ຂ່າວດີ! ອົງການຢູນິເຊັບຊ່ວຍໃຫ້ທືນແກ່ເດັກນ້ອຍກ່ອນໄວຮຽນ
ເດັກໆກ່ອນໄວຮຽນທີ່ໄດ້ຮັບທຶນຊວ່ຍເຫຼືອຈາກອົງການຢູນີເຊັບ
ຖືວ່າເປັນຂ່າວທີ່ໜ້າຍິນດີຫລາຍທີ່ນ້ອງນ້ອຍຈ່ຳນວນຫຼາຍຈະໄດ້ຮັບທືນຊ່ວຍເຫຼືອຈາກອົງການຢູນິເຊັບ, ເນື່ອງໃນໂອກາດວັນຄົບຮອບສະເຫຼີມສະຫຼອງວັນຢູນີເຊັບຄົບຮອບ 75 ປີ ນັກຂ່າວມີເດຍລາວ ພ້ອມດ້ວຍວິຊາການໄດ້ລົງເກັບກຳຂໍ້ມູນ ແລະ ຊຸກຍູ້ນ້ອງໆ ນັກຮຽນ (ເດັກກ່ອນໄວຮຽນ) ຢູ່ 3 ໂຮງຮຽນຄື: ໂຮງຮຽນບ້ານເພຍ, ໂຮງຮຽນບ້ານກົກງີ້ວ ແລະ ໂຮງຮຽນກີ່ວກະຈຳ ເມືອງໃໝ່ ແຂວງ ຜົ້ງສາລີ ຄັ້ງວັນທີ່ 27 ທັນວາ 2021.
ເພື່ອເປັນການທົບທວນຄືນຕໍ່ກັບການຮຽນຂອງເດັກ ແລະ ການສອນຂອງຄູອານຈານຢູ່ພາຍໃນໂຮງຮຽນ ໃນໄລຍະຜ່ານມາຢູ່ເມືອງໃໝ່ຂອງພວກເຮົາໄດ້ຮັບການສະໜັບສະໜູນຊວ່ຍເຫຼືອຈາກອົງຢູນີເຊັບ ມີ 30 ໂຮງຮຽນ ເປັນຕົ້ນແມ່ນໄດ້ຮັບທຶນສົ່ງເສີມວຽກງານການລົງນິເທດປະຖົມສຶກສາ 7 ພາກຮຽນ ເປັນຈຳນວນເງິນທັງໝົດ 170.759.000ກີບ.
ທຶນສົ່ງເສີມວຽກງານສຸຂະພາບຂອງເດັກໃນໂຮງຮຽນ,ວຽກງານສຸຂະອະນາໄມເປັນຈຳນວນເງິນທັງໝົດ 20.850.000ກີບ ສະໜອງລົດຈັກຈຳນວນ 4 ຄັນ ລວມມູນຄ່າ 14.300.000 ກີບ, ເຄື່ອງຮັບໃຊ້ຫ້ອງການເຊັ່ນຄອມພີວເຕີຕັ້ງໂຕະ, ຕູ້ເລື່ອນໃສ່ເອກະສານ 2 ໜວ່ຍ, ແຟ້ມໃສ່ເອກະສານ 108 ອັນຫີບອຸປະກອນຫ້ອງກຽມ 27 ຫີບ ລວມມູນຄ່າ 30.375.000ກີບ
ເຊີ່ງອົງການຢູນີເຊັບ ໄດ້ເຂົ້າມາຊວ່ຍເຫຼືອຊຸກຍູ້ເດັກກ່ອນໄວຮຽນຢູ່ເມືອງໃໝ່ຂອງພວກເຮົາແຕ່ປີ 2017 ເປັນຕົ້ນມາ ຈຸດປະສົງຂອງການລົງເກັບກຳຂໍ້ມູນໃນຄັ້ງນີ້ກໍ່ເພື່ອເປັນການສະເຫຼີມສະຫຼອງວັນຄົບຮອບຂອງອົງການຢູນີເຊັບ 75 ປີ ທີ່ມີຄວາມໝາຍສຳຄັນຍິ່ງຕະຫຼອດໄລຍະທີ່ຜ່ານມາໄດ້ຮັບການຊວ່ຍເຫຼືອຈາກຢູນີເຊັບຫຼາຍດ້ານທີ່ໄດ້ຮັບຜົນປະໂຫຍດເຂົ້າໃນການຮຽນ-ການສອນຂອງໂຮງຮຽນແຫ່ງຕ່າງໆ ຢູ່ພາຍໃນເມືອງໃໝ່ຂອງພວກເຮົາ ແລະ ເພື່ອເປັນການປະເມີນການຮຽນ-ການສອນຂອງເດັກ ແລະ ຄູອາຈານໃຫ້ໄດ້ຮັບການພັດທະນານັບມື້ນັບດີຂຶ້ນກວ່າເກົ່າ ການເກັບກຳຂໍ້ມູນໃນຄັ້ງນີ້ເຫັນໄດ້ຫຼາຍດ້ານຄື: ບາງໂຮງຮຽນຍັງຂາດເຂີນໂຮງຮຽນຍັງເປ່ເພ, ຂາດອຸປະກອນການຮຽນ-ການສອນ, ຂາດກະດານດຳ ແລະ ອື່ນໆ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: medialaos.com