ອານາຈັກສຸວັນນະໂຄມຄຳ ອານາຈັກທີ່ຈະເລີນຮຸ່ງເຮືອງເກົ່າແກ່ໃນອະດີດ
ອານາຈັກສຸວັນນະໂຄມຄຳເປັນຕົ້ນກຳເນີດຂອງອານາຈັກລາວລ້ານຊ້າງ ແລະ ອານາຈັກລ້ານນາ
ອານາຈັກສຸວັນນະໂຄມຄຳ ແມ່ນອານາຈັກທີ່ຈະເລີນຮຸ່ງເຮືອງເກົ່າແກ່ໃນອະດີດ ແລະ ເປັນຕົ້ນກຳເນີດຂອງອານາຈັກລາວລ້ານຊ້າງ ແລະ ອານາຈັກລ້ານນາ, ຮູບປັ້ນຫລໍ່ຂອງສົມເດັດພຣະເຈົ້າມະຫາຊີວິດສີຼສະຫວ່າງວົງສ໌ ທີ່ຫນ້າວັດສີຼເມືອງ ເມືອງສີຼສັດຕະນາຄ ນະຄອນຫລວງວຽງຈັນ ຫລໍ່ຂຶ້ນດ້ວຍທອງສຳຣິດ ທີ່ປະເທດສະຫະພາບໂຊຫວຽດ ເມື່ອປີ ຄສ 1975
ເມື່ອສຳເຣັດການຫລໍ່ແລ້ວກໍ່ເຄື່ອນຍ້າຍມາປະເທດລາວແລະປະດິດສະຖານໄວ້ທີ່ຫນ້າວັດສີຼເມືອງ ແລະຫໍພິພິທະພັນຫລວງພຣບາງ ເມື່ອປີ ຄສ 1976 ( ການຫລໍ່ໃນຄັ້ງນັ້ນ ແມ່ນຫລໍ່ ເປັນຈຳນວນ 2 ອົງຄ໌ ອົງຫນຶ່ງປະດິດສະຖານໄວ້ທີ່ນະຄອນຫລວງວຽງຈັນ ແລະອີກອົງຫນຶ່ງ ປະດິດສະຖານໄວ້ທີ່ຫລວງພຣະບາງ )
ຮູບປັ້ນຫລໍ່ນີ້ແມ່ນມີລັກສະນະທ່າຢືນ ມືຂວາຈັບປື້ມໃບລານ ທີ່ເປັນຂໍ້ຫລັກການ ລະບຽບຂອງລັດຖະທັມມະນູ ມືຊ້າຍຍົກຂຶ້ນພຽງຫູ ພຽງຕາ ເພື່ອມອບໃຫ້ປະຊາຊົນເຊິ່ງມີຄວາມຫມາຍໃນການສາບານ ສ່ວນແອວກໍ່ຄັດງ້າວ ໃສ່ຊຸດລາວພຶ້ນເມືອງ
ເຊິ່ງກ່ອນຫນ້ານັ້ນແມ່ນມີການຫລໍ່ຮູບປັ້ນຂອງສົມເດັດພຣະເຈົ້າສີຼສະຫວ່າງວົງສ໌ ທີ່ນະຄອນຫລວງວຽງຈັນ ເມື່ອປະມານປີ ຄສ 1968-1970 ແຕ່ຄະນະຜູ້ປັ້ນຫລໍ່ແມ່ນໄດ້ມີການຫລໍ່ຂຶ້ນແລ້ວ ແຕ່ເຈົ້າມະຫາຊີວິດສີຼສະຫວ່າງວັນທະນາ ເວົ້າວ່າຮູບປັ້ນນີ້ຄືບໍ່ຄືບິດາຂອງເຮົາເນາະ ເຊິ່ງເຮັດໃຫ້ຄະນະຜູ້ຈັດສ້າງແລະຫລໍ່ໃນຕອນນັ້ນ ບໍ່ກ້າເຮັດຫຍັງຕໍ່ ແລະຮູບປັ້ນອົງດັ່ງກ່າວ ທີ່ຍັງບໍ່ສົມບູນປານໃດນັ້ນ ກໍ່ຍັງເກັບໄວ້ໂຮງຫລໍ່ ບ້ານໂພນຕ້ອງ ນະຄອນຫລວງວຽງຈັນມາຮອດທຸກມື້ນີ້.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: Art and Culture of Laos and Sourioudong Sundara