ທູດອັງກິດ ປະຈຳລາວຢ້ຽມຢາມເຂດເສດຖະກິດພິເສດ ສາມຫຼ່ຽມຄຳ
ອັກຄະລັດຖະທູດອັງກິດ ຜູ້ມີອຳນາດເຕັມປະຈຳລາວ ເດີນທາງມາຢ້ຽມຢາມເຂດເສດຖະກິດພິເສດ ສາມຫຼ່ຽມຄຳ
ທ່ານ ຈອນ ເພຍຣສັນ ເອກອັກຄະລັດຖະທູດ ແຫ່ງລາຊະອານາຈັກອັງກິດ ຜູ້ມີອຳນາດເຕັມ ປະຈຳລາວ ພ້ອມດ້ວຍຄະນະ ເດີນທາງຢ້ຽມຍາມທີ່ເຂດເສດຖະກິດພິເສດ ສາມຫຼ່ຽມຄຳໃນວັນທີ 7 ກັນຍາ 2022, ທີ່ສະໜາມບິນສາກົນ ບໍ່ແກ້ວ, ໃຫ້ກຽດຕ້ອນຮັບດ້ວຍ ທ່ານ ສີລັດ ແສງດາລາ ຮັກສາການຫົວໜ້າພະແນກຕ່າງປະເທດແຂວງ ບໍ່ແກ້ວ ພ້ອມດ້ວຍຄະນະຄຸ້ມຄອງເຂດເສດຖະກິດພິເສດ ແຂວງ ບໍ່ແກ້ວ.
ພ້ອມໄດ້ລົງທ່ຽວຊົມສະໜາມບິນສາກົນ ບໍ່ແກ້ວ, ໂຄງການພັດທະນາກະສິກຳ, ໂຄງການພັດທະນາພາຍໃນຕົວເມືອງ, ທ່າເຮືອຂົນສົ່ງສິນຄ້າສາກົນ, ທ່າເຮືອຜູ້ໂດຍສານ, ປ່ອງຢ້ຽມສາມຫຼ່ຽມຄຳ, ຕະຫລາດວັດທະນະທຳນາໆຊາດ ແລະ ໂຮງແຮມດາວດອກງິ້ວຄຳ ເຫັນໄດ້ເຖິງການພັດທະນາຂອງເຂດເຮົາມີການພັດທະນາໄດ້ຢ່າງວ່ອງໄວ ແລະ ຍັງມີສະຖານທີທ່ອງທ່ຽວທີ່ສາມາດເຂົ້າມາທ່ຽວຊົມໄດ້.
ວັນດ່ຽວກັນ ທ່ານ ເອກອັກຄະລັດຖະທູດ ແຫ່ງລາຊະອານາຈັກອັງກິດ ປະຈຳປະເທດລາວ ພ້ອມຄະນະກໍ່ໄດ້ສືບຕໍ່ເດີນທາງໄປຢ້ຽມຢາມ ແລະ ເຮັດວຽກຢູ່ແຂວງ ບໍ່ແກ້ວ ແລະ ເຂົາພົບ ຄະນະປະຈຳພັກແຂວງ ກໍ່ໄດ້ຕ້ອນຮັບຈາກ ທ່ານ ຄຳຜະຫຍາ ພົມປັນຍາ ຮອງເຈົ້າແຂວງ ພ້ອມທັງລາຍງານສະພາບ ແລະ ຈຸດພິເສດຂອງແຂວງບໍ່ແກ້ວໂດຍຫຍໍ້ແຂວງບໍ່ແກ້ວ ເຊິງ ແຂວງບໍ່ແກ້ວມີທ່າແຮງ ດ້ານການຂົ່ນສົ່ງ ຜ່ານແດນ,ມີດ່ານສາກົນ 3 ແຫ່ງ,ມີການຄ້າກັບປະເທດໃກ້ຄຽງ,ມີແຫຼງທ່ອງທ່ຽວທາງທຳມະຊາດ,ປະຫວັດສາດ,ວັດທະນະທຳ ຫຼາຍແຫ່ງ,ມີເນື້ອທີດິນທີອູດົມສົມບຸນເໝາະແກ່ການຜະລິດເປັນສິນຄ້າ,ມີແມ່ນໍ້າຫຼາຍສາຍທີ່ສາມາດສ້າງເຂືອນໄຟຟ້າ,ມີເຂດເສດຖະກິດພິເສດສາຫຼຽມຄຳເຊິ່ງມີຜູ້ພັດທະນາ,ນັກລົງທຶນ,ແຮງງານທັງພາຍໃນ ແລະ ຕ່າງປະເທດ.ປະຈຸບັນແມ່ນຍັງສືບຕໍ່ພັດທະນາພື້ນຖານໂຄງລ່າງ ແລະ ສະໜາມບິນ ສາກົນແຂວງບໍ່ແກ້ວ ຄາດວ່າຈະເປີດນໍາໃຊຢ່າງເປັນທາງການໃນ ໄວໆນີ້.
ທ່ານ ຈອນ ເພຍຣສັນ ເອກອັກຄະລັດຖະທູດ ແຫ່ງລາຊະອານາຈັກອັງກິດ ຜູ້ມີອຳນາດເຕັມ ປະຈຳລາວ ກໍ່ໄດ້ລາຍງານສະພາບການຈັດຕັ້ງປະຕິບັດວຽກງານຢູ່ ສປປລາວ ໃນນາມເປັນເອກອັກຄະລັດຖະທູດ ກໍ່ມິຫຼາຍວຽກງານທີຮ່ວມມືແລະໃຫ້ການຊ່ວຍເຫຼືອ ເປັນຕົ້ນແມ່ນການຊ່ວຍເຫຼືອວັກຊິກ ປ້ອງກັນໂຄງວິດ -19, ອຸປະການການເພດ,ການຮ່ວມມືດ່ານວຽກງານສາທາ,ສຶກສາ, ວຽກງານສິງແວດລ້ອມ ການນຳໃຊ້ພະລັງານສະອາດປະສະຈາກມົນລະຜິດທາງອາກາດ,ການເກັບກູ້ລະເບີດບໍ່ທັນແຕກ ແລະ ວຽກງານອື່ນພ້ອມທັງສະເໜີໃຫ້ແຂວງບໍ່ແກ້ວມີດ່ານໃດທີ່ແຂວງຈະໃຫ້ການທູດອັງກິດປະຈຳລາວມີສວນຮ່ວມ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: ໜັງສືພິມບໍ່ແກ້ວ