ມາຮູ້ຈັກກັບຄໍາວ່າ “ຫລ້າ” ການນໍາໃຊ້ ແລະ ຄວາມໝາຍໃນພາສາລາວ
ອະທິບາຍເນື້ອໃນຂອງຄໍາວ່າ “ຫລ້າ” ມີຄວາມໝາຍແນວໃດ?
ສິ່ງສຸດທ້າຍ ຫລື ສິ່ງທີ່ມາພາຍຫລັງສຸບໍ່ວ່າຈະເປັນກັບວັດຖຸສິ່ງຂອງ, ກັບມະນຸດ ຫລື ຄົນເຮົາ ໃນພາສາລາວແມ່ນຈະເອີ້ນຄຳຄຳນີ້ວ່າ ຫລ້າ ເຊິ່ງຄຳນີ້ສາມາດນຳໃຊ້ໄດ້ກັບຫລາກຫລາຍສິ່ງຫລາກຫລາຍຢ່າງໂດຍບໍ່ໄດ້ຈຳກັດເລີຍ, ຄຳວ່າ ຫລ້າ ໃນຊິວິດປະຈຳວັນຂອງຄົນເຮົາ ຄົນລາວຈະໃຊ້ຄຳນີ້ໃນການເອີ້ນຄົນທີ່ຍັງນ້ອຍ ຫລື ຄົນທີ່ເກີດຕາມຫລັງຂອງລູກໝົດທຸກຄົນ.
ນອກຈາກນີ້ຄຳນີ້ ຍັງສາມາດໃຊ້ກັບສິ່ງທີ່ເກີດຂື້ນໃນພາຍຫລັງຂອງສິ່ງນັ້ນໆ ຫລື ໃຊ້ກັບເວລາຕ່າງໆເປັນຕົ້ນແມ່ນໃຊ້ກັບຊິວິດປະຈຳວັນ ຄຳວ່າ ຫລ້າ ແມ່ນຍັງໝາຍເຖິງ ສວາຍແລ້ວ, ຫລື ຊ້າແລ້ວ ສ່ວນຫລາຍຈະມັກນຳໃຊ້ກັບເວລາຕ່າງໆ, ສະນັ້ນ ເພື່ອໃຫ້ເຂົ້າໃຈ ການນໍາໃຊ້ຄໍາດັ່ງກ່າວໃຫ້ຫຼາຍຂຶ້ນ ເຮົາມາເບິ່ງລາຍລະອຽດດັ່ງລຸ່ມນີ້:
ຄຳວ່າ ຫລ້າ.
ເປັນຄຳຄຸນນາມ ແປວ່າ ລຸນ, ສຸດທ້າຍ, ຫລ້າສຸດ, ຊັກຊ້າ ເຊັ່ນ: ລູກຫຼ້າ, ຫຼ້າຊ້າ, ຫຼ້າຫຼັງ, ຫຼ້າສະໄໝ, ຫຼ້າໝູ່, ບັກຫຼ້າ, ເຂີຍຫຼ້າ, ໃພ້ຫຼ້າ…
ຕົວຢ່າງ:
ຂ້ອຍມີລູກຊາຍຫລ້າຄົນໜຶ່ງທີ່ຍັງຢູ່ເຮືອນນຳຂ້ອຍ.
ແຕ່ລະປີຜ່ານມາຂ້ອຍໄດ້ກັບບ້ານໄປສຸ່ມມາພໍ່ແມ່, ແຕ່ປີຫລ້າສຸດນີ້ຂ້ອຍບໍ່ໄດ້ໄປຍ້ອນພະຍາດໂຄວິດ19.
ສະຫລຸບ.
ສະນັ້ນເພື່ອຄວາມຖືກຕ້ອງໃນການນຳໃຊ້ ແລະ ສະກົດຄຳຢາກໃຫ້ສືກສາເບິ່ງກ່ອນວ່າຖ້າເປັນພາສາລາວແລ້ວເຮົາຈະໃຊ້ຄຳໃດໃຫ້ຖືກຕ້ອງເຊິງສາມາດສະຫລຸບຄວາມໝາຍໄດ້ດັ່ງນີ້ເຊັ່ນ: ຄຳວ່າ ຫລ້າ ເປັນຄຳຄຸນນາມ ແປວ່າ ລຸນ, ສຸດທ້າຍ, ຫລ້າສຸດ, ຊັກຊ້າ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo