ອະທິບາຍຄໍາວ່າ “ຈືນ” ໃນພາສາລາວມີຄວາມໝາຍແນວໃດ?

ຄໍາວ່າ “ຈືນ” ໝາຍເຖິງການ ທີ່ຈະເຮັດໃຫ້ອາຫານ ຫລື ສິ່ງໃດໜຶ່ງ ບໍ່ວ່າຈະເປັນ ຊິ້ນ, ປາ, ຜັກ ແລະ ອື່ນໆ ນັ້ນສຸກ ແລະ ນຳມາຮັບປະທານໄດ້ຢ່າງແຊບນົວນັ້ນ ຕ້ອງໄດ້ນຳມາຈືນ ໃຫ້ສຸກ, ທີ່ຈິງແລ້ວມີຫລາກຫລາຍວິທີ່ໃນການປຸ່ງແຕ່ງອາຫານ, ແຕ່ການຈືນ ແມ່ນເປັນການເອົານ້ຳມັນໝູ ຫຼື ນ້ຳມັນພືດ ຫລື ອື່ນໆ ທີ່ສາມາດຈືນອາຫານໃຫ້ສຸກ, ກອບ ແລະ ມີຄວາມແຊບນັ້ນ ສາມາດເອີ້ນວ່າ ຈືນໄດ້ໝົດ.

ອາດເວົ້າໄດ້ວ່າ ຈືນ ເປັນການນຳເອົາສິ່ງທີ່ຈະນຳເອົາມາໃຊ້ເປັນອາຫານເຊັ່ນ : ປາ, ຊີ້ນໝູ, ຊີ້ນງົວ … ມາໃສ່ລົງໃນໝໍ້ກະທະທີ່ບັນຈຸນ້ຳມັນພືດ ຫຼື ນ້ຳມັນໝູດ້ວຍອຸນຫະພູມທີ່ມີຄວາມຮ້ອນສູງແລ້ວ ຫຼັງຈາກຈາກນັ້ນຄ່ອຍໆພິກ ຫຼື ປີ້ນອີກດ້ານຂອງສີ່ງທີ່ເຮົານຳມາຈືນໄປເລື້ອຍໆ ຈົນກ່ວາອາຫານທີ່ນຳມາຈືນນັ້ນ ຈະເຫຼືອງກອບງາມແລະສຸກ ຈື່ງນຳມາຕັກໃສ່ຈານເພື່ອຮັບປະທານ, ເຮົາເອີ້ນອາຫານທີ່ເຮັດດ້ວຍວິທີນີ້ວ່າ “ຈືນ”.

ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:

ຄໍາວ່າ “ຈືນ”.

“ຈືນ” (1. ຄຳກຳມະ) ໝາຍຄວາມວ່າການເຮັດໃຫ້ອາຫານສຸກໃນນ້ຳມັນທີ່ຮ້ອນ

ຕົວຢ່າງ:

ອາຫານເດັດຂອງມື້ນີ້ແມ່ນ ຈືນປາກັບຕຳໝາກຫຸ່ງ
ວານນີ້ກັບເມືອບ້ານ ແມ່ຈືນຊີ້ນໝູສາມຊັ້ນສູ່ກິນແຊບໆ
ຈືນປາເຮັດກອບໆເດີ້ຈັ່ງແຊບ

ສະຫຼຸບ.

ຄໍາວ່າຈືນ ໝາຍຄວາມວ່າມີການກະກຽມ ຫຼື ການຈືນ ແມ່ນການໃຊ້ນ້ຳມັນໝູ ຫຼື ນ້ຳມັນພືດພຽງຢ່າງດຽວ ແລະ ຕ້ອງໃຊ້ນ້ຳມັນໃນຈຳນວນທີ່ຫຼາຍຈື່ງຈະສາມາດເຮັດໃຫ້ອາຫານຂອງເຮົານັ້ນສຸກໄດ້, ຈືນ ເປັນການນຳເອົາສິ່ງທີ່ຈະນຳເອົາມາໃຊ້ເປັນອາຫານເຊັ່ນ : ປາ, ຊີ້ນໝູ, ຊີ້ນງົວ … ມາໃສ່ລົງໃນໝໍ້ກະທະທີ່ບັນຈຸນ້ຳມັນພືດ ຫຼື ນ້ຳມັນໝູດ້ວຍອຸນຫະພູມທີ່ມີຄວາມຮ້ອນສູງແລ້ວ ຫຼັງຈາກຈາກນັ້ນຄ່ອຍໆພິກ ຫຼື ປີ້ນອີກດ້ານຂອງສີ່ງທີ່ເຮົານຳມາຈືນໄປເລື້ອຍໆ ຈົນກ່ວາອາຫານທີ່ນຳມາຈືນນັ້ນ ຈະເຫຼືອງກອບງາມແລະສຸກ ຈື່ງນຳມາຕັກໃສ່ຈານເພື່ອຮັບປະທານ, ເຮົາເອີ້ນອາຫານທີ່ເຮັດດ້ວຍວິທີນີ້ວ່າ“ຈືນ”

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ ເວົ້າລາວກັນ