ອະທິບາຍຄໍາວ່າ “ໄຮ່” ໃນພາສາລາວມີຄວາມໝາຍແນວໃດ?

ຄໍາວ່າ “ໄຮ່” ເປັນຄຳນາມໝາຍເຖິງ ພື້ນທີ່ບ່ອນປູກພືດຜົນໃນບ່ອນທີ່ສູງກ່ວານາ ໂດຍການຟັນຖາງຕົ້ນໄມ້ລົງແລ້ວຈູດເພື່ອປັບໜ້າດິນໃຫ້ເປົ່າແປນແລ້ວນຳເອົາຜົນລະປູກ, ໃນ ສປປ ລາວ, ປະຊາຊົນລາວທີ່ອາໄສຢູ່ຕາມລຽບສອງຂ້າງທາງທີ່ຕິດກັບເນີນພູຕ່າງໆ ສ່ວນຫລາຍອາໄສອາຊີບການເຮັດໄຮ່ເພື່ອລ້ຽງຊີບຂອງຕົນເອງ ໂດຍເຮົາສາມາດເຫັນໄດ້ໃນເວລາທີ່ເດີນທາງໄປທາງເໜືອ ເຮົາຈະເຫັນວ່າມີໄຮ່ຫລາຍກວ່າທາງໃຕ້ເນືອງຈາກວ່າມີພູຫລາຍ.

ນອກຈາກນີ້, “ໄຮ່” ຍັງໝາຍເຖິງການຖາກຖາງຕົ້ນໄມ້ໃບຫຍ້າເປັນບໍລິເວນກ້ວາງຂວາງເພື່ອໃຫ້ສາມາດປູກຝັງພືດພັນນາໆຊະນິດໄດ້້ເປັນຈຳນວນຫຼວງຫຼາຍໃນເວລາດຽວກັນ, ອາດຈະເປັນໜ່ວຍພູ, ເນີນພູ, ທົ່ງພຽງກ້ວາງ ແລະ ບ່ອນອື່ນໆ ທີ່ໃຊ້ປູກພືດຜັກ ຫຼື ການເຮັດກຳສິກຳຕ່າງໆທັງໝົດນີ້ເອີ້ນວ່າ ໄຮ່, ສ່ວນຫລາຍ ໄຮ່ ຈະຢູ່ຕາມເປີ້ນພູ ຫລື ຢູ່ນຳພູເລີຍໂດຍປະຊາຊົນມັກຈະຖາງ ຫຼື ຈູດຕົ້ນໄມ້ ຫລື ສິ່ງທີ່ຮົກເຮື້ອເພື່ອຈະລົງພືດພັນຜົນລະປູກທີ່ຕັ້ງໃຈໄວ້ ເຊັ່ນ : ສາລີ, ມັນຕົ້ນ, ມັນດ້າງ ແລະ ອື່ນໆ ມາປູກລົງໃສ່ໜ້າດິນເພື່ອຜະລິດເປັນສິນຄ້າແລ້ວສົ່ງອອກສູ່ພໍ່ຄ້າ ຫຼື ແມ່ຄ້າຄົນກາງ. ອີກຄວາມໝາຍໜື່ງ ໄຮ່ ຍັງໝາຍເຖິງຫົວໜ່ວຍໃນການວັດເນື້ອທີ່ຂອງດີນອີກ.

ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:

ຄໍາວ່າ “ໄຮ່”.

ຄຳວ່າ ໄຮ່ ເປັນຄໍານາມ ມີຄວາມໝາຍເຖິງພື້ນທີ່ບ່ອນປູກພືດຜົນໃນບ່ອນທີ່ສູງກ່ວານາ.

ໄຮ່ ອີກຄວາມໝາຍໜື່ງ ໄຮ່ ຍັງໝາຍເຖິງຫົວໜ່ວຍໃນການວັດເນື້ອທີ່ຂອງດີນອີກ.

ຕົວຢ່າງ:

ຄອບຄົວຂ້ອຍເຮັດໄຮ່ສາລີຢູ່ເທິງພູສູງ
ປະຈຸບັນຫຼາຍຄອບຄົວໄດ້ມີການຍຸດຕິການຖາງປ່າເຮັດໄຮ່.
ປະຊາຊົນທາງພາກເໜືອຂອງລາວເຮົາສ່ວນຫຼາຍມີອາຊີບເຮັດໄຮ່ເຮັດນາເປັນຫຼັກ.
ເອື້ອຍຂອງມີດີນ 2 ໄຮ່, ລາວຢາກຈະຂາຍ 1 ໄຮ່.
ສອງຂ້າງທາງຂື້ນໄປທາງພາກເໜືອເປັນພູຫົວໂລ້ນ ເນືອງຈາກໄປຊາຊົນຈູດປ່າເພື່ອເຮັດ ໄຮ່

ສະຫຼຸບ.

ຄໍາວ່າໄຮ່ ເປັນຄຳນາມໝາຍເຖິງ ພື້ນທີ່ບ່ອນປູກພືດຜົນໃນບ່ອນທີ່ສູງກ່ວານາ ໂດຍການຟັນຖາງຕົ້ນໄມ້ລົງແລ້ວຈູດເພື່ອປັບໜ້າດິນໃຫ້ເປົ່າແປນແລ້ວນຳເອົາຜົນລະປູກ, ໝາຍເຖິງການຖາກຖາງຕົ້ນໄມ້ໃບຫຍ້າເປັນບໍລິເວນກ້ວາງຂວາງເພື່ອໃຫ້ສາມາດປູກຝັງພືດພັນນາໆຊະນິດໄດ້້ເປັນຈຳນວນຫຼວງຫຼາຍໃນເວລາດຽວກັນ, ອາດຈະເປັນໜ່ວຍພູ, ເນີນພູ, ທົ່ງພຽງກ້ວາງ ແລະ ບ່ອນອື່ນໆ ທີ່ໃຊ້ປູກພືດຜັກ ຫຼື ການເຮັດກຳສິກຳຕ່າງໆທັງໝົດນີ້ເອີ້ນວ່າ ໄຮ່, ອີກຄວາມໝາຍໜື່ງ ໄຮ່ ຍັງໝາຍເຖິງຫົວໜ່ວຍໃນການວັດເນື້ອທີ່ຂອງດີນອີກ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ ເວົ້າລາວກັນ