ກຽມໂຮງໝໍສະໜາມ 3 ແຫ່ງ ຢູ່ ນຈ ເພື່ອຮອງຮັບຜູ້ປ່ວຍໂຄວິດ-19
ພາບ: laodaily.com.la
ຄະນະສະເພາະກິດ ກຽມພ້ອມໂຮງໝໍສະໜາມ 3 ແຫ່ງ ຢູ່ນະຄອນຫຼວງວຽງຈັນຮອງຮັບກໍລະນີຜູ້ຕິດເຊື້ອໂຄວິດ-19 ເພີ່ມຂຶ້ນ.
ຈາກການລະບາດຂອງພະຍາດໂຄວິດ-19 ຢ່າງໜັກໃນທົວໂລກ ກໍຄືໃນ ສປປ ລາວເຮົາ, ແລະ ສປປ ລາວ ຍັງມີແນວໂນ້ມເພີ່ມຂື້ນຢູ່ທຸກມື້ ແລະ ເພື່ອການຮອງຮັບບັນຫາໂຮງໝໍບໍ່ພຽງພໍກັບຜູ້ປ່ວຍກໍຄືຜູ່ຕິດເຊື້ອພະຍາດໂຄວິດ-19 ໃຫ້ມີປະສິດທິພາບ ແລະ ສາມາດຮອງຮັບຜູ້ປ່ວຍໄດ້, ທາງດ້ານລັດຖະບານກໍຄືຄະນະສະເພາະກິດຕໍ່ຕ້ານການລະບາດຂອງພະຍາດໂຄວິດ-19 ຕ້ອງໄດ້ກຽມຄວາມພ້ອມໄວ້ຕະຫລອດເວລາ.
ດັ່ງນັ້ນ, ທ່ານ. ຮສ. ດຣ. ພູທອນ ເມືອງປາກ ຫົວໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19 ຮອງລັດຖະມົນຕີ ກະຊວງສາທາລະນະສຸກ ກ່າວໃນພິທີຖະແຫຼງຂ່າວປະຈຳວັນທີ27 ເມສາ 2021 ວ່າ:ຫ້ອງວ່າການສຳນັກງານນາຍົກລັດຖະມົນຕີ ໄດ້ອອກແຈ້ງການໃຫ້ຄະນະສະເາພະກິດແຕ່ລະຕັ້ນກໍຄືຂະແໜງການສາທາລະນຸສກໃນແຕ່ລະຂັ້ໜໃຫ້ກຽມຄວາມພ້ອມຮອບດ້ານໂດຍສະເພາະ.
1.ຄວາມສາມາດໃນການວິເຄາະ ຄົ້ນຫາຜູ້ຕິດເຊື້ອ ເພື່ອນຳສົ່ງໄປໂຮງໝໍແຍກປ່ຽວປິ່ນປົວ
2.ການກະກຽມຄວາມພ້ອມຂອງໂຮງໝໍພາກສະໜາມ ຮອງຮັບກໍລະນີມີຜູ້ຕິດເຊື້ອເພີ່ມຂຶ້ນໃນແຕ່ລະວັນ
3.ກຽມເຄື່ອງມືອຸປະກອນການແພດຮັບໃຊ້ໃຫ້ພຽງພໍ
4.ກຽມພ້ອມທາງດ້ານບຸກຕະລາກອນ ເພື່ອຕອບສະໜອງໃຫ້ແກ່ວຽກງານເຝົ້າລະວັງ ວຽກກງານປິ່ນປົວຜູ້ຕິດເຊື້ອໃຫ້ທມີປະສິເດທິພາບ ແລະມີຜົນສຳເລັດໃນຕໍ່ໜ້າ.
ສະນັ້ນນະຄອນຫຼວງວຽງຈັນ ນອກຈາກກຽມພ້ອມໂຮງໝໍທີ່ມີແລ້ວເປັນຕົ້ນໂຮງໝໍມິດຕະພາບ, ໂຮງໝໍເຊດຖາທິລາດ ແລະໂຮງໝໍ103 ກອງທັບ ເພື່ອຮອງຮັບເອົາຄົນເຈັບຕິດເຊື້ອແລ້ວ ຍັງໄດ້ກຽມໂຮງໝໍພາກສະໜາມ3ແຫ່ງສຳຮອງໄວ້; ໃນນີ້ມີ ສູນຝືກກິີລາຫ້ວຍຫົງ, ສະໜາມກີລາລ້ານຊ້າງ ແລະ ສູນຝຶກຊ້ອມກອງທັບຫຼັກ27, ສັງລວມແລ້ວຢູ່ນະຄອນຫຼວງວຽງຈັນມີ1.200ຕຽງ.
ສຳລັບແຂວງຈຳປາສັກ ໄດ້ນຳໃຊ້ເໂຮງໝໍເມືອງໂພນທອງ ແລະ ໂຮງໝໍ106 ລວມມີ 105ຕຽງ; ນອກຈາກນັ້ນກໍກຽມໂຮງໝໍສະໜາມສຳຮອງໄວ້ ໂດຍເອົາຫໍພັກນັກສຶກສາວິທະຍາໄລການເງິນ ເຊິ່ງມີຕຽງນອນປະມານ300ຕຽງ. ນອກນັ້ນກໍແຈ້ງບັນດາແຂວງອື່ນກຽມພ້ອມໄວ້.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: laoedaily.com.la.
