ອະທິບາຍຄໍາວ່າ “ລວຍ” ມີຄວາມໝາຍແນວໃດ?

ຄໍາວ່າ “ລວຍ” ຫຼື ລໍ້າລວຍ ໝາຍເຖິງມີເງິນມີຄໍາ, ມີຊັບສິນຫຼາຍ ຫຼື ອຸດົມສົມບູນໄປດ້ວຍຂອງມີຄ່າ ນັ້ນເອງ, ຖ້າເປັນຄົນເຮົາ ເອີ້ນ ຄົນລວຍ (ເສດຖີ, ມະຫາເສດຖີ, ຄົນຮັງ ກໍວ່າ) ແຕ່ໃນກໍລະນີມັກຊ່ວຍເຫຼືອຄົນອື່ນ ຫຼື ມີນໍ້າໃຈເອື້ອຍເຟື້ອ ເຜື່ອແຜ່ບໍ່ຂີ້ຖີ່ ແມ່ນລວຍນໍ້າໃຈ. ໃນກໍລະນີເປັນປະເທດລວຍກໍໝາຍເຖິງປະເທດທີ່ມີຊັບສິນຫຼາຍ ເຊັ່ນ: ປະເທດສິງກາໂປລວຍດ້ວຍການໃຊ້ຊັບພະຍາກອນມະນຸດ, ປະເທດຊາອຸດິດອາຣາເບຍລວຍ ນໍ້າມັນ ເປັນຕົ້ນ..

ຄໍາວ່າ “ລວຍ” ກົງກັນຂ້າມກັບ ຄໍາວ່າ “ຈົນ, ທຸກຍາກ, ບໍ່ມີເງິນຄໍາກໍາແກ້ວ” ແລະ ສາເຫດເຮັດໃຫ້ຄົນ ລວຍໄດ້ແມ່ນມີຫຼາຍສາເຫດ ບາງຄົນກໍລວຍຈາກການຄ້າຂາຍ, ບາງຄົນລວຍຈາກການລົງທຶນ, ບາງຄົນ ລວຍຈາກການໄດ້ຮັບມໍລະດົກຕົກທອດມາຈາກບັນພະບູລຸດ,ບາງຄົນລວຍມາຈາກການເຮັດສິ່ງຜິດກົດໝາຍ, ບາງຄົນລວຍຈາກການສ່ຽງດວງ ເຊັ່ນ: ຖືກເລກຖືກເບີ, ຖືກລາງວັນຕ່າງໆ ເປັນຕົ້ນ.

ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:

ຄຳວ່າ “ລວຍ”.

“ລວຍ” (1. ຄໍາກິລິຍາ) ໄດ້ຫຼາຍ, ໝານ, ມີຫຼາຍ.

ຕົວຢ່າງ:

• ທ່ານ ບິວເກດ ເປັນມະຫາເສດຖີຂອງໂລກ ທີ່ໃຜໆກໍຮູ້ຈັກ, ຊຶ່ງລາວລວຍຈາກສ້າງ ແລະ ພັດທະ ນາລະບົບໄມໂຄຼຊອບ ຄອມພິວເດີ ທີ່ເຮົາໃຊ້ກັນທົ່ວໂລກ.
• ເຈົ້າຊາຍປະເທດຊາອຸດິດອາຣາເບຍ ເປັນບຸກຄົນທີ່ລວຍເພາະປະເທດດັ່ງກ່າວແມ່ນສາມາດຜະລິດ ນໍ້າມັນໄດ້ອັນດັບຕົ້ນໆຂອງໂລກ.

ສະຫຼຸບ.

ຄໍາວ່າ “ລວຍ” ແມ່ນຄວາມລໍ້າລວຍ ຊຶ່ງແມ່ນມີເງິນຄໍາກໍາແກ້ວ ຫຼື ມີຊັບສິນຫຼາຍ ແລະ ຂອງມີຄ່າ ຊຶ່ງເຮົາເອີ້ນຄົນລວຍເຫຼົ່ານີ້ໄດ້ຫຼາຍຄໍາ ເຊັ່ນ: ເສດຖີ, ຄົນຮັງຄົນມີ. ແຕ່ຖ້າຄົນລວຍນໍ້າໃຈ ແມ່ນຄົນທີ່ມີຈິດ ໃຈເອື້ອຍເຟື້ອເຜື່ອແຜ່ບໍ່ຂີ້ຖີ່ມັກຊ່ວຍເຫຼືອຄົນອື່ນ ຊຶ່ງບໍ່ໄດ້ແຍກວ່າລວຍເງິນຄໍາກໍາແກ້ວ ຫຼື ທຸກຈົນ. ຄໍາວ່າ “ລວຍ” ກົງກັນຂ້າມກັບ ຄໍາວ່າ “ຈົນ, ທຸກຍາກ, ບໍ່ມີເງິນຄໍາກໍາແກ້ວ”.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo