ຄວາມໝາຍຄວາມສຳຄັນຂອງປະເພນີການສ້າງອູບມຸງ ຂອງຫລວງພຣະບາງ

ຮີດຄອງປະເພນີອັນດີງາມທີ່ປະຕິບັດກັນມາແຕ່ລຸ້ນປູ່ລຸ້ນຢາ, ອູບມຸງນ້ອຍ ທີ່ມັກສ້າງໄວ້ໃນວັດຕ່າງທົ່ວຫລວງພຣະບາງເຮົາ ແມ່ນມີຄວາມໝາຍຄວາມສຳຄັນ ຄື : ໄວ້ໃຫ້ພຣະສົງເຂົ້າກັມ ເພື່ອຝືກ ກາຍ ວາຈາ ແລະໃຈ ໃຫ້ຮູ້ທັນສະຕິ ເພາະຖ້າພິກຂຸອົງໃດ ຕ້ອງອາບັດສັງຄາທິເສດແລ້ວ ຕ້ອງເຂົ້າກັມ ຖ້າບໍ່ເຂົ້າກັມ ຖືວ່າບໍ່ບໍລິສຸດ ແມ່ນຈະປະຕິບັດສາສະນະກິດ ບຳເພັງຄວາມງາມ-ຄວາມດີ ກໍ່ບໍ່ອາດບັນລຸໄດ້ ຍ້ອນຄາອາບັດຍູ່ ດັ່ງມີຕົວຍ່າງ :

ໃນຄັ້ງສະໄຫມພຣະກັດສະປະ ພຸດທະເຈົ້າພິກຂຸຫນຸ່ມອົງຫນຶ່ງ ລ່ອງເຮືອໄປໃນນ້ຳຄົງຄາ ແລ້ວເອົາມືຈັບໄຄນ້ຳ ເມື່ອເຮືອແລ່ນໄປໄຄໃນນ້ຳຈຶ່ງຂາດ ເພີ່ນຄິດວ່າເປັນອາບັດເລັກນ້ອຍ ເວລາໃກ້ຊິມໍຣະນະພາບ ຄິດຍາກສະແດງອາບັດ ແຕ່ຫາພິກຂຸຈະຮັບສະແດງບໍ່ໄດ້ ແມ່ນວ່າເພີ່ນຈະບຳເພັງພຽນຍູ່ປ່າຮອດສອງຫມື່ນປີ ກໍ່ບໍ່ອາດບັນລຸພຣະທັມຊັ້ນສູງໄດ້ ເວລາມໍຣະນະພາບໄປແລ້ວ ໄດ້ເກິດເປັນພຣະຍານາຄ ຊື່ : “ເອລະກະປັດ ” ເຫັນຈະເປັນເພາະສາຍເຫດນີ້ນັກປາດບູຮານລາວ ຈຶ່ງໄດ້ຈັດການໃຫ້ມີການເຂົ້າກັມໄວ້ເປັນຮີດຄອງປະເພນີ

ດັ່ງນັ້ນບັນດາບັນຕ່າງໆ ທີ່ພຣະສົງທີ່ເຖົ້າແກ່ຫລາຍ ເພິ່ນບໍ່ສາມາດ ໄປຢູ່່ປ່າ ຢູ່ຖ້ຳ ທີ່ມີຄວາມຫງຽບສະຫງົບ ເພື່ອຫລີກຫນີ້ການພົບປະຜູ້ຄົນ ຝືກອະຍະຕະນະ ເພິ່ນຈຶ່ງຈຳລອງຖ້າມາຕັ້ງໄວ້ພາຍໃນວັດ ຈຶ່ງກໍ່ເກີດມີອຸບມຸງຂຶ້ນ ຄືການຈຳລອງຖ້ຳມາໄວ້ໃຫ້ພຣະພິກຂຸສົງໄດ້ເຂົ້າກັມນັ້ນເອງ

ບຸນເຂົ້າກັມ ຫລືວ່າ ບຸນປະຣິວາສະກັມ (ບຸນເດືອນຈຽງ).

ຄືບຸນທີ່ຈັດຂຶ້ນໃນເດືອນ 1 ຂອງທຸກໆປີ (ເດືອນຈຽງ ຫຼື ເດືອນອ້າຍ) ເຊິ່ງເປັນເດືອນທຳອິດຂອງ ປີທີ່ຊາວລາວຈະຕ້ອງປະກອບພິທີບຸນກັນ ຈົນເປັນປະເພນີເມື່ອເດືອນຈຽງມາເຖິງແລ້ວນັ້ນໃຫ້ພາກັນລ້ຽງ ຜີບ້ານ ຜີເມືອງ ຜີຟ້າ ຜີແຖນ ແລະນິມົນພຣະສັງຄະເຈົ້າເຂົ້າປະຣິວາດສະກັມ ພິທີບຸນເຂົ້າກັມ ນີ້ຈະກ່ຽວກັບພຣະສົງໂດຍກົງເພາະເປັນການທຳເພື່ອອອກຈາກອາບັດສັງຄາທິເສດ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບໃຈແຫຼ່ງຂໍ້ມູນຈາກ: ນະຄອນຫລວງພຣະບາງ