ຄໍາວ່າ “ໂຕນ” ການນໍາໃຊ້ ແລະ ຄວາມໝາຍໃນພາສາລາວ
ອະທິບາຍຄໍາວ່າ “ໂຕນ” ມີຄວາມໝາຍແນວໃດ?
ທຸກໆການເຄືອນທີທີ່ມີການເຄືອນຈາກບໍ່ສູງລົງຫາບ່ອນຕ່ຳເຊັ່ນຕາມບ່ອນທີ່ເປັນຂຸ່ມເປັນຫລຸມ, ບ່ອນທີ່ສູງຫາບ່ອນຕ່ຳເຊັ່ນ: ຕຽງ, ໂຕະ, ຕັ່ງ, ຫລັງຄາເຮືອນ ແລະ ອື່ນໆ ແລ້ວລົງມາຫາພື້ນດິນ ຫລື ບ່ອນຕ່ຳກວ່າຢ່າງໄວວາດ້ວຍຄວາມທີ່ຕັ້ງໃຈ ຫລື ບໍ່ຕັ້ງໃຈກໍຕາມ, ສ່ວນຫລາຍລັກສະນັກເຫດການແບບນີ້ຄຳເວົ້າໃນພາສາລາວຈະເອີ້ນວ່າ: ໂຕນ, ແລະ ຄຳວ່າ ໂຕນ ນີ້ຍັງສາມາດເປັນໄດ້ຫລາຍຄວາມໝາຍອີກດ້ວຍ.
ນອກຈາກນີ້ແລ້ວ, ອີກຄວາມໝາຍໜຶ່ງຂອງຄຳວ່າ ໂຕນ ແມ່ນ ເປັນຫົວໜ່ວຍວັດແທກຂອງນ້ຳໜັກຂອງວັດຖຸສິ່ງຂອງ ຫລື ສິນຄ້າຕ່າງໆ, ໂດຍຄຳວ່າ ໂຕນ ນີ້ ຈະມີຄວາມໝາຍເຖິງ ນໍ້າໜັກ ເທົ່າກັນ 1000 ກິໂລ ຈຶ່ງສາມາດເອີ້ນວ່າ ໂຕນໜຶ່ງ, ແລະ ອີກຄວາມໝາຍໜຶ່ງຂອງ ຄຳວ່າ ໂຕນ ນີ້ ກໍຄືການໄປປະໂດຍບໍ່ໄດ້ບອກກ່າວ, ການໜີຈາກບ່ອນໃດບ່ອນໜຶ່ງຢ່າງໄວວາ ແລະ ບໍ່ໃຫ້ບຸກຄົນໃດໄດ້ຮູ້.
ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:
ຄຳວ່າ ໂຕນ:
ເປັນໄດ້ທັງຄໍານາມ, ຄໍາກໍາມະ ເຊິ່ງມີຄວາມໝາຍທີ່ແຕກຕ່າງກັນອອກໄປເຊັ່ນ:
- ໂຕນ (ຄໍານາມ) ໝາຍເຖິງ ນໍ້າໜັກ ເທົ່າກັນ 1000 ກິໂລ ເອີ້ນໜຶ່ງໂຕນ.
- ໂຕນ (ຄໍາກໍາມະ1) ໝາຍເຖິງ ເຮັດໃຫ້ຕົນເອງຕົກລົງຈາກບ່ອນສູງລົງໄປບ່ອນຕໍ່າ
- ໂຕນ (ຄໍາກໍາມະ2)ລັກໜນີຢ່າງຟ້າວຟັ່ງ ເອີ້ນວ່າ ໂຕນ
ຕົວຢ່າງ:
ນາຍຊ່າງຕ້ອງການໃຊ້ປູນຈໍານວນ 4 ໂຕນ ເພື່ອໃຊ້ໃນການກໍ່ສ້າງກໍາແພງ
ຊາຍຄົນໜຶ່ງໂດດລົງໄປຊ່ວຍເດັກນ້ອຍທີ່ກໍາລັງຈະຈົມນໍ້າ
ນາຍບ້ານປະກາດຢູ່ໂທລະໂຄ່ງບ້ານວ່າມີໂຈນໂຕນຄຸກ ຈໍານວນ 2 ຄົນ, ໃຫ້ປະຊາຊົນມີສະຕິລະວັງຕົວ
ສະຫຼຸບ.
ຄໍາວ່າ ໂຕນ ມີຫຼາຍຄວາມໝາຍແຕກຕ່າງກັນໄປຕາມແຕ່ລະຮູບແບບປະໂຫຍກ ເຊັ່ນ ຖ້າໃຊ້ເປັນຄໍານາມກໍໝາຍເຖິງນໍ້າໜັກ 1000 ກິໂລ ເປັນໜຶ່ງໂຕນ, ຖ້າໃຊ້ເປັນຄໍາກໍາມະກໍໝາຍເຖິງການເຮັດໃຫ້ຕົວເອງຕົກລົງໄປບ່ອນຕໍ່າ ຫຼືອີກຄວາມໝາຍໜຶ່ງກໍ່ແມ່ນການໜີຄວາມຜິດ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo