ຄໍາວ່າ “ແຂວງ” ການນໍາໃຊ້ ແລະ ຄວາມໝາຍໃນພາສາລາວ
ອະທິບາຍຄໍາວ່າ “ແຂວງ” ມີຄວາມໝາຍແນວໃດ?
ຄໍາວ່າ “ແຂວງ” ໝາຍເຖິງຂອບເຂດດິນແດນ ໃນເຂດການປົກຄອງຂອງຕົວເອງຕາມການແບ່ງໃນປະເທດ ນຶ່ງໆ ໂດຍປະກອບມີຫຼາຍເມືອງໂຮມເຂົ້າກັນກາຍເປັນແຂວງ. ແຂວງມີເຈົ້າແຂວງປົກຄອງ ຊຶ່ງມີອໍານາດໃນການບໍລິຫານໃຫຍ່ກວ່າເຈົ້າເມືອງ, ແຕ່ລະແຂວງມີຂະໜາດໃຫຍ່ນ້ອຍ ແລະ ມີປະຊາກອນບໍຄືກັນ ຂຶ້ນ ກັບຈຸດພິເສດຂອງແຕ່ລະເຂດ. “ແຂວງ” ໃນປະເທດລາວແມ່ນທຽບເທົ່າກັບ “ຈັ່ງຫວັດ” ໃນປະເທດໄທ.
ໃນປະເທດລາວແບ່ງການປົກຄອງອອກເປັນ 17 ແຂວງ ແລະ 1 ນະຄອນຫຼວງ ເຊັ່ນ: ແຂວງຜົ້ງສາລີ, ແຂວງຫົວພັນ, ແຂວງຫຼວງນໍ້າທາ, ແຂວງອຸດົມໄຊ, ແຂວງບໍ່ແກ້ວ, ແຂວງຫຼວງພະບາງ, ແຂວງໄຊສົມ ບູນ, ແຂວງຊຽງຂວາງ, ແຂວງໄຊຍະບູລີ, ແຂວງວຽງຈັນ, ແຂວງບໍລິຄໍາໄຊ, ແຂວງຄໍາມ່ວນ, ແຂວງສະຫວັນນາເຂດ, ແຂວງສາລະວັນ, ແຂວງເຊກອງ, ແຂວງຈໍາປາສັກ, ແຂວງອັດຕະປື ແລະ ນະຄອນ ຫຼວງວຽງຈັນ
ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:
ຄຳວ່າ “ແຂວງ”.
“ແຂວງ” (1. ຄໍານາມ). ແດນ, ເຂດແຂວງ, ເຂດແຄ້ວນ, ແວ່ນແຄ້ວນ,
ຕົວຢ່າງ:
- ແຂວງທີ່ມີເນື້ອທີ່ໃຫຍ່ກວ່າໝູ່ແມ່ນແຂວງສະຫວັນນາເຂດ ຊຶ່ງແຂວງດັ່ງກ່າວມີປະຊາກອນຫຼາຍກວ່າໝູ່ເຊັ່ນກັນອີກ.
- ແຂວງທີ່ຢູ່ເໜືອສຸດປະເທດລາວແມ່ນແຂວງຜົ້ງສາລີ ສ່ວນແຂວງໃຕ້ສຸດແມ່ນແຂວງຈໍາປາສັກ ຊຶ່ງຫ່າງຈາກກັນປະມານ 700 ກິໂລແມັດ.
- ຂ້ອຍເປັນຄົນຕ່າງແຂວງ ທີ່ໄດ້ເຂົ້າມາຮໍ້າຮຽນຢູ່ນະຄອນຫຼວງວຽງຈັນຈົນຈົບ ແລະ ໄດ້ເຮັດວຽກຖາວອນຢູ່ແຫ່ງນີ້ເລີຍ.
ສະຫຼຸບ.
ຄໍາວ່າ “ແຂວງ” ແມ່ນການແບ່ງຂອບເຂດດິນແດນ ແລະ ການປົກຄອງຕ່າງກັນອອກໄປ ປົກຄອງໂດຍເຈົ້າແຂວງ ແຂວງແມ່ນປະກອບມີຫຼາຍເມືອງໂຮມເຂົ້າກັນ. “ແຂວງ” ໃນພາສາລາວໝາຍເຖິງ “ຈັ່ງຫວັດ” ໃນພາສາໄທ. ປະເທດລາວແບ່ງການປົກຄອງອອກເປັນ 17 ແຂວງ ແລະ 1 ນະຄອນຫຼວງ ເພື່ອສະດວກໃນການປົກຄອງ ແລະ ກະຈາຍອໍານາດ ໂດຍແບ່ງເປັນ 3 ພາກໃຫຍ່ ຄື ພາກເໜືອ, ພາກກາງ ແລະ ພາກໃຕ້.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo