-ປີນີ້ເຊິ່ງກົງກັບວັນພະຫັດ ສວມໃສ່ອາພອນສີຂຽວເຫລືອງ ດ້ວຍສິ້ນຂັ້ນຫມີ່ລາຍນາກນ້ອຍ,ຫມາກຈັບ,ມີກ້ອມຂັ້ນ, ມັດຫມີ່ປ້ອງຕາອ້ອຍ ສ່ວນຕີນສິ້ນເປັນໄຫມຄໍາຝັ້ນຂາວປະດັບດ້ວຍຫົວແຊກຂຽວເຫລືອງ ພ້ອມກັບຜ້າບ່ຽງດ້ວຍຍອຍເງິນບູຮານ.

-ສີຂຽວມໍລະກົດ ຕະຫລອດຜ້າບ່ຽງແລະສິ້ນຈະມີສີຂຽວມໍລະກົດ ເພື່ອທົດແທນເຄື່ອງປະດັບສີຂຽວມໍລະກົດແຕ່ພວກເຮົາກໍ່ຍັງຍຶດຖືເອົາເຄື່ອງປະດັບອີງຕາມຮູບເກົ່າໆເປັນຫລັກແຕ່ຄອນເຊັບທຸກຢ່າງໂດຍອີງໃສ່ຮູບຕົ້ນສະຕະວັດທີXX ຊຸມປີ 1900ເປັນຫລັກ .

-ເຮືອນຜົມຈະມວຍງ່ຽງນັບຈາກຕີນຜົມປະດັບດ້ວຍຕຸ້ມກາງເສັ້ນຫນຶ່ງ, ສາຍຄໍາຄ້ອງສອງເສັ້ນ,ຕຸ້ມນ້ອຍສອງເສັ້ນ, ປິ່ນ, ດອກໄມ້ໄຫວ, ຕ້າງ ແລະ ປະລັກແຂນກະຕ່ອຍ ສາມຄູ່ ທີ່ເຮັດດ້ວຍເງິນຊຸບນໍ້າຄໍາ.

-ປີນີ້ກິຣິນີເທວີ ພະຫັດຂວາຖືຂໍຊ້າງ (ມືຂວາ) ພະຫັດຊ້າຍຖືປືນ (ມືຊ້າຍ) ຕາມຕໍານານກ່າວມາ ປະທັບເທິງຫລັງຊ້າງ.

-ສິ່ງທີ່ທາງທີມພວກເຮົາໄດ້ຕັດອອກ ຄື ພະຫຸຣັດຕົ້ນແຂນ, ດອກສຸມົນທາ ແລະ ເຄື່ອງປະດັບສີມໍລະກົດ ຄິດວ່າອາດຈະບໍ່ແທດເຫມາະຈິງຕັດອອກໂດຍທົດແທນເປັນອາພອນສີມໍລະກົດ, ເຄື່ອງປະດັບຄໍາແທນ ຄິດວ່າການນຸ່ງເຄື່ອງໃຫຍ່ອາດຈະເບິ່ງແທດເຫມາະແລະເຫມາະສົມກ່ອນ.

-ປະລັກຂາ : ຕາມຄວາມເຊື່ອຖືບູຮານສ່ວນທີ່ກາຍແອວລົງໄປເພິ່ນຈະເຮັດດ້ວຍເງິນ ຫລື ວັດສະດຸອື່ນທີ່ບໍ່ແມ່ນຄໍາ ໂດຍສະເພາະປະລັກຂາທາງພວກເຮົາໄດ້ຮຽນແບບປະລັກຂາປອກຂາອ່ຽນໂດຍອີງຈາກຕົ້ນສະບັບແທ້.

-ຕິນ່າເອງຮູ້ສຶກຫວນຄໍານຶງວັນວານຂອງປີກາຍທີ່ໄດ້ມາຍ່າງໃນຂະບວນແຫ່ຫວໍ່ໃນຄັ້ງຕຽມໂຕໄປປະກວດນາງງາມຈັກກະວານປີ 2021 ແລະ ນອກນີ້ຍັງໄດ້ຖ່າຍທໍາວິດິໂອເພື່ອກຽມໄປປະກວດ.

ດັ່ງນັ້ນ, ຕິນ່າຈິງຫວນກັບມາຫລວງພຣະບາງອີກຄັ້ງເພື່ອຢາກເຮັດກິດຈະກໍາດີໆໃນການເຜີຍເເຜ່ສິລະປະການນຸ່ງຖືຕໍານານ, ຄວາມເປັນມາຜ່ານຮູບພາບເພື່ອຢາກໃຫ້ທຸກຄົນຫັນມາສົນໃຈເລື່ອງລາວທີ່ໄປທີ່ມາພ້ອມທັງຢາກເປັນກະບອກສຽງນ້ອຍໆໃນການສືບສານສົ່ງເສີມມູນມັງຂອງເກົ່າທີ່ບັນພຣະບຸລຸດໄດ້ປະໄວ້ໃຫ້ ແລະ ຫວັງຢ່າງຍິ່ງທຸກຄົນຫັນມາໃສ່ໃຈສົນໃຈປະເພີນີທີ່ງົດງາມໄວ້ໃຫ້ຄົງຢູ່ຄູ່ຊາດສືບໄປ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: Laos Culture and Arts ສິລະປະ ແລະ ວັດທະນະທໍາລາວ