ຄໍາວ່າ “ຂ້ຽວ” ການນໍາໃຊ້ ແລະ ຄວາມໝາຍໃນພາສາລາວ
ອະທິບາຍຄໍາວ່າ “ຂ້ຽວ” ມີຄວາມໝາຍແນວໃດ?
ຄວາມຮູ້ ຄວາມສາມາດ ແລະ ປະສົບການ ທີ່ສາມາດເອົາມານຳໃຊ້ຢ່າງມີປະສິດທີພາບ ມີຜົນສຳເລັດເປັນທີ່ພໍໃຈ ຄືສິ່ງທີ່ໄດ້ມາດ້ວຍຄວາມອົດທົນພາກພຽນ ແລະ ການທີ່ຈະເຮັດສິ່ງໃດສິ່ງໜຶ່ງໃຫ້ສຳເລັດກໍຕ້ອງປະກອບມີນຳກັນຫລາຍຢ່າງ, ການທີ່ເຮັດວຽກນັ້ນ ຫລື ສິ່ງຕ່າງໆນັ້ນສຳເລັດໄດ້ ກໍໄດ້ມາຈາກຄວາມພາກພຽນພະຍາຍາມ ແລະ ຄວາມຄ້ຽວຂອງຜູ້ທີ່ຕັດສິນໃຈ ແລະ ລົງມືກະທຳ, ເຊິ່ງເປັນຄວາມໝາຍຂອງ ຄຳວ່າ ຂ້ຽວ.
ນອກຈາກຄວາມໝາຍທີ່ກ່າວມາແລ້ວ, ຂ້ຽວຍັງມີຄວາມໝາຍຕ່າງໄປອີກ ເຊິ່ງເວລາການນຳໃຊ້ກໍຕ້ອງໄດ້ເບິ່ງເຫດການທີ່ເກີດຂື້ນເວລານັ້ນໆ ເວົ້າເຖິງຫຍັງ ເຮົາຈິ່ງສາມາດຮູ້ຄວາມໝາຍທີ່ແທ້ຈິງໄດ້ ຄຳວ່າ ຂ້ຽວ ຍັງມີຄວາມໝາຍວ່າ ການເຮັດໃຫ້ນ້ຳຍາ ຫລື ນ້ຳອື່ນໆ ໃຫ້ແຫ້ງລົງຈົນເຫລືອເປັນຕອນ, ການຕົ້ມນ້ຳກະທິເພື່ອໃຫ້ເປັນນ້ຳມັນຕ່າງໆ, ນອກຈາກນັ້ນ, ຄຳວ່າ ຂ້ຽວ ຍັງໝາຍເຖິງການເລັ່ງເລົ້າໃຫ້ຮີບເຮັດ ຮີບລົງມື ເພື່ອໃຫ້ວຽກງານສຳເລັດກ່ອນ ຫລື ຕາມເວລາທີ່ກຳນົດໄວ້.
ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:
ຄຳວ່າ ຂ້ຽວ.
ຂ້ຽວ ເປັນຄໍາກໍາມະ ສາມາດໃຊ້ໃນຫຼາຍຮູບແບບປະໂຫຍກໂດຍມີຄວາມໝາຍແຕກຕ່າງກັນໄປໃນແຕ່ລະປະໂຫຍກເຊັ່ນ:
ຂ້ຽວ (ຄໍາກໍາມະ1) ມີຄວາມໝາຍວ່າ ຕົ້ມໃຫ້ແຂ້ນ.
ຕົວຢ່າງ:
ຕົ້ມນໍ້າກະທິໝາກພ້າວໃຫ້ເປັນນໍ້າມັນ ເອີ້ນວ່າ ຂ້ຽວນໍ້າມັນ, ຕົ້ມຢາໃຫ້ແຂ້ນ ເອີ້ນວ່າ ຂ້ຽວຢາ.
ຂ້ຽວ (ຄໍາກໍາມະ2) ມີຄວາມໝາຍວ່າ ບັງຄັບໃຫ້ເຮັດ, ຂູ່ເຂັນໃຫ້ເຮັດ ເອີ້ນວ່າ ຂ້ຽວຂອດ.
ຕົວຢ່າງ:
ພວກເຈົ້າໜີ້ຂ້ຽວຂອດໃຫ້ລູກໜີ້ຈ່າຍດອກເບ້ຍໃຫ້ທັນເວລາ ຖ້າບໍ່ດັ່ງນັ້ນພວກເຂົາຈະຍຶດເອົາຊັບສິນຂອງລູກໜີ້ທັງໝົດ.
ຂ້ຽວ (ຄໍາກໍາມະ3) ມີຄວາມໝາຍວ່າ ເລັ່ງລັດ, ບີບຄັ້ນ ເອີ້ນວ່າ ຂ້ຽວເຂັນ.
ຕົວຢ່າງ:
ນາຍຈ້າງຂ້ຽວເຂັນໃຫ້ລູກຈ້າງເຮັດວຽກໜັກເພື່ອໃຫ້ວຽກສໍາເລັດຢ່າງທັນການ.
ສະຫຼຸບ.
ຄໍາວ່າ ຂ້ຽວແມ່ນການຕົ້ມວັດຖຸແຫຼວໃຫ້ແຂ້ນ, ຄຳວ່າ ຂ້ຽວ ຍັງມີຄວາມໝາຍວ່າ ການເຮັດໃຫ້ນ້ຳຍາ ຫລື ນ້ຳອື່ນໆ ໃຫ້ແຫ້ງລົງຈົນເຫລືອເປັນຕອນ, ການຕົ້ມນ້ຳກະທິເພື່ອໃຫ້ເປັນນ້ຳມັນຕ່າງໆ, ນອກຈາກນັ້ນ, ຄຳວ່າ ຂ້ຽວ ຍັງໝາຍເຖິງການເລັ່ງເລົ້າໃຫ້ຮີບເຮັດ ຮີບລົງມື ເພື່ອໃຫ້ວຽກງານສຳເລັດກ່ອນ ຫລື ຕາມເວລາທີ່ກຳນົດໄວ້.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo