ຕະກູນດຽວນີ້ ໄດ້ຮັບການເລືອກເປັນນາງສັງຂານຫຼວງພະບາງເຖິງ 3 ລຸ້ນ
ມາຮູ້ຈັກກັບຕະກູນ ທີ່ໄດ້ຮັບແໜ່ງນາງສັງຂານຫຼວງພະບາງ ຕິດຕໍ່ກັນເຖິງ 3 ລຸ້ນ.
ດັ່ງທີ່ເຮົາຮູ້ກັນດີແລ້ວວ່າ ປະເພນີການແຫ່ນາງສັງຂານໃນບຸນປີໃໝ່ລາວ ແມ່ນໄດ້ຈັດຂື້ນ ແລະສືບທອດປະຕິບັດກັນມາຫຼາຍຍຸກຫຼາຍສະໄໝໂດຍມີຕົ້ນກຳເນີດທຳອິດມາຈາກຣາຊສຳນັກຫຼວງພະບາງໃນທຸກໆປີ, ແລະ ແຕ່ລະປີກໍຈະມີການຄັດເລືອກເອົານາງສາວຜູ້ທີ່ມີຮູບຮ່າງໜ້າຕາກິລິຍາມາລະຍາດທີ່ສວຍງາມ ແລະ ມີອົງປະກອບຄົບຕາມທີ່ນາງສັງຂານຕ້ອງມີ.
ພິທີ່ດັ່ງກ່າວນີ້ໂດຍການຄັດລອກອອກມາຈາກນິທານດັ່ງກ່າວມານັ້ນ ແລະ ໄດ້ຈຳລອງເຫດການໃຫ້ຄືສະຖານະການຈິງ ຈື່ງເຮັດໃຫ້ພິທີມີມົນຂັງອັນສັກສິດ ແລະເປັນທີ່ເຊື່ອຖືຫຼາຍຂອງມະຫາຊົນຄົນລາວຈຳນວນກວ້າງ.
ປັດຈຸບັນ ໄດ້ສືບທອດປະເພນີແຫ່ນາງສັງຂານໃນບັນດາຫຼາຍແຂວງທົ່ວປະເທດ ໂດຍສະເພາະທີ່ພົ້ນເດັ່ນແມ່ນ: ຂະບວນແຫ່ນາງສັງຂານແຂວງຫຼວງພະບາງ, ນະຄອນຫຼວງວຽງຈັນ ແລະແຂວງອື່ນໆອີກດ້ວຍ.
ຕົ້ນຕະກູນ ” ບຸບຜາ ” ເປັນຕະກູນໜຶ່ງໃນຫຼວງພະບາງທີ່ໄດ້ຮັບການເລືອກໃຫ້ດຳຣົງຕຳແໜ່ງນາງສັງຂານຕິດຕໍ່ກັນມາເຖີງ 3 ລຸ້ນຄົນຄື:
1. ປາຖະໜາ ບຸບຜາ ນາງສັງຂານປະຈຳປີ 1975.
2. ສະຖາພອນ ບຸບຜາ ນາງສັງຂານປະຈຳປີ 1980.
3. ປາວິນາພອນ ບຸບຜາ ນາງສັງຂານປະຈຳປີ 2008.
ທັງ 3 ທ່ານ ລ້ວນແຕ່ເປັນນາງສັງຂານຫຼວງພະບາງທັງສີ້ນ ເປັນຄົນຫຼວງພະບາງໂດຍກຳເນີດ ແລະຄົນທີ 1 ເປັນນາງສັງຂານໃນຍຸກພຣະຣາຊອານາຈັກລາວອີກດ້ວຍ ຖືເປັນໜ້າປະຫວັດສາດທີ່ໜ້າຈົດຈຳໄວ້.
ງົດງາມແບບສະຕຣີລາວຊາວວັງສົມເປັນລູກຫຼານໜໍ່ເຊື້ອແຫ່ງຫຼວງພະບາງ ງາມປານເທວາເສກສັນອິນພຣົມປັ້ນແຕ່ງບັນດານສະໃຫ້ໄວ້ໃນແດນວິມານວຽງທອງແຜ່ນດີນທົ່ວດ້າວຊາວລາວປະຊາຊື່ນຊົມແທ້ໆ
ໃນທຸກໆປີເຮົາສາມາດມາທ່ຽວຊົມໄດ້ຄວາມສວຍງາມ ຮີດຄອງປະເພນີຂອງຊາວລາວທີ່ຍັງຄົງຮັກສາໄວ້ຢູ່ທີ່ນະຄອນຫຼວງພະບາງ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: Pathana Boupha