ຄຳວ່າ “ດື່ມ” ແລະ “ກິນ” ມີຄວາມໝາຍອັນດຽວກັນບໍ່?
ອະທິບາຍຄວາມຄືກັນ ແລະ ຕ່າງກັນ ຂອງຄຳວ່າ “ດື່ມ” ແລະ “ກິນ”.
ໃນສັງຄົມລາວຕົວຈິງການໃຊ້ຄໍາວ່າ “ດື່ມ” ແມ່ນບໍ່ຄ່ອຍໄດ້ຍີນພໍປານໃດ (ຍົກເວັ້ນໜັງສືທາງລັດຖະ ການ) ສ່ວນໃຫຍ່ແລ້ວຈະນິຍົມກັນໃຊ້ຄໍາວ່າ “ກິນ” ໝາຍເຖິງການບໍລິໂພກນໍ້າທາງປາກນັ້ນເອງ.
ແຕ່ ໃນຄວາມເປັນຈິງ ທາງດ້ານຫຼັກໄວຍະກອນແລ້ວ “ດື່ມ” ແມ່ນຖືກຕ້ອງທີ່ສຸດ, “ກິນ” ແມ່ນພຽງຄໍາ ເວົ້າແຕ່ທາງດ້ານການຂຽນແມ່ນຜິດຫຼັກໄວຍະກອນ ເຖິງຢ່າງໃດກໍ່ຕາມເຫັນວ່າສັງຄົມໃນປັດຈຸບັນບໍ່ ຄ່ອຍໃສໃຈກັບເລື່ອງດັ່ງກ່າວ ເຖິງແມ່ນວ່າການອອກສຽງແມ່ນຕ່າງກັນຂາດຂັ້ນ ດັ່ງນັ້ນເພື່ອນຳໃຊ້ໃຫ້ຖືກຕ້ອງ ແລະ ສອດຄ່ອງກັບຫຼັກການຂິດຂຽນ ວ່າເຮົາຄວນໃຊ້ຄຳໃດແທ້ຈິ່ງຈະແທດເໝາະຕ້ອງໄດ້ມີການສຶກສາໃຫ້ເຂົ້າໃຈຢ່າງລະອຽດສາກ່ອນ.
ຄຳວ່າ “ດື່ມ” ແມ່ນໃຊ້ກັບຂອງແຫຼວປະເພດຕ່າງໆ ທີ່ເອົາຜ່ານປາກລົງໄປທ້ອງ ແລະ ຄໍາວ່າ “ກິນ” ແມ່ນການເອົາອາຫານ ທີ່ບໍ່ແມ່ນຂອງແຫຼວ ຜ່ານປາກລົງທ້ອງນັ້ນເອງ.
ຄວາມໝາຍຄຳວ່າ “ດື່ມ”:
“ດື່ມ” (1. ຄໍາກິລິຍາ) ການເອົາຂອງທີ່ເປັນນໍ້າ ຫຼື ຂອງແຫຼວຜ່ານເຂົ້າປາກ ໂດຍບໍ່ໄດ້ຫຍໍ້າ ແລ້ວກືນລົງໄປກະເພາະ, ການດື່ມ.
ຕົວຢ່າງ:
- ໃນໄລຍະນີ້ແມ່ນລະດູຮ້ອນ ຖ້າຫາກອອກແຮງງານ ແລ້ວເຫື່ອອອກຫຼາຍ ໄດ້ດື່ມນໍ້າເຢັນໆ ຄືຊິ ມີແຮງ (ບໍ່ແມ່ນກິນນໍ້າເຢັນໆ).
- ຊາຍຜູ້ຮ່າງໃຫຍ່ ແລະ ຕຸ້ຍໆ ລາວດື່ມເບຍແຕ່ຕອນເຊົ້າມື້ນີ້ຈົນຮອດແລງກະຍັງບໍ່ສະແດງອາ ການເມົາ ແລະ ສາມາດດື່ມເຫຼົ້າປົນອີກ ລາວຄໍແຂງແທ້ໆ ສະແດງວ່າລາວຕ້ອງສຸຂະພາບດີ.
- ພາຍຫຼັງທີປະຂຸມໄດ້ 2 ຊົ່ວໂມງ ພິທີກອນໄດ້ປະກາດໃຫ້ແຂກພັກດື່ມນໍ້າຊາກາເຟ ຕາມວາລະ ກອງປະຊຸມທີ່ໄດ້ແຈກຢາຍກັນ ຈາກນັ້ນ 30 ນາທີຈິ່ງເຂົ້າປະຊຸມຕໍ່.
- ການດື່ມນໍ້າສະອາດ ຫຼື ນໍ້າທີ່ຕົ້ມສຸກຈະເຮັດໃຫ້ຄົນເຮົາມີສຸຂະພາບແຂງແຮງ ແລະ ໃນມື້ນຶ່ງຄວນ ດື່ມຢ່າງນ້ອຍ 3 ລິດ.
ຄວາມໝາຍຄຳວ່າ “ກິນ”:
“ກິນ” (1. ຄໍາກໍາມະ) ການເອົາສິ່ງໃດສິ່ງໜຶ່ງ ເຂົ້າໄປໃນປາກຫຍໍ້າ ແລະ ກືນລົງທ້ອງຂອງ ຄົນ ຫຼື ສັດ ຜ່ານປາກ, ຮັບປະທານ, ສັນເພນ (ກໍລະນີໃຊ້ກັບພະໃນສາສະໜາພຸດ)
ຕົວຢ່າງ:
- ມື້ນີ້ຂ້ອຍໄປຕະຫຼາດ ເພື່ອຊື້ຊີ້ນໝູ ແລະ ຜັກຈໍານວນໜຶ່ງ ມາແຕ່ງກິນ ຄິດວ່າຄືຊິແຊບສົມໃຈ ຢາກ.
- ໃນງານດອງມື້ນີ້ ຫຼັງຈາກສໍາເລັດພິທີສູ່ຂວັນເຈົ້າພາບທັງສອງຝ່າຍໄດ້ເຊີນແຂກຮັບປະທານອາ ຫານທ່ຽງ ຊຶ່ງມີແຕ່ແນວກິນແຊບໆ ຂ້ອຍພ້ອມດ້ວຍໝູ່ກິນເອົາກິນເອົາຈົນຄັດທ້ອງໃນຄວາມຮູ້ສຶກ ຄືຊິກຸ້ມເປັນເດືອນພຸ້ນລະ.
- ວານນີ້ຂ້າພະເຈົ້າໄດ້ຍ່າງກາຍວັດ ໃນຕອນບ່າຍເຫັນຄູບາ ແລະ ຈົວນ້ອຍກໍາລັງສັນເພນ ຕາມຮິດຄອງ
ສະຫຼຸບ
ການນໍາໃຊ້ຄຳທັງສອງມີຄວາມໝາຍ ແລະ ການນໍາໃຊ້ທີ່ແຕກຕ່າງກັນໂດຍຄຳວ່າ “ດື່ມ” ແມ່ນໝາຍເຖິງການເອົາເຄື່ອງດື່ມ ຫຼື ຂອງແຫຼວຜ່ານເຂົ້າປາກໂດຍບໍ່ຫຍໍ້າ ແລະ ກືນລົງໄປໃນທ້ອງ. ສ່ວນຄຳວ່າ “ກິນ” ແມ່ນການ ເອົາອາຫານ ຫຼື ສີ່ງໃດໜຶ່ງໃສປາກຫຍໍ້າ ແລະ ກືນລົງກະເພາະ ນັ້ນເອງ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo