LTC ເຊັນສັນຍາ ການໃຫ້ບໍລິການສື່ສານໂທລະຄົມມະນາຄົມ ກັບ ບໍລິສັດ ອໍາມະຕະ ຊິຕີ້ ລາວ ຈໍາກັດຜູ້ດຽວ.

ລາວ ໂທລະຄົມ ໄດ້ຮັບຄວາມໄວ້ວາງໃຈ ແລະ ຄວາມເຊື່ອຫມັ້ນຈາກທາງ Amata City Lao ໃນການຮ່ວມມືຍຸດທະສາດທາງທຸລະກິດ ເພື່ອຮ່ວມລົງທຶນ ແລະ ໃຫ້ບໍລິການດ້ານວຽກງານໂຄງລ່າງພື້ນຖານໂທລະຄົມມະ ນາຄົມ ໃນພື້ນທີ່ໂຄງການດັ່ງກ່າວເປັນຕົ້ນແມ່ນ ການສະໜອງບໍລິການໂທລະສັບມືຖື ແລະ ການບໍລິການອິນເຕີເນັດ

ທັງໃນຮູບແບບ ມີສາຍ (Fixed Broadband) ແລະ ບໍ່ມີສາຍ (Mobile Broadband) ເຊັ່ນ: 3G, 4G, 5G, Internet ຄວາມໄວສູງ ພາຍໃນປະເທດ ແລະ ລະຫວ່າງປະເທດ.

ນອກ​ຈາກ​ນີ້​ຍັງລວມໄປເຖິງການສະຫນອງ Technology Digital, IOT, Cloud AI, Enterprise Solutions ຕ່າງໆ ເພື່ອຮອງຮັບຫົວຫນ່ວຍທຸລະກິດທີ່ມາລົງທຶນໃນເຂດໂຄງການ Amata Smart and Eco City ນອກຈາກນີ້ ລາວ ໂທລະຄົມ ຈະເປັນຜູ້ສະຫນອງ, ດູແລບໍາລຸງຮັກສາ ແລະ ໃຫ້ເຊົ່າໂຄງສ້າງພື້ນຖານໂທລະຄົມມະນາຄົມ ໃນຂອບເຂດພື້ນທີ່ໂຄງການດັ່ງກ່າວດ້ວຍ.

ວັນທີ 24/01/2022 ທີ່ສຳນັກງານໃຫ່ຍ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ມີພີທີເຊັນສັນຍາ ການຮ່ວມມືຍຸດທະສາດທາງທຸລະກິດ ການໃຫ້ບໍລິການສື່ສານໂທລະຄົມມະນາຄົມ ລະຫວ່າງ ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ບໍລິສັດ ອໍາມະຕະ ຊິຕີ້ ລາວ ຈໍາກັດຜູ້ດຽວ ຮ່ວມລົງນາມເຊັນສັນຍາໃນຄັ້ງນີ້ ມີ ທ່ານ ສຸພົນ ຈັນທະວີໄຊ ຜູ້ອຳນວຍການໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ທ່ານ ວະລົງ ຕັງປະພຶດກຸນ ຜູ້ອຳນວຍການບໍລິສັດ ອໍາມະຕະ ຊິຕີ້ ລາວ ຈໍາກັດຜູ້ດຽວ ໂດຍການໃຫ້ກຽດເຂົ້າຮ່ວມເປັນສັກຂີພະຍານ ແລະ ສະແດງຄວາມຍິນດີ ຂອງ ທ່ານ ປະລິນຍາເອກ ສັນຕິສຸກ ສີມມາລາວົງ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ແລະ ທ່ານ ສົມດີ ດວງດີ ອາດີດຮອງນາຍົກລັດຖະມົນຕີ ທີ່ປຶກສາໂຄງການ AMATA Smart & Eco-City Lao ພ້ອມດ້ວຍແຂກຮັບເຊີນ ມີຄະນະຜູ້ບໍລິຫານທັງສອງຝ່າຍ ພ້ອມດ້ວຍສື່ມວນຊົນເຂົ້າຮ່ວມຢ່າງພ້ອມພຽງ.