ວັດແຫ່ງນີ້ໃນອະດິດແມ່ນເປັນວັດ ທີ່ຈະມີພິທີຜ່າອ່າງປາບຶກ ( ການຫາປາບຶກ ໃນນ້ຳຂອງ ) ແມ່ນເພິ່ນຈະມີພິທີຜ່າອ່າງປາປືກ ໃນໄລຍະຂອງ ເດືອນສາມເພັງ ຂອງທຸກໆປີ ໂດຍຈະມີເຈົ້າມະຫາຊີວິດ ຄື : ເຈົ້າມະຫາຊີວິດສີຼສະຫວ່າງວົງ ແລະເຈົ້າມະຫາຊີວິດສີຼສະຫວ່າງວັດທະນາ ບາງປີກໍ່ເຈົ້າມະຫາອຸປະຣາຊເພັດຊະຣາຊ ເພິ່ນກໍ່ຈະມາເຮັດພິທີຜ່າອ່າງປາປືກ ໃນບໍລິເວນຂອງວັດແຫ່ງນີ້ ໂດຍມີການຄົບງັນກັນ 7 ວັນ ແລະຈະເວລາ 3 ວັນໃນ 7 ວັນນັ້ນຜ່າອ່າງ ( ຫາປາປືກ )

ວັດໂພນສະຫວ່າງ ບ້ານອ່າງໃຫຍ່ ເມືອງສີໂຄດຕະບອງ ນະຄອນຫລວງວຽງຈັນ ເຊິ່ງເປັນວັດທີ່ເກົ່າແກ່ ເມື່ອ 13 ປີ ລົງຫລັງນັ້ນວັດແຫ່ງນີ້ແມ່ນມີຊື່ວ່າ ວັດບ້ານອ່າງໃຫຍ່ ເປັນວັດເກົ່າແກ່ ບໍ່ມີຂໍ້ມູນໃນການສ້າງໃນເມື່ອປີໃດ ? ເປັນວັດທີ່ກ່ຽວພັນ ຕິດພັນກັບປາປຶກ ຂອງແມ່ນ້ຳຂອງເມືອງວຽງຈັນ