ມາເບິ່ງ 7 ວັດເກົ່າແກ່ຂອງ ແຂວງ ຈຳປາສັກທີມີຄວາມສຳຄັນ ແລະ ໜ້າທ່ຽວຊົມ.

ຖ້າຈະເວົ້າເຖິງສາດສະໜາຮີດຄອງປະເພນີຢູ່ລາວຖືວ່າມີຢ່າງຫລວງຫລາຍ ລວມທັງວັດວາອາຮາມທີ່ເປັນເອກະລັກການສ້າງຂອງແຕ່ລະເຂດແຂວງ ແລະ ເມືອເວົ້າເຖິງແຂວງຈຳປາສັກກໍມີຫລາຍວັດວາອາຮາມທີ່ເກົ່າແກ່ແຝງໄປດ້ວຍອະລິຍະທຳ ແລະ ຄວາມສວຍງາມຢູ່ໃນນັ້ນ ແລະ ຫາກທ່ານໃດທີ່ມັກໃນການເຮັດບູນເຮັດທານແລ້ວລະກໍຕ້ອງພາດບໍ່ໄດ້ເລີຍກັບ 7 ວັດເກົ່າແກ່ຂອງແຂວງຈຳປາສັກ.

ເລີ່ມຕົ້ນຈາກ “ວັດຫຼວງ” ຕັ້ງຢູ່ໃຈກາງເທດສະບານ ນະຄອນປາກເຊ, ເປັນວັດທີ່ເກົ່າແກ່ ແຫ່ງໜຶ່ງໃນພາກໃຕ້ຂອງລາວ ແລະ ວັດແຫ່ງນີ້ ຍັງເປັນໂຮງຮຽນສົງ ແຫ່ງທຳອິດຂອງພາກໃຕ້ອີກດ້ວຍ. ວັດຫຼວງ ຖືກສ້າງຂຶ້ນໃນຊ່ວງ ຄສ 1935 ໂດຍມີສິລະປະແບບລາວດັ້ງເດີມ ປະສົມປະສານກັບສິລະປະສະໄຫມໃຫມ່.

ວັດພະບາດ ຕັ້ງຢູ່ບ້ານພະບາດ ນະຄອນປາກເຊ ຕິດກັບວົງວຽນໃຫ່ຍ. ຖືວ່າເປັນວັດທີ່ມີຄວາມເກົ່າແກ່ອີກແຫ່ງໜຶ່ງຂອງນະຄອນປາກເຊ ແລະ ມີຮອຍພະບາດໄວ້ໃຫ້ໄດ້ກຣາບໄຫວ້ ສັກກາລະບູຊາ

ວັດຈອມເພັດ ຕັ້ງຢູ່ຫ່າງຈາກນະຄອນປາກເຊ ປະມານ 7 ກິໂລແມັດ, ໂດຍຈຸດເດັ່ນຂອງວັດແຫ່ງນີ້ ແມ່ນພຣະພຸດທະຮູບອົງໃຫ່ຍ ສີເຫຼືອງທອງ ແລະ ພາຍໃຕ້ອົງພຣະຍັງສາມາດເຂົ້າໄປໄດ້. ນອກຈາກນີ້ແລ້ວ ວັດແຫ່ງນີ້, ຍັງຂຶ້ນຊື່ເລື່ອງການຂໍລູກ ໂດຍຄົນພາກໃຕ້ຈະຮູ້ກັນດີວ່າ ຖ້າຫາກໃຜມີລູກຍາກແລ້ວມາບະຢູ່ວັດແຫ່ງນີ້ ກໍຈະສົມປາຖະໜາວັດພະບາດ ຕັ້ງຢູ່ບ້ານພະບາດ ນະຄອນປາກເຊ ຕິດກັບວົງວຽນໃຫ່ຍ. ຖືວ່າເປັນວັດທີ່ມີຄວາມເກົ່າແກ່ອີກແຫ່ງໜຶ່ງຂອງນະຄອນປາກເຊ ແລະ ມີຮອຍພະບາດໄວ້ໃຫ້ໄດ້ກຣາບໄຫວ້ ສັກກາລະບູຊາ

ວັດພູງອຍ ຫຼື ວັດພູມະໂລງ ຕັ້ງຢູ່ ເປີ້ຍພູມະໂລງ ບ້ານຫົວປາຂໍ້ ເມືອງ ຈຳປາສັກ ແຂວງ ຈຳປາສັກ ເຊີ່ງຢູ່ລະຫວ່າງກາງ ນະຄອນປາກເຊ ແລະ ເມືອງ ຈຳປາສັກ. ເປັນວັດໜຶ່ງທີ່ມີຄວາມສວຍສົດງົດງາມຂອງວິວທຳມະຊາດ

ທາດສາມປາງ ຕັ້ງຢູ່ ເມືອງສຸຂຸມາ ແຂວງ ຈຳປາສັກເປັນສະຖານບູຮານທີ່ເກົ່າແກ່ ຂອງເມືອງສຸຂຸມາ ກໍ່ຄືແຂວງຈໍາປາສັກ. ຕັ້ງຢູ່ເຂດ 4 ໂນນຍ່າງ, ເມືອງສຸຂຸມາ. ຫ່າງຈາກເມືອງສຸຂຸມາ ໄປທາງຕາເວັນຕົກສຽງເໜືອປະມານ 13 ກິໂລແມັດ, ຫ່າງຈາກເມືອງປາກເຊໄປທາງຕາເວັນຕົກສຽງໃຕ້ປະມານ 72 ກິໂລແມັດ, ສະຖານທີ່ແຫ່ງນີ້ ຕັ້ງຢູ່ທົ່ງຮາບຫ້ວຍຂະໜວນ ເຊິ່ງ ເປັນສາຂາໜຶ່ງ ຂອງແມ່ນໍ້າຂອງ

ວັດພູອາສາ ຕັ້ງຢູ່ບ້ານກຽດໂງ້ງ ໃນພື້ນທີ່ດິນບໍລິເວນນໍ້າ ຣາມຊາ ບຶງກຽດໂງ້ງ, ເມືອງປະທຸມພອນ ແຂວງຈໍາປາສັກ. ເປັນບູຮານສະຖານແຫ່ງໜຶ່ງ ທີ່ມີຄຸນຄ່າທາງດ້ານປະຫວັດສາດ ສະຖາປັດ ຕະຍະກຳ ແລະ ບູຮານວິທະຍາ. ວັດແຫ່ງນີ້, ໄດ້ຖືກຮັບຮອງ ເປັນມໍລະດົກແຫ່ງຊາດ 27 ກວ່າປີ (13/11/1993), ມີອາຍຸ 200 ກວ່າປີ ເມື່ອຂຶ້ນສູ່ຈຸດສູງສຸດຂອງ ວັດພູອາສາ ທ່ານຈະສາມາດແນມເຫັນ ວິວທຳມະຊາດ ທີ່ແສນສວຍງາມ ຂອງພື້ນທີ່ດິນບໍລິເວນນໍ້າ ຣາມຊາ ບຶງກຽດໂງ້ງ. ຈຸດເດັ່ນຂອງວັດແຫ່ງນີ້ແມ່ນ ເສົາ ຮູບຊົງດອກເຫັດ ອ້ອມຮອບບໍລິເວນວັດ ເປັນສິ່ງກໍ່ສ້າງ ແລະ ສະຖານບູຮານ ທີ່ບໍ່ຄືໃຜມາກ່ອນ

ວັດໂຕະໂໝະ ຫຼື ອຸໂມງເຮືອນຫີນ ແມ່ນພື້ນທີ່ແບບດຽວກັນກັບວັດພູ, ຕັ້ງຢູ່ເຂດຄຸ້ມຄອງຂອງບ້ານໂຕະໂໝະທ່າ, ຫ່າງຈາກສຳນັກງານເມືອງປະທຸມພອນ ປະມານ 4,5 ກິໂລແມັດ, ວັດນີ້ສ້າງຂຶ້ນເປັນສອງແລວ ໂດຍມີແມ່ນ້ຳໂຕະໂໝະ ເປັນພົມແດນ, ເຂື່ອນກັ້ນນ້ຳແມ່ນໄດ້ສ້າງຂື້ນຍາວຢຽດ ຕາມແຄມແມ່ນ້ຳອ້ອມຮອບພື້ນທີ່ສັກສິດ

ນອກຈາກ, 7 ວັດທີ່ອິນໄຊລາວ ນຳສະເໜີແລ້ວ ພາຍໃນແຂວງຈຳປາສັກ ຍັງມີແຫຼ່ງທ່ອງທ່ຽວດ້ານວັດທະນະທຳອີກຫຼາກຫຼາຍ. ໂດຍສະເພາະກໍແມ່ນວັດພູຈຳປາສັກ ທີ່ທຸກຄົນຮູ້ຈັກກັນດີຢູ່ແລ້ວ ແລະ ອີກຫຼາຍກວ່າ 60 ແຫ່ງໃນທົ່ວແຂວງ

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບໃຈແຫລ່ງທີ່ມາ: ອົງການພັດທະນາການທ່ອງທ່ຽວ