ມາຮູ້ຈັກກັບ ເຮືອນພະຍາເຊກອງ ທີ່ເມືອງສິງ ແຂວງຫຼວງນ້ຳທາ
Laos Journey
ປະຫວັດ ຄວາມເປັນມາຂອງເຮືອນພະຍາເຊກອງ ທີ່ເມືອງສິງ ແຂວງຫຼວງນ້ຳ.
ແຂວງຫຼວງນ້ຳທາເປັນແຂວງທີ່ມີພື້ນທີ່ພຽງກ້ວາງຂວາງ ແລະ ມີຫລາກຫລາຍຊົນເຜົ່າຮີດຄອງປະເພນີສວຍງາມທັງຂື້ນຊື່ວ່າ ຫຼວງນ້ຳທາດິນແດນເຂົ້າຂາວສາວງາມ ແລະ ເມື່ອງສິງ ກໍຖືວ່າເປັນເມືອງໜຶ່ງຂອງແຂວງຫຼວງນ້ຳທາທີ່ຍັງອະນຸລັກຮີດຄອງປະເພນີວັດຖະນາທຳອັນດີງາມໄວ້ໄດ້ຢູ່ ໂດຍສະເພາະແມ່ນວັດວາອາຮາມຕ່າງໆ ການນຸງຖື ແລະ ຍັງມີພຣະທາດຊຽງຕືງທີ່ສັກສິດ ແລະ ບູຊາກັນທຸກປີ.
ເມືອເວົ້າເຖິງຫໍວາງສະແດງເມືອງສິງ ຫຼື ເຮືອນເກົ່າ ພະຍາຊຽງກອງ ອິງຕາມການບອກເລົ່າ ເຮືອນຫຼັງນີ້ໄດ້ຖືກສ້າງຕັ້ງຂື້ນເມື່ອປີ ຄສ 1934 ເປັນທີ່ພັກອາໃສຂອງ ພະຍາ ຊຽງກອງ ຜູ້ທີ່ເຈົ້າຊີວິດຫຼວງພະບາງ ແຕ່ງຕັ້ງໃຫ້ເປັນຜູ້ປົກຄອງດູແລເຂດເມືອງສິງ ໃນໄລຍະຕົ້ນສະຕະວັດທີ 20, ພະຍາຊຽງກອງ ເປັັນຜູ້ຮັ່ງມີທາງດ້ານຊັບສົມບັດພາຍໃນທ້ອງຖີ່ນໃນເວລານັ້ນ ແລະ ຍັງເປັນພະຍາເຈົ້າເມືອງທີ່ ປະຊາຊົນໃຫ້ຄວາມສັດທາເຫຼືອມໃສມາຕະຫຼອດເປັນເວລາຫຼາຍປີ.
ຫຼັງປະເທດຊາດໄດ້ຮັບການປົດປ່ອຍໃນປີ 1975 ເຮືອນຫຼັງດັ່ງກ່າວໄດ້ຖືກປະຮ້າງໄວ້ໄລຍະໜື່ງ ຈົນຮອດປີ 1990 ອົງການປົກຄອງທ້ອງຖີ່ນ ໄດ້ປັບປຸງ ແລະ ເຮັດເປັນເຮືອນພັກສຳລັບ ພະນັກງານລັດທີ່ເດີນທາງມາເຮັດວຽກທີ່ເມືອງສິງ, ຕົກມາຮອດປີ 2007 ອົງການປົກຄອງເມືອງສິງ ໄດ້ມອບເຮືອນດັ່ງກ່າວໃຫ້ຫ້ອງການຖະແຫຼງຂ່າວ, ວັດທະນະທຳ ບູລະນະປັບປຸງ ເພື່ອເປີດເປັນ ສູນວາງສະແດງວັດທະນະທຳຂອງເມືອງສິງ
ເຊິ່ງປັດຈຸບັນກາຍເປັນແຫຼ່ງທ່ອງທ່ຽວ ທາງດ້ານວັດທະນະທຳທີ່ໜ້າສົນໃຈ ເນື່ອງຈາກສູນແຫ່ງນີ້ເປັນບ່ອນ ເກັບຮັກສາອຸປະກອນຮັບໃຊ້ ແລະ ລາຊາສົມບັດປະເພດຕ່າງໆ ຂອງຊາວເມືອງສິງ ທີ່ຊາວເມືອງໄດ້ພ້ອມກັນອານຸລັກມາຕັ້ງແຕ່ສັດຕະວັດທີ 19-20 ບໍ່ວ່າຈະເປັນວັດທະນະທຳທາງດ້ານການນຸ່ງຖື, ການທຳມາຫາກີນ, ວິຖີຊີວິດ ແລະ ອື່ນໆ ທີ່ສະແດງໃຫ້ເຫັນເຖິງປະຫວັດສາດຄວາມຮັ່ງມີ ທາງດ້ານວັດທະນະທຳລື້ເມືອງສິງແຫ່ງນີ້ໄດ້ເປັນຢ່າງດີ.
ເມືອງສິງ ເປັນສູນກາງວັດທະນະທຳໄທລື້ ທີ່ມີຖິ່ນກຳເນີິດ ຢູ່ໃນແຂວງຢູນນານ ທາງພາກໃຕ້ຂອງຈີນ ເຊິ່ງຫ່າງຈາກຊາຍ ແດນເມືອງສິງພຽງ 10 ກະໂລແມັດ ດ່ັງນັ້ນ ເຜົ່າໄທລື້ ໃນລາວ ຈິ່ງໄດ້ຊື່ວ່າມີສາຍເລືອດ ແລະ ວັດທະນະທຳແບບໄທລື້ແທ້ກວ່າກຸ່ມອື່ນໆ ທີ່ຢູ່ນອກຖິ່ນຖານຂອງບັນພະບຸລຸດ. ນະຫໍວາງສະແດງເມືອງສິງ ຫຼື ເຮືອນເກົ່າ ພະຍາຊຽງກອງ ຕັ້ງຢູ່ບ້ານຊຽງໄຈ ໃຈກາງເທດສະບານເມືອງສິງ ແຂວງຫຼວງນ້ຳທາ ທ່ານສາມາດເຂົ້າຊົມໄດ້ຕາມວັນເວລາທາງລັດຖະການ.
ເຮືອນພະຍາເຊກອງ ສ້າງຂື້ນເມື່ອປີ ຄສ 1934 ດ້ວຍຮູບແບບສະຖາປັດຕະຍະກຳແບບໄຕລື້ ຫຼື ໄທລື້ ປະສົມປະສານກັບ ສະຖາບັດຕະຍະກຳແບບອານານິຄົມຝຣັ່ງ, ເຊິງຫໍວາງສະແດງເມືອງສິງ ຫຼື ເຮືອນເກົ່າ ພະຍາຊຽງກອງ ຕັ້ງຢູ່ບ້ານຊຽງໄຈ ໃຈກາງເທດສະບານເມືອງສິງ ແຂວງຫຼວງນ້ຳທາ ທ່ານສາມາດເຂົ້າຊົມໄດ້ຕາມວັນເວລາທາງລັດຖະການ
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: Laos Journey.
