄວາມໝາຍທີ່ຄ້າຍຄືກັນ ໂດຍມີເປົ້າໝາຍອັນດຽວກັນຄື ເຮັດໃຫ້ໄດ້ຮັບໄຊຊະນະ ແຕ່ກໍມີຈຸດແຕ່ງຕ່າງກັນຢູ່ບໍ່ໜ້ອຍ ແລະ ມີການໃຊ້ສະເພາະຂອງມັນ.
ດັ່ງທີ່ເຮົາເຄີຍໄດ້ຍິນໄດ້ເວົ້າກັນມາຕະຫລອດໃນຮີດຄອງປະເພນີຂອງເຮົາກໍ່ໄດ້ມີການຈັດຂື້ນທຸກປີທັງສອງຝັງແມ່ນ້ຳຂອງທີ່ມີຮີດຄອງປະເພນີທີ່ຄ້າຍຄືກັນ
ແລະ ມີການຮ່ວມກັນຈັດງານເພື່ອເປັນມິດຕະພາບລະຫວ່າງ ສປປ ລາວ ແລະ ປະເທດໄທ, ໂດຍສະເພາະກໍ່ແມ່ນປະເພນີລາວທີ່ເອີ້ນວ່າ ບຸນຊ່ວງເຮືອ.
ຫລື ພາສາໄທຈະໃຊ້ ประเพณีแข่งเรือ
ສະນັ້ນເຮົາຈະມາອະທິບາຍຄຳທີ່ອາດຈະມີການໃຊ້ທີ່ບໍ່ຖືກແບບໃນພາສາລາວກັນເຊັ່ນ ຄຳວ່າ ແຂ່ງ ແລະ ຊ່ວງ.
#ແຂ່ງ ໝາຍເຖິງການເຮັດໃຫ້ຊະນະດ້ວຍເຫື່ອແຮງ ແລະ ສະຕິປັນຍາ ມັກໄປກັບຄຳວ່າ “ແຂ່ງຂັນ” ເຊັ່ນ:
ແຂ່ງຂັນເວົ້າ, ແຂ່ງລົດ, ແລ່ນແຂ່ງກັນ….
#ຊ່ວງ ໝາຍເຖິງການເຮັດໃຫ້ໄດ້ຮັບໄຊຊະນະ ດ້ວຍການອອກເຫື່ອແຮງ ດ້ວຍພາຫະນະໃດໜຶ່ງ ໂດຍສະເພາະໃຊ້ກັບເຮືອ ແລະ ແພ ເຊັ່ນ:
ຊ່ວງເຮືອ, ຊ່ວງແພ
ຄຳວ່າ “ຊ່ວງ” ມັກໄປກັບຄຳວ່າ “ຊ່ວງຊີງ, ຊ່ວງເສັງ”
ແຕ່ຄຳວ່າ “ແຂ່ງ” ກໍສາມາດໃຊ້ກັບ ເຮືອໄດ້ເຊັ່ນກັນຄື:
ແຂ່ງເຮືອງາມ, ແຂ່ງເຮືອພາຍ, ແຂ່ງເຮືອແຂ່ງພາຍແຂ່ງໄດ້ ແຕ່ບໍ່ສາມາດແຂ່ງບຸນວາສະໜາ….
ດັ່ງນັ້ນໃນປະເພນີທີ່ ສປປ ລາວ ແລະ ໄທ ໄດ້ຈັດຂື້ນທຸກໆປີໃນຊວງ 15 ຄຳເດືອນ 11 ລາວ,
ສະຫລຸບແລ້ວໃນພາສາລາວ ຕ້ອງໃຊ້ຄຳວ່າ ຊ່ວງເຮືອ ຫຼື ບຸນຊ່ວງເຮືອ ບໍ່ໃຊ້ ບຸນແຂ່ງເຮືອ, ພາສາໄທ ຈະເອີ້ນວ່າ ประเพณีแข่งเรือ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: fb ປ່ອງຢ້ຽມພາສາລາວ
