ອະທິບາຍຄໍາວ່າ “ອາກາດ” ມີຄວາມໝາຍແນວໃດ?

ຄໍາວ່າ “ອາກາດ” ໝາຍເຖິງບ່ອນທີ່ເປົ່າຫວ່າງຢູ່ທີ່ພົບເຫັນຢູ່ທົ່ວໄປ ໃນໜ້າໂລກ ຫຼື ຢູ່່ເທິງໂລກໃບນີ້ ຫຼື ພື້ນຟ້າ ທີ່ເຮົາຢູ່ອາໃສ ຊຶ່ງສ່ວນໃຫຍ່ປະກອບໄປດ້ວຍອອກຊີເຈນ (o₂) ທີ່ມະນຸດ ພ້ອມດ້ວຍສັດຈໍານວນຫຼາຍໃຊ້ຫາຍໃຈ ເພື່ອການດໍາລົງຊີວິດ ຫຼື ຊ່ວຍໃນການເຜົາໄໝ້ ແລະ ໜ້າໂລກເຮົາຍັງປະກອບມີໄນໂຕຼເຈນ ອີກດ້ວຍ. ອາກາດແມ່ນບໍ່ສາມາດຈັບຕ້ອງໄດ້, ອາກາດລວມທັງທ້ອງຟ້າ ດັ່ງ ນົກບິນໄປໃນອາກາດ, ຍົນບິນ ຢູ່ໃນອາກາດ, ໃຈລອຍໄປຕາມອາກາດ, ກີ່ນຫອມດອກໄມ້ລອຍໄປຕາມອາກາດ ເປັນຕົ້ນ.

ນອກຈາກນີ້, “ອາກາດ” ຍັງມັກຖືກເອີ້ນຕາມສະພາບຕົວຈິ່ງຂອງມັນ ເຊັ່ນ: ອາກາດຮ້ອນ, ອາກາດໜາວ, ອາກາດແປປວນ, ອາກາດດີ, ອາກາດບໍ່ດີ, ອາກາດເປັນໃຈ, ອາກາດບໍ່ເປັນໃຈ, ອາກາດເອື້ອຍອໍານວຍ, ອາກາດບໍ່ເອື້ອຍອໍານວຍ, ອາກາດເດືອນມັງກອນມັກໜາວ, ອາກາດເດືອນເມສາມັກຮ້ອນ, ອາກາດຫວ່າງເປົ່າ, ອາກາດປົນເປື້ອນດ້ວຍສານເຄມີ, ກີ່ນໃນອາກາດ, ອາກາດເປັນພິດ ເປັນຕົ້ນ.

ຄໍາວ່າ “ອາກາດ” ມັກໃຊ້ຄູ່ກັບຄໍາວ່າ “ດິນຟ້າ” ດັ່ງ ດິນຟ້າອາກາດ

ຍັງໝາຍເຖິງ.

ແຕ່ຖ້ານອກຈາກອາກາດຂອງໂລກອອກໄປແລ້ວເຮົາເອີ້ນ ອາວາກາດ, ຮ້ວງອາວະກາດ.

ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:

ຄຳວ່າ “ອາກາດ”.

“ອາກາດ” (1. ຄໍານາມ) ບ່ອນເປົ່າຫວ່າງ, ພື້ນຟ້າ. ອາກາດທາດ ແມ່ນບ່ອນເປົ່າຫວ່າງ, ອາກາດສະ ຍານ ແມ່ນເຄື່ອງພາໄປທາງອາກາດ).

ຕົວຢ່າງ:

• ຮອດເດືອນມີນາປີນີ້ ຢູ່ປະເທດລາວສ່ວນໃຫຍ່ແມ່ນອາກາດຮ້ອນຫຼາຍ ແລະ ອາກາດບໍ່ຄ່ອຍແຈ່ມ ໃສພໍປານໃດ ສົ່ງຜົນໃຫ້ເດັກນ້ອຍ ແລະ ຜູ້ໃຫຍ່ຫຼາຍຄົນມີບັນຫາສຸຂະພາບ.
• ມື້ວານນີ້ອາກາດບໍ່ດີ ມີສະພາບຟ້າຄື້ມມຶດຝົນ ເຮັດໃຫ້ຫຼາຍຄົນຕ້ອງຢູ່ແຕ່ໃນເຮືອນ ເພາະຢ້ານບໍ່ສະບາຍ ຫຼື ເຈັບເປັນ.
• ມື້ປີໃໝ່ສາກົນ, ອາກາດດີຫຼາຍທ້ອງຟ້າປອດປົ່ງ ແນມເບີ່ງເປັນສີຟ້າງາມຫຼາຍ ແລະ ອາກາດກໍບໍ່ຮ້ອນ, ບໍ່ໜາວເກີນໄປ ພໍດີຢູ່.

ສະຫຼຸບ.

ຄໍາວ່າ “ອາກາດ” ແມ່ນບ່ອນເປົ່າຫວ່າງຢູ່ໜ້າໂລກ ຫຼື ພື້ນຟ້າຂອງໂລກໃບນີ້ ທີ່ເຮົາອາໃສດໍາລົງຊີວິດຢູ່, ສ່ວນໃຫຍ່ແມ່ນທາດອອກຊີເຈນ (o₂) ທີ່ເຮົາໃຊ້ຫາຍໃຈ ຫຼື ຊ່ວຍໃນການເຜົາໄໝ້, ນອກນັ້ນມີໄນໂຕຼເຈນ ອີກດ້ວຍ. ອາກາດບໍ່ສາມາດຈັບຕ້ອງໄດ້ ແຕ່ສາມາດສໍາພັດໄດ້. ຄົນເຮົາເອີ້ນ “ອາກາດ” ສະພາບຂອງມັນດັ່ງ ອາກາດຮ້ອນ, ອາກາດໜາວ, ອາກາດດີ, ອາກາດບໍ່ດີ ເປັນຕົ້ນ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo