ປະຖົມມະເລີກ ແລະ ປະຖົມມະລືກ ຄຳໃດຖືກຕ້ອງໃນພາສາລາວ?
DooDiDo
ຄໍາວ່າ ປະຖົມມະເລີກ ແລະ ປະຖົມມະລືກ ຄືກັນ ຫລື ຕ່າງກັນ?
ການທີ່ຈະເປີດພິທີໃດໜຶ່ງ ຫລື ບໍ່ວ່າຈະເປັນງານລ້ຽງງານສ້າງສັນໃດໆກໍຕາມເຮົາມັກຈະມີຜູ້ທີ່ມາເປີດພິທີ່ໃຫ້ກ່ອນງານຈະດຳເນີນຕໍ່ໄປ ມີຫລາຍຄົນທີ່ໃຊ້ຄຳເຫລົ່ານີ້ແຕກຕ່າງກັນແລ້ວແຕ່ວ່າບຸກຄົນໃດຈະໃຊ້ຄຳໃດ ລະຫວ່າງ ປະຖົມມະເລີກ ແລະ ປະຖົມມະລືກ ເຮົາຈະມາຮູ້ຈັກ ແລະ ເວົ້າລາຍລະອຽດພ້ອມຍົກຕົວຢ່າງໃຫ້ເຫັນໄປນຳກັນດັ່ງນີ້.
ໃນພາສາລາວ ປະຖົມມະເລີກ, ເປັນຄຳສັບທາງການທີ່ໃຊ້ກັບການກະທຳເລີ່ມຕົ້ນຄັ້ງຍິ່ງໃຫຍ່ຂອງຊາດ ເຊັ່ນ ກອງປະຊຸມຄັ້ງປະຖົມມະເລີກສະພາຜູ້ແທນປະຊາຊົນ, ແຂ່ງຂັນກິລາຄັ້ງປະຖົມມະເລີກຂອງຂອງໂຮງຮຽນ ແລະ ອື່ນໆເຊິງເຮົາຈະເວົ້າລາຍລະອຽດດັ່ງຕໍ່ໄປນີ້.
ຄຳວ່າ ປະຖົມມເລີກ.
ມີຄວາມໝາຍວ່າ ຄັ້ງທຳອິດ, ເທື່ອຫົວທີ ເປັນຄຳສັບທາງການທີ່ໃຊ້ກັບການກະທຳເລີ່ມຕົ້ນ ຫລື ໃຊ້ກັບການເລີ່ມຕົ້ນອັນໃດໜຶ່ງ
ຄຳວ່າ ປະຖົມມະລືກ.
ມີຄວາມໝາຍອັນດຽວກັນກັບ ປະຖົມມະເລີກ ຕ່າງກັນພຽງແຕ່ຄຳລົງທ້າຍ ເລີກ ແລະ ລືກ ໃນການສະກົດຄຳ ແລະ ການອອກສຽງເທົ່ານັ້ນ.
ຄຳວ່າ “ເລີກ” ກັບ “ລືກ” ແມ່ນຄວາມໝາຍດຽວກັນ ມີເຄົ້າມາຈາກພາສາສັນສະກິດ “ຣືກ” ແປວ່າ ຍາມ, ເວລາ.
ສ່ວນຄຳວ່າ ປະຖົມ ຫຼື ປະຖະມາ ແປວ່າ ເລີ່ມ, ແຮກ, ຫົວທີ.
ຕົວຢ່າງ.
ເປີດກອງປະຊຸມປະຖົມມະລືກເລືອກຕັ້ງຜູ້ແທນ
ມື້ນີ້ເປັນມື້ສັນວັນດີ ຂໍຮຽນເຊີນທ່ານເຈົ້າເມືອງຂຶ້ນມາເປີດພິທີປະຖົມມະເລີກໃຫ້ບັນດາປະຊາຊົນ.
ສະຫຼຸບ.
ຄຳວ່າ ປະຖົມມເລີກ ແລະ ປະຖົມມະລືກ ສອງຄຳນີ້ມີຄວາມໝາຍອັນດຽວກັນສາມາດໃຊ້ຄຳໃດກໍໄດ້ແຕ່ແນະນຳຢາກໃຫ້ໃຫ້ຄຳວ່າ ປະຖົມມະລືກ ຈະດີກວ່າໃນຄວາມໝາຍຂອງຄຳໃນການປະກອບກັນ ເຊິງສອງຄຳນີ້ ມີຄວາມໝາຍວ່າ ຄັ້ງທຳອິດ, ເທື່ອຫົວທີ ເປັນຄຳສັບທາງການທີ່ໃຊ້ກັບການກະທຳເລີ່ມຕົ້ນ ຫລື ໃຊ້ກັບການເລີ່ມຕົ້ນອັນໃດໜຶ່ງ, ສ່ວນຫລາຍຈະໃຊ້ກັບງານ ຫລື ກອງປະຊຸມທີ່ໃຫຍ່ອາດຈະແມ່ນລລະດັບແຂວງ ຫລື ລະດັບຊາດ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
