ມາຮູ້ຈັກກັບຄໍາວ່າ “ຫວຸດຫວິດ” ການນໍາໃຊ້ ແລະ ຄວາມໝາຍໃນພາສາລາວ
DooDiDo
ອະທິບາຍເນື້ອໃນຂອງຄໍາວ່າ “ຫວຸດຫວິດ” ມີຄວາມໝາຍແນວໃດ?
ຫາກວ່າທ່ານຢາກໃຫ້ຄວາມໝາຍ ຫລື ຢາກໃຊ້ຄວາມໝາຍຂອງຄຳໄປໃນທາງທີ່ວ່າ ລອດພົ້ນ ຫລື ເກືອບ…ເພື່ອໃຫ້ໄດ້ຄວາມໝາຍແບບນີ້ແລ້ວຕ້ອງສະກົດ ຫລື ນຳໃຊ້ໃຫ້ຖືກກໍຕ້ອງແມ່ນຄຳວ່າ ຫວຸດວິດ
ໂດຍທົ່ວໄປແລ້ວຈະເປັນຄຳທີ່ປະສົມກັນເລີຍໂດຍບໍ່ຄອຍປະກົດເຫັນຄຳວ່າ ຫວຸດ ຢູ່ຄຳດຽວ, ສ່ວນຫລາຍແມ່ນມາປະສົມກັບ ຫວິດ ໂດຍສະເພາະ “ຫວຸດຫວິດ”
ເພື່ອຄວາມກະຈ່າງແຈ້ງ ແລະ ເພື່ອໃຫ້ຫລາຍໆທ່ານໄດ້ຮຽນຮູ້ເຂົ້າໃຈໄປນຳກັນລະຫວ່າງ ຄຳວ່າ ຫວຸດວິດນີ້ຂ້າພະເຈົ້າກໍໄດ້ໄປຊອກຫາຂໍ້ມູນຕ່າງໆເພື່ອນຳມາອະທິບາຍ ແລະ ເບິ່ງເຫດຜົນໄປນຳກັນ, ຕາມທີ່ໄດ້ໄປຊອກຫາໃນແຫລ່ງຂໍ້ມູນຕ່າງໆ ແລະ ໃນວັດຈະນານຸກົມຫລາຍໆສະບັບກໍໄດ້ໃຫ້ຄວາມໝາຍຂອງຄຳ ແລະ ອະທິບາຍໄປໃນທິດທາງທີ່ຄ້າຍໆກັນ
ຄຳວ່າ ຫວຸດຫວິດ.
ໂດຍທົ່ວໄປແລ້ວຈະເປັນຄຳທີ່ປະສົມກັນເລີຍໂດຍບໍ່ຄອຍປະກົດເຫັນຄຳວ່າ ຫວຸດ ຢູ່ຄຳດຽວ, ສ່ວນຫລາຍແມ່ນມາປະສົມກັບ ຫວິດ ໂດຍສະເພາະ “ຫວຸດຫວິດ” ເປັນຄຳກຳມະໝາຍເຖິງ ມົ້ມ, ລອດ, ພົ້ນ, ເກືອບຖືກ, …
ມັກໃຊ້ກັບເຫດການເອົາຕົວລອດແບບບໍ່ຄາດຄິດ, ການເອົາຕົວລອດແບບໜ້າອັດສະຈັນ.
ຕົວຢ່າງ:
ລົດເມທັງໃຫຍ່ ແລະ ຍາວ ແຊງຂ້ອຍໄປບຽດຂ້ອຍເກືອບຖືກຕຳລອດມາຢ່າງຫວຸດວິດ.
ເດັກນ້ອຍຢອກກັນເກືອບຕົກຮ່ອງນ້ຳພໍ່ລາວຈັບໄດ້ທັນຢ່າງຫວຸດຫວິດ.
ສາມາດເວົ້າໄດ້ວ່າ”ຫວິດ” ເປັນຕົວຫຼັກ ແລະຫວຸດເປັນຕົວຂະຫຍາຍຄຳ ທີ່ຢູ່ທາງໜ້າ.
ສະຫລຸບ.
ຢາກໃຊ້ຄວາມໝາຍຂອງຄຳໄປໃນທາງທີ່ວ່າ ລອດພົ້ນ ຫລື ເກືອບ, ຈະຕ້ອງສະກົດ ຫວຸດຫວິດ ເປັນຄຳກຳມະໝາຍເຖິງ ມົ້ມ, ລອດ, ພົ້ນ, ເກືອບຖືກ, …
ມັກໃຊ້ກັບເຫດການເອົາຕົວລອດແບບບໍ່ຄາດຄິດ, ການເອົາຕົວລອດແບບໜ້າອັດສະຈັນ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
