ຄໍາວ່າ “ແຂ້ວ” ການນໍາໃຊ້ ແລະ ຄວາມໝາຍໃນພາສາລາວ
DooDiDo
ອະທິບາຍຄໍາວ່າ “ແຂ້ວ” ມີຄວາມໝາຍແນວໃດ?
ຫາກຈະເວົ້າເຖິງ ຄຳວ່າ ແຂ້ວ ແລ້ວເປັນອະໄວຍະວະຂອງຄົນເຮົາທີ່ສາມາດບົດໃຫ້ອາຫານທີ່ເອົາເຂົ້າປາກເພື່ອໃຫ້ມັນແຫລກແຫລວ, ແລະ ເປັນສ່ວນໜຶ່ງຂອງໃບໜ້າໃນການເສີມບຸກຄະລິກໃຫ້ເບິ່ງສວຍງາມ ແລະ ຄົບອົງປະກອບ, ແຂ້ວເປັນສິ່ງທີ່ມີປະໂຫຍດຫລາຍໃນການດຳລົງຊິວິດ ເຊິ່ງວ່າຫລາຍໆຄົນທີ່ບໍ່ມີແຂ້ວ ຫລື ແຂ້ວຫລົ່ນ ແຂ້ວແມງກໍຈະໄປໃສ່ແຂ້ວໃໝ່ເພື່ອມາໃຊ້ໃນການຍ້ຳຕ່າງໆ.
ສະນັ້ນໃນບົດນີ້ເຈົາຈະເວົ້າກ່ຽວກັບຄຳວ່າ ແຂ້ວ, ເຊິງມີໝາຍເຖິງກະດູກເປັນເຫຼັ້ມໆ ຢູ່ໃນປາກຂອງຄົນ ແລະ ສັດ ສໍາລັບຫຍໍ້າອາຫານ; ເຄື່ອງໃຊ້ອື່ນທີ່ເປັນເຫຼັ້ມ ຫຼືເປັນຊີກຄ້າຍຄືແຂ້ວ ໃນປາກກໍ່ເອີ້ນວ່າແຂ້ວ ດັ່ງເຊັ່ນ ແຂ້ວຟືມ, ແຂ້ວເລື່ອຍ ເປັນຕົ້ນ.
ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດ, ໂດຍອີງຕາມຂໍ້ມູນຂອງວັດຈະນະນຸກົມພາສາລາວ ສະບັບຄົ້ນຄວ້າ ແລະ ຮຽບຮຽງ ໂດຍ ດຣ. ທອງຄໍາ ອ່ອນມະນີ ເຮົາສາມາດອະທິບາຍຄວາມໝາຍ ແລະ ວິທີການນໍາໃຊ້ສອງຄໍາສັບດັ່ງກ່າວ ໄດ້ດັ່ງນີ້:
ຄຳວ່າ ແຂ້ວ.
ແຂ້ວ ເປັນຄໍານາມ ໝາຍເຖິງ ກະດູກເປັນເຫຼັ້ມໆ ຢູ່ໃນປາກຂອງຄົນ ແລະ ສັດ ສໍາລັບຫຍໍ້າອາຫານ; ເຄື່ອງໃຊ້ອື່ນທີ່ເປັນເຫຼັ້ມ ຫຼືເປັນຊີກຄ້າຍຄືແຂ້ວ ໃນປາກກໍ່ເອີ້ນວ່າແຂ້ວ ດັ່ງເຊັ່ນ ແຂ້ວຟືມ, ແຂ້ວເລື່ອຍ ເປັນຕົ້ນ.
ສໍາລັບແຂ້ວຄົນ ແຂ້ວກົກຂ້າງເທິງ ແລະ ຂ້າງລຸ່ມ ຂ້າງລະສາມເຫຼັ້ມເອີ້ນວ່າ ແຂ້ວໂຄກ. ແຂ້ວໜ້າທັງຂ້າງລຸ່ມ ແລະ ຂ້າງເທິງ ຂ້າງລະສີ່ເຫຼັ້ມເອີ້ນວ່າແຂ້ວຫຍິ້ງ. ແຂ້ວແຫຼມທັງສອງຂ້າງລຸ່ມ ແລະ ເທິງ ຂ້າງລະສອງ ເອີ້ນວ່າແຂ້ວໝາກແງ. ແຂ້ວທີ່ປົ່ງຂຶ້ນໃນເວລາກິນນົມເອີ້ນວ່າແຂ້ວນໍ້ານົມ, ແຂ້ວທີ່ປົງຂຶ້ນໃນເວລາອາຍຸຄົບຊາວປີ ເອີ້ນວ່າ ແຂ້ວຊາວ. ແຂ້ວຜຸ, ແຂ້ວມີແມງກິນຕັ້ງແຕ່ປາຍລົງຫາກົກ ເອີ້ນວ່າ ແຂ້ວແມງ.
ຕົວຢ່າງ:
ຄົນເຮົາເກີດມາຕ້ອງມີແຂ້ວຄົບ 32 ເຫລັ້ມ.
ແມ່ຕູ້ຂ້ອຍບໍ່ມີແຂ້ວຫຍ້ຳເຂົ້າແລ້ວລາວໃສ່ແຂ້ວທຽມ.
ສະຫຼຸບ.
ຄໍາວ່າ ແຂ້ວ ແມ່ນກະດູກເປັນເຫຼັ້ມໆ ຢູ່ໃນປາກຂອງຄົນ ແລະ ສັດ ສໍາລັບຫຍໍ້າອາຫານ
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
