ອັດສະຈັນກອງລໍກັບຄວາມສວຍງາມທີ່ທຳມະຊາດໄດ້ສ້າງໄວ້ໃຫ້
Laos Journey
ດິນແດນກອງລໍ ກັບສີສັນຄວາມງົດງາມຂອງທຳມະຊາດໃນລະດູເກັບກ່ຽວ ທີ່ໜ້າສຳຜັດ.
ຖ້າຈະເວົ້າເຖິງແຂວງຄຳມ່ວນແລ້ວ ຄົງມີຫລາຍໆຄົນຄິດເຖິງແຫລ່ງທ່ອງທ່ຽວຕ່າງໆ, ເພາະ ແຂວງຄຳມ່ວນຖືວ່າເປັນແຂວງໜຶ່ງໃນ ສປປ ລາວ ທີມີມີສະຖານທີ່ທ່ອງທ່ຽວທີ່ສວຍງາມຫລາຍແຫ່ງ ແລະ ຫຼາກຫຼາຍຮູບແບບໂດຍສະເພາະແຫລ່ງທ່ອງທ່ຽວທີ່ເປັນທຳມະຊາດຕ່າງໆ ແຂວງຄຳມ່ວນຖືວ່າຂື້ນຊື່ ແລະ ເປັນທີ່ຮູ້ຈັກຢ່າງຫລວງຫລາຍ, ເຊິ່ງໃນຕອນນີ້ຈະພາໄປຮູ້ຈັກເມືອງຄູນຄຳ ເຊິ່ງເປັນເມືອງທ່ອງທ່ຽວທີ່ໄດ້ຮັບຄວາມນິຍົມຂອງນັກທ່ອງທ່ຽວທັງພາຍໃນແລະຕ່າງປະເທດ.
ເມືອງຄູນຄຳ ແຂວງຄຳມ່ວນ ຖືວ່າເປັນເມືອງໃໝ່ຂອງແຂວງຄຳມ່ວນ ສ້າງຕັ້ງຂຶ້ນໃນປີ2011, ສຳນັກງານປົກຄອງເມືອງຕັ້ງຢູ່ບ້ານນາຫີນ ລະຫວ່າງ 3 ແຍກທາງໄປຖ້ຳກອງລໍ ເຊິ່ງເປັນຖ້ຳທີ່ມີຊື່ສຽງ ແລະ ສວຍງາມທີ່ສຸດໃນລາວກໍວ່າໄດ້ ທີ່ເສັ້ນທາງເລກ 8A ຫ່າງຈາກເທດສະບາແຂວງປະມານ 140 ກິໂລແມັດ.
ເມືອງຄູນຄຳ ມີສະຖານທີ່ທ່ອງທ່ຽວຫຼາກຫຼາຍແຫ່ງ ແລະ ຂຶ້ນຊື່ລືຊາເລື່ອງຄວາມງົດງາມຂອງພູຜາ ທີ່ເບິ່ງແລ້ວຈັບອົກຈັບໃຈ ເຮັດໃຫ້ຜູ້ທີ່ຍາຍາມຢ້ຽມອອນຊອນ ແລະ ຫຼົງໄຫຼ.
ແລະ ບ້ານກອງລໍ ຖືວ່າເປັນບ້ານໜຶ່ງທີ່ມີຄວາມງົດງາມຫລາຍບໍ່ວ່າຈະເປັນວິຖີ່ຊິວິດ, ທຳມະຊາດ, ໄຮນາຮົ້ວສວນໃນເຂດຂອງດິນແດນບ້ານກອງລໍ ແລະ ມີພາບສວຍງາມໃນລະດູເກັບກ່ຽວເຂົ້ານາປີ ເຊິ່ງເປັນພາບທີ່ສວຍງາມທີ່ຂ້າພະເຈົ້າໄດ້ເອົາມາຈາກເວັບໄຊຂອງ Laos Journey ໃນກາງເດືອນຕຸລາ ປີ2018ຜ່ານມາ ມາໃຫ້ເບິ່ງນຳກັນ.
ບ້ານກອງລໍ ຕັ້ງຢູ່ເມືອງຄູນຄຳ ແຂວງຄຳມ່ວນ; ທ່ານສາມາດ ເດີນທາງຈາກ ເສັ້ນທາງເລກທີ 13 ພໍຮອດທາງແບ່ງຫຼັກ20 ແລ້ວໄປຕາມ ເສັ້ນທາງເລກ 8 ປະມານ40ກິໂລແມັດ ພໍຮອດບ້ານຄູນແກ້ວ ແລ້ວລ້ຽວຂົວໄປອີກປະມານ40 ກິໂລແມັດກໍຮອດບ້ານກອງລໍ.
ບ້ານກອງລໍ ມີສະຖານທີ່ທ່ອງທ່ຽວທີ່ຫຼາກຫຼາຍ, ມີກິດຈະກຳຂີ່ເຮືອກາຍັກ ລ່ອງນໍ້າຫີນບູນ ຊົມຄວາມງາມຂອງທຳມະຊາດ .ນອກນັ້ນຍັງມີຖໍ້າກອງລໍອັນລືຊື່ ເຊິ່ງເປັນແຫຼ່ງທ່ອງທ່ຽວທາງທໍາມະຊາດ ທີ່ມີຊື່ສຽງລະດັບແນວໜ້າຂອງໂລກ ຍ້ອນວ່າເປັນຖໍ້າທີ່ມີສາຍນໍ້າຫີນບູນ ໄຫຼຜ່ານອຸໂມງຂອງພູຫີນບູນເຂົ້າໄປ ແລ້ວ ປ່ອງໃສ່ແມ່ນໍ້າຂອງ.
ສ່ວນທີ່ພັກກໍມີໃຫ້ເລືອກຫຼາກຫຼາຍ ທັງທີ່ພັງແຄມນໍ້າ ຫລື ທີ່ພັກ ແຄມທົ່ງນາ ໃຫ້ເລືອກຕາມຄວາມມັກຂອງທ່ານໄດ້… ສ່ວນການເດີນທາງເຂົ້!ເຖິງແມ່ນສະດວກສະບາຍ ລົງເກ໋ງກໍໄປໄດ້ເພາະເສັ້ນທາງປຸຢາງ(ມີບາງຈຸດທີ່ທາງເປເພເລັກໜ້ອຍ)
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: Laos Journey.
