ມາຮູ້ຈັກຕົ້ນໄມ້ມຸງຄຸນ ຕາມຄວາມເຊືອຂອງຄົນບູຮານລາວ
5 ຕົ້ນໄມ້ມຸງຄຸນ ທີ່ຄວນມີໄວ້ຕາມເດີນບ້ານ ຈະເຮັດໃຫ້ຊິວິດຈະເລີນຮຸ່ງເຮືອງ.
ເປັນຄວາມເຊືອຂອງຄົນລາວມາແຕ່ໃດໆແລ້ວເລືອງການປູກຕົ້ນໄມ້ມຸງຄຸນ, ຫາກມີໄວ້ໃນບ້ານແລ້ວເຊືອກັນວ່າຈະມີແຕ່ສິ່ງດີໆເຂົ້າມາໃນຊິວິດ ແລະ ຄອບຄົວ, ສະນັ້ນຕາມຄວາມເຊືອນີ້ເຮັດໃຫ້ໃຜໆກໍຢາກໃຫ້ບ້ານຂອງໂຕເອງຮົ່ມເຢັນ ຢູ່ເຢັນເປັນສຸກ ຫຼາຍໆ ຄົນຈື່ງຄິດຢາກປູກຕົ້ນໄມ້ມຸງຄຸນໄວ້ພາຍໃນເດີນບ້ານ ເພື່ອເອົາໂຊກເອົາລາບ ຕາມຄວາມເຊື່ອຂອງຄົນໂບຮານ.
ຖ້າໃຜຍັງບໍ່ຮູ້ວ່າຄວນປູກຕົ້ນຫຍັງ ເພື່ອຄວາມເປັນສີຣິມຸງຄຸນ ແລະ ມື້ອື່ນນີ້ກໍແມ່ນວັນປູກຕົ້ນໄມ້ແຫ່ງຊາດ ເປັນໂອກາດດີທີ່ເຮົາຈະນໍາເອົາ 5 ຕົ້ນໄມ້ມຸງຄຸນ ທີ່ຄົນນິຍົມປູກຕາມເດີນບ້ານເພື່ອໃຫ້ທຸກຄົນໄດ້ໄປຊອກຫາມາປູກ ຖືໄດ້ວ່າ ໄດ້ທັງຄວາມເປັນສີຮິມຸງຄຸນ ແລະ ເພີ່ມຈຳນວນຕົ້ນໄມ້ໃຫ້ໂລກຂອງເຮົາອີກດ້ວຍ
- ຕົ້ນຄູນ
ຄົນລາວເຊື່ອກັນວ່າ ຖ້າເຮືອນໃດປູກຕົ້ນຄູນຈະຊ່ວຍໃຫ້ເຈົ້າຂອງບ້ານມີຄວາມຈະເລີນຮຸ່ງເຮືອງເຫຼືອງເຫຼືອມ ນອກຈາກນີ້ຍັງຊ່ວຍໃຫ້ບ້ານເຮືອນນັ້ນ ມີກຽດ ມີສັກສີ. ຄວນປູກໄວ້ທາງທິດຕະເວັນຕົກສຽງໃຕ້ຂອງບ້ານ
- ຕົ້ນໝາກຍົມ
ຟັງແຕ່ຊື່ກໍໜ້າກະຮູ້ແລ້ວເນາະ ວ່າເປັນຫຍັງຄົນຈື່ງນິຍົມປູກໄວ້ຕາມເດີນບ້ານ ເພາະຄົນບູຮານເຊື່ອວ່າ ການປູກຕົ້ນໝາກຍົມ ຈະເຮັດໃຫ້ມີຄົນນີຍົມ ມີຊື່ສຽງ ບໍ່ມີຄົນຄິດຮ້າຍ ແລະ ອີກຄວາມເຊື່ອໜື່ງແມ່ນຖ້າປູກຕົ້ນໝາກຍົມໄວ້ທິດຕະເວັນອອກຈະປ້ອງກັນສັດຕູໄດ້
- ຕົ້ນໝາກມ່ວງ
ນອກຈາກຈະເປັນຮົ່ມດີແລ້ວ ໝາກມ່ວງເອງກໍຍັງສາມາດເກັບມາກີນໄດ້ທັງສຸກ ແລະ ດີບ ນອກຈາກນີ້ຍັງມີຄວາມເຊື່ອທີ່ວ່າ ຖ້າປູກທາງທິດໃຕ້ຂອງບ້ານ ຈະຊ່ວຍໃຫ້ຜູ້ຢູ່ອາໄສ ຮັ່ງມີ ແລະ ຍັງປ້ອງກັນບໍ່ໃຫ້ຄົນອື່ນມາບຽດບຽນໄດ້ອີກດ້ວຍ
- ຕົ້ນກ້ວຍ
ໄດ້ໃຊ້ທັງປະໂຫຍດຈາກຕົ້ນກ້ວຍຫຼາຍໆຢ່າງເປັນຕົ້ນແມ່ນ: ໃບສະມາດເອົາມາຫໍ່ໝົກ ຫຼື ເຮັດໝາກເບັງຍາມວັນສີນ, ໝາກສາມາດເອົາມາກີນໄດ້ຕອນສຸກ, ປີກ້ວຍເອົາມາແກງໃສ່ໄກ່ ແລະ ອີກຫຼາຍປະໂຫຍດຈາກຕົ້ນກ້ວຍແລ້ວ. ຄົນລາວຍັງເຊື່ອວ່າການປູກຕົ້ນກ້ວຍ ແມ່ນຈະຊ່ວຍໃຫ້ເຮັດຫຍັງກໍງ່າຍ ສະດວກສະບາຍ ງ່າຍຄືກັບປອກກ້ວຍ ຄວນປູກຕາມທິດ ຕະເວັນອອກຂອງບ້ານ
- ຕົ້ນດອກເສດຖີ
ຕົ້ນໄມ້ທີ່ຄົນລາວນິຍົມປູກຫຼາຍອີກຊະນິດໜື່ງ ເພາະເຊື່ອວ່າຈະນຳໂຊກນໍາໄຊ ມາໃຫ້ ແລະ ຈະເຮັດໃຫ້ຄອບຄົວມີຄວາມສຸກ ອີກຄວາມເຊື່ອແມ່ນ ຄວນໃຫ້ຜູ້ທີ່ມີອາຍຸສູງ ແລະ ໜ້າເຊື່ອຖືປູກໃຫ້ ໂດຍປູກທາງທິດໃຕ້ຂອງບ້ານ ອີກຢ່າງໜື່ງແມ່ນຄວນປູກວັນພຸດ ຈະເຮັດໃຫ້ອອກດອກດີ
ຂອບໃຈແຫລ່ງທີ່ມາ: ອິນໄຊລາວ.