ຄຳວ່າ “ກວດ” ແລະ “ກວາດ” ມີຄວາມໝາຍອັນດຽວກັນບໍ່?
ອະທິບາຍຄວາມໝາຍຂອງຄຳວ່າ “ກວດ” ແລະ “ກວາດ”.
ຄໍາວ່າ “ກວດ” ແລະ ຄໍາວ່າ “ກວາດ” ມີການອອກສຽງໃກ້ຄຽງກັນ ຕ່າງພຽງການອອກສຽງຄວບທີ່ມີພະ ຍັນຊະນະ “ວ” ແຕ່ມີຄວາມໝາຍຕ່າງກັນ.
ຄໍາວ່າ “ກວດ” ໝາຍເຖິງກ້ອງແກ້ວ ຫຼື ຂວດ ເພື່ອໃສ່ຂອງແຫຼວ ເຊັ່ນ: ນໍ້າ, ເຫຼົ້າ, ນໍ້າສົ້ມ ຫຼື ຂອງ ແຫຼວຢ່າງອື່ນ. “ກວດ” ຍັງໝາຍເຖິງການເບີ່ງໃຫ້ລະອຽດຖີ່ຖ້ວນ ຫຼື ເບີ່ງໃຫ້ຖືກຕ້ອງ ເຊັ່ນ: ກວດກາ, ກວດ ກາພິສູດ, ກວດຄົ້ນ, ກວດຄັດ, ກວດສອບ, ກວດສຸຂະພາບ, ກວດບັດ, ກວດຜ່ານ, ກວດແກ້ ເປັນຕົ້ນ. “ກວດ” ຍັງໝາຍເຖິງ ຂອດ, ກວດເກົ້າ ຫຼື ຂອດຜົມ.
ຄໍາວ່າ “ກວາດ” ໝາຍເຖິງ ປັດໃຫ້ກ້ຽງ, ກວາດລ້າງ ຫຼື ເອົາໄປໃຫ້ໝົດ, ກວາດຕ້ອນ.
ເພື່ອໃຫ້ເຂົ້າໃຈຄວາມໝາຍຂອງການນນຳໃຊ້ໃຫ້ດີຂຶ້ນກວ່າເກົ່າ ເຮົາເບີ່ງຄວາມໝາຍ ແລະ ຕົວຢ່າງດັ່ງລຸ່ມນີ້:
ຄວາມໝາຍຄຳວ່າ “ກວດ”:
“ກວດ” (1. ຄຳນາມ) ກ້ອງແກ້ວ, ຂວດ. (2. ຄຳກິລິຍາ) ເບີ່ງຖີ່ຖ້ວນ, ພິຈາລະນາ, ເບີ່ງໃຫ້ຖືກຕ້ອງ. (3. ຄຳກິລິຍາ) ຂອດ ກວດເກົ້າ, ຂອດຜົມ.
ຕົວຢ່າງ:
- ການຜະລິດກວດແກ້ວ ແມ່ນໃຊ້ຂີ້ຊາຍເປັນວັດຖຸດິບ ເພື່ອມາຫຼອມໃນອຸຫະພຸມສູງໃຫ້ກາຍເປັນທາດ ແຫຼວ ແລ້ວມາແປຮູບຕາມຕ້ອງການ.
- ການກວດສອບຂອງລັດຖະບານ ເຮັດໃຫ້ຮູ້ວ່າມີການສໍ້ໂກງໃນແຕ່ລະປີ ແລະ ຕົກເປັນມູນຄ່າຫຼາຍ ລ້ານໂດລາສະຫະລັດ.
- ການກວດເກົ້າຜົມຂອງແມ່ຍິງແມ່ນມີຫຼາຍແບບ ວັດຖຸປະສົງແມ່ນເພື່ອໃຫ້ເປັນລະບຽບ ພ້ອມທັງເຮັດ ໃຫ້ເບີ່ງສວຍງາມ.
ຄວາມໝາຍຄຳວ່າ “ກວາດ”:
“ກວາດ” (1. ຄໍາກິລິຍາ) ປັດ, ທໍາໃຫ້ແປນ, ທໍາໃຫ້ກ້ຽງ, ເອົາໄປໝົດສ້ຽງ.
ຕົວຢ່າງ:
- ການປັດກວາດເຮືອນຊານ ແມ່ນເພື່ອໃຫ້ສະອາດງາມຕາ ແລະ ບໍ່ໃຫ້ມີມົດແມງ ດີຕໍ່ສຸຂະພາບ.
- ໃນສະໄໝກ່ອນມັກເກີດສົງຄາມ ແລະ ມັກມີການກວາດຕ້ອນຜູ້ຄົນ ລວມທັງຂ້າເສີກຈໍານວນຫຼາຍ ເພື່ອໄປເປັນຂ້າທາດ ແລະ ຄົນຮັບໃຊ້.
- ລາວກວາດຊື້ສິນຄ້າຈົນໝົດ ຈັ່ງແມ່ນລາວມີເງິນຫຼາຍ.
ສະຫຼຸບ.
ຄຳວ່າ “ກວດ” ແລະ “ກວາດ” ມີການອອກສຽງແຕກຕ່າງກັນພຽງເລັກນ້ອຍການອອກສຽງຄວບທີ່ມີພະ
ແຕ່ມີຄວາມໝາຍຕ່າງກັນ. ຄໍາວ່າ “ກວດ” ໝາຍເຖິງກ້ອງແກ້ວ ຫຼື ຂວດ, ໝາຍເຖິງການກວດກາ, ກວດເບີ່ງໃຫ້ລະອຽດຖີ່ຖ້ວນ, ໝາຍເຖິງກວດເກົ້າ ຫຼື ຂອດຜົມ. ສ່ວນຄໍາວ່າ “ກວາດ” ໝາຍເຖິງ ປັດ ກວາດ, ກວາດຕ້ອນ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo