ການນຳໃຊ້ ຮັກ ແລະ ມັກ ຄືກັນ ແລະ ຕ່າງກັນແນວໃດ?

ຄໍາວ່າ ຮັກ ແລະ ມັກ ນຳໃຊ້ຈັງໃດໃຫ້ຖືກຕ້ອງໃນພາສາລາວ?

ການຊືນຊອບ ຫລື ການມັກ ການຮັກ ເປັນຄວາມໝາຍທີ່ໃກ້ຄຽງກັນ ແຕ່ກໍແຕກຕ່າງກັນບໍໄດ້ຄືກັນຮ້ອຍເປີເຊັນແຕ່ບາງເທືອການເວົ້າເຖິງວັດຖຸສິງຂອງ ຫລື ການກະທຳ ບາງໂຕກໍອາດຈະໃຊ້ທົດແທນກັນໄດ້ຢູ່ແຕ່ຖ້າຈະໃຫ້ເນັ້ນໜັກຄວາມໝາຍແລ້ວຈະຕ້ອງສືກສາໃຫ້ລະອຽດກ່ອນ.

ໃນພາສາລາວໃນບົດນີ້ເຮົາຈະມາແຍກຄວາມໝາຍຂອງຄຳວ່າຮັກ ແລະ ມັກ ເພື່ອໃຫ້ເຂົ້າໃຈຄວາມໝາຍຂອງມັນ ແລະ ຕົວຢ່າງການໃຊ້ຄວາມໝາຍຂອງສອງຄຳນີ້ຄວນຈະນຳໃຊ້ແບບໃດແທ້ເຊິງ ບາງສ່ວນໄດ້ອິງຕາມວັດຈະນານຸກົມພາສາລາວ ແລະ ຄວາມເຫັນສ່ວນຕົວມາເພື່ອອະທິບາຍ ແລະ ທໍາຄວາມເຂົ້າໃຈຢ່າງເລິກເຊິ່ງ.

ຄຳວ່າຮັກ

ມີຄວາມໝາຍວ່າຫວງໄຍຜູກພັນ, ມັກເປັນພິເສດ, ເປັນຄວາມມັກໃນສະເໜ່ຫາ, ຫວງແຫນຢາກປົກປ້ອງ ແລະ ໃນຄຳນາມ ຍັງມີຄວາມໝາຍຄືເປັນຕົ້ນດອກໄມຊະນິດໜຶ່ງ.

ຕົວຢ່າງ.

ພໍ່ຂອງຂ້ອຍຮັກຂ້ອຍຫຼາຍທີ່ສຸດ
ຂ້ອຍມີຄົນຮັກແລ້ວ
ເຂົາເຈົ້າຮັກກັນມາແຕ່ດົນແລ້ວ
ອ້າຍຂ້ອຍຮັກໃນການເຕະບານ.

ຄຳວ່າ ມັກ.

ມັກ ມີຄວາມໝາຍວ່າ ພໍໃຈ, ນິຍົມ, ເປັນຄຳທີ່ໃຊ້ບອກໃຫ້ຮູ້ວ່າເຮົາມັກສິ່ງໃດ, ຖືກໃຈ, ຖືກກັນ, …

ຕົວຢ່າງ:

ຂ້ອຍມັກກິນຕຳສົ້ມ
ຂ້ອຍມັກທ່ອງທ່ຽວຕາມປ່າດົງ
ຂ້ອຍມັກແຕ່ງກິນ.
ອ້າຍຂ້ອຍມັກເບິງເຕະບານພຣີເມຍລີກອັງກິດ.
ຂ້ອຍມັກຫລິ້ນກີຕ້າເວລາຫວ່າງ.

ສະຫຼຸບ.

ໃນພາສາລາວຄຳວ່າຮັກ ແລະ ມັກ ມີຄວາມໝາຍຄ້າຍຄືກັນ ແລະ ຮັກ ມີຄວາມໝາຍວ່າຫວງໄຍຜູກພັນ, ມັກເປັນພິເສດ ມັກ ມີຄວາມໝາຍວ່າ ພໍໃຈ, ນິຍົມ, ເປັນຄຳທີ່ໃຊ້ບອກໃຫ້ຮູ້ວ່າເຮົາມັກສິ່ງໃດ, ຖືກໃຈ, ຖືກກັນ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo