ອະທິບາຍຄໍາວ່າ “ສະ” ມີຄວາມໝາຍແນວໃດ?

ຄໍາວ່າ “ສະ” ໝາຍເຖິງຂີ້ບວກ ຫຼື ໜອງ ຫຼື ອ່າງໃຫຍ່ ທີ່ຄົນເຮົາຂຸດໄວ້ສໍາລັບນໍາໃຊ້ນໍ້າ ຫຼື ເກີດໂດຍທໍາມະຊາດ ເຊັ່ນ: ສະນໍ້າ, ສະລອຍນໍ້າ ເຮັດໄວ້ສໍາລັບລອຍນໍ້າ, ໜອງສະ ເພື່ອລ້ຽງປາ. ນອກຈາກນັ້ນ, ຍັງໝາຍເຖິງການສະນໍ້າອອກ ຄື: ສະປາ, ສະບວກ, ສະໜອງ, ສະຫົວ ໃຫ້ສະອາດ.

ອີກຄວາມໝາຍນຶ່ງໝາຍເຖິງການເສຍສະລະ ຫຼື ການສະລະ ໃຫ້ຜູ້ອື່ນ. ຄໍາວ່າ “ສະ” ໄປບວກກັບຄໍາອື່ນຈະເຮັດໃຫ້ໄດ້ຫຼາຍຄວາມໝາຍອອກໄປເຊັ່ນ: ສະກາລະ ໝາຍເຖິງເຄົາລົບ. ສະກັດ ໝາຍເຖິງການລັດທາງ ເປັນຕົ້ນ ສະກັດກັ້ນ, ສະກັດທາງ. ການຄັດເອົາແຕ່ສິ່ງຍອດຍີ່ງ ສະກັດເຫຼັກ, ສະກັດຄໍາ, ສະກັດທອງ. ນອກຈາກນັ້ນ, ຍັງກ່ຽວຂ້ອງກັບຈິດໃຈ ເປັນຕົ້ນ ສະໃຈ, ສະກິດໃຈ, ສະກົດຈິດ, ສະກົດວິນຍານ. ພ້ອມນັ້ນ ຍັງມີອີກຫຼາຍຄໍາເຊັ່ນ: ສະກີ, ສະກຸນ, ສະກົດຄໍາ, ສະການ, ສະນັ້ນ ແລະ ອື່ນໆ.

ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຖືກຕ້ອງຕາມຫຼັກໄວຍະກອນ ເຮົາມາເບິ່ງລາຍລະອຽດດັ່ງລຸ່ມນີ້:

ຄຳວ່າ “ສະ”.

“ສະ” (1. ຄໍານາມ) ບວກ ຫຼື ໜອງທີ່ຄົນຂຸດໄວ້ສໍາລັບໃຊ້ນໍ້າ ຫຼື ລ້ຽງປາ ເປັນຕົ້ນ. (2. ຄໍາກິລິຍາ) ຫວິດນໍ້າອອກໃຫ້ບົກ ດັ່ງ ສະປາ, ລ້າງໃຫ້ສະອາດ. ລ້າຫົວໃຫ້ສະອາດ (ສະຫົວ). ຍົກໃຫ້, ທານໃຫ້, ສະລະ, ປະວາງ, ບໍ່ຫວງແຫນ.

ຕົວຢ່າງ:

ຂອ້ຍເຮັດສະລ້ຽງປາຂະໜາດ 20 ຄູນ 40 ເພື່ອລ້ຽງປາ, ກຸ້ງ, ຫອຍ ແລະ ວ່າຊິເອົາປາຝາມາປ່ອຍ ນໍາ.
ສະລອຍນໍ້າຢູ່ອີນແປງ ແມ່ນໃຫຍ່ ແລະ ງາມ ຫຼາຍຄົນໄປຫຼີ້ນແລ້ວ ຕິດໃຈ ຢາກໄປອີກຫຼາຍເທື່ອ.
ວານນີ້ໄປສະບວກ ໄດ້ທັງໂຕປານ້ອຍ ໂຕປາໃຫຍ່ ໂຕກຸ້ງ ໂຕອີ່ໜ້ຽວ ແລະ ໂຕຮວກ ເອົາມາເຮັດຫໍ່ໝົກກິນ ແຊບບໍ່ໃຫ້ເວົ້າ.
ລາວເວົ້າວ່າ ໄປສະຫົວຢູ່ຮ້ານເສີມຄວາມງາມມາ ເຂົາເຈົ້າສະສະອາດ ພ້ອມທັງນວດໃຫ້ພ້ອມ ເຮັດໃຫ້ນອນຫຼັບສະບາຍ.
ທະພຸດທະເຈົ້າໄດ້ປ່ອຍວາງ ແລະ ສະຫຼະ ຊັບສິນເງິນທອງ ກຽດຕິຍົດ ລວມທັງກີ້ເຫຼດຕັນຫາ ທັງປວງໄດ້ ຈິ່ງເຮັດໃຫ້ເພີ່ນສາມາດຕັດສະຮູ້ ບັນລຸທໍາໄດ້.

ສະຫຼຸບ.

ຄໍາວ່າ “ສະ” ໝາຍເຖິງບວກ, ໜອງ, ສະລອຍນໍ້າ ທີ່ຄົນເຮົາເຮັດ ຫຼື ເກີດໂດຍທໍາມະຊາດ. ໝາຍເຖິງການຫວິດນໍ້າອອກໃຫ້ແຫ້ງ ຫຼື ບົກ. ໝາຍເຖິງການສະຫົວ ແລະ ໝາຍເຖິງການຍົກໃຫ້ ຫຼື ສະລະ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo