ອະທິບາຍຄໍາວ່າ “ຕາກ” ພາສາລາວມີຄວາມໝາຍແນວໃດ?

ຄໍາວ່າ “ຕາກ” ໝາຍເຖິງການຕາກຜ້າເຄື່ອງນຸງຮົ່ມຕ່າງໆມີຄວາມໝາຍຄືການພືອອກໃຫ້ຖືກແດດ ເພື່ອໃຫ້ເຄື່ອງ ຫຼື ວັດຖຸ ນັ້ນແຫ້ງຈາກນ້ຳ ແລະ ອື່ນໆ ຫຼື ເປັນການຕາກຝົນ, ຕາກອາກາດ, ຕາກລົມກໍໄດ້ເພື່ອໃຫ້ໄດ້ຈຸດປະສົງຕາມທີ່ຕ້ອງການ, ຫລື ຄວາມໝາຍເວົ້າໄດ້ວ່າເອົາໄປປະຖິ້ມໄວ້ກາງແຈ້ງບ່ອນທີ່ບໍ່ມີຫຍັງກຳບັງເຊິ່ງຫລາຍໆຄຳທີ່ເຮົາເຄີຍໄດ້ຍິນນຳກັນກໍຄືບ້ານຕາກອາກາດ, ການຕາກເຄື່ອງໃນຊິວິດປະຈຳວັນຂອງແຕ່ລະຄົນແຕ່ລະເຮືອນເປັນຕົ້ນ.

ນອກຈາກນີ້, “ຕາກ” ຍັງໝາຍເຖິງການແຂ່ງ, ສູ້ ເຊັ່ນ ແຂ່ງຝົນ, ແຂ່ງແດດ,ສູ້ຝົນ, ສູ້ແດດ ເປັນຕົ້ນ. ທຸກກໍລະນີສ່ວນໃຫຍ່ເປັນການເອົາໄປປະໄວ້ໃນສະຖານທີ່ທີ່ໂລ້ງແຈ້ງບໍ່ມີສິ່ງກຳບັງຕ່າງໆ ເຊັ່ນ: ການແຂ່ງຝົນເພື່ອໄປເຮັດວຽກໄຮ່, ນາ, ຮົ້ວ, ສວນ ຫຼື ແຂ່ງແດດເພື່ອໄປເຮັດວຽກໄຮ່, ນາ, ຮົ້ວ, ສວນໄດ້ຄືກັນ, ບໍ່ພຽງແຕ່ເທົ່ານີ້ຍັງສາມາດເວົ້າໄດ້ວ່າແຂ່ງລົມ ແລະ ອື່ນໆໄດ້ ທີ່ຢູ່ບ່ອນກາງແຈ້ງ.

ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:

ຄໍາວ່າ “ຕາກ”.

ກ. ພືອອກໃຫ້ຖືກແດດ, ພື່ງໃຫ້ແຫັງ, ເຊັ່ນ ຕາກຜ້າ ຕາກເສື້ອ.
ກ. ປະຖີ້ມໄວ້ກາງແຈ້ງ ເຊັ່ນ ຕາກແດດ, ຕາກຝົນ, ຕາກລົມ
ກ. ແຂ່ງ, ສູ້ ເຊັ່ນ ແຂ່ງຝົນ, ແຂ່ງແດດ,ສູ້ຝົນ, ສູ້ແດດ ເປັນຕົ້ນ.
ກ. ເດ່ອອກ, ຈ່າງອອກ, ເຊັ່ນ ງ່າໄມ້ ຕາກອອກ ເປັນຕົ້ນ.

ຕົວຢ່າງ:

ເມຍຂອງຂ້ອຍຊັກເຄື່ອງແລ້ວໆເອົາເຄື່ອງໄປຕາກຕອນແດດແຮງໆ
ມື້ວານນີ້ຝົນຕົກແຮງຫລາຍແຕ່ພໍ່ຂອງຂ້ອຍຍັງແຂ່ງຝົນໄປເຮັດວຽກເພາະເປັນວັນຈັນ
ມື້ນີ້ຂ້ອຍຄິດວ່າຈະຊວນແຟນໄປຂີ່ລົດເລາະຕາກອາກາດ

ສະຫຼຸບ.

ຄໍາວ່າຕາກ ໝາຍຄວາມວ່າ ພືອອກໃຫ້ຖືກແດດ, ພື່ງໃຫ້ແຫັງເຊິ່ງໝາຍຄວາມວ່າປະຖີ້ມໄວ້ກາງແຈ້ງ ເຊັ່ນ ຕາກແດດ, ຕາກຝົນ, ຕາກລົມ. ນອກຈາກນີ້, “ຕາກ” ຍັງໝາຍເຖິງ ແຂ່ງ, ສູ້ ເຊັ່ນ ແຂ່ງຝົນ, ແຂ່ງແດດ,ສູ້ຝົນ, ສູ້ແດດເປັນຕົ້ນ

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ ເວົ້າລາວກັນ