ມາຮູ້ຈັກກັບຄໍາວ່າ “ສະເດີດ” ການນໍາໃຊ້ ແລະ ຄວາມໝາຍໃນພາສາລາວ
ອະທິບາຍເນື້ອໃນຂອງຄໍາວ່າ “ສະເດີດ” ມີຄວາມໝາຍແນວໃດ?
ອາການຕົກໃຈຂອງຄົນໃນເວລາທີ່ກ່ຳລັງນອນລັບຂອງຄົນເຮົາທີ່ສະແດງອອກມາ, ເຊິ່ງແຕ່ລະຄົນກໍມີລັກສະນະສະເພາະຕົວຂອງຕົວເອງແຕກຕ່າງກັນອອກໄປບາງຄົນຈະສົ່ງສຽງຮ້ອງດັງໆ, ບາງຄົນກໍຈະລຸກຂື້ນມາຈາກບ່ອນນອນ ແລະ ອື່ນໆ ເຊິ່ງສິ່ງທີ່ສະແດງອອກມາເຫລົ່ານີ້ເປັນອາການຕື່ນຕົກໃຈດັ່ງທີ່ຫລາຍໆຄົນລາວອາດຈະເຂົ້າໃຈດີກັບຄຳສັບນີ້ ແລະ ຫລາຍໆປະເທດກໍຄືກັນ.
ໃນບົດນີ້ເຮົາຈະຍົກເອົາຄໍາວ່າ ສະເດີດ ມາອະທິບາຍເຖິງວິທີການນໍາໃຊ້ ແລະ ຄວາມມາຍຂອງມັນ, ດັ່ງທີ່ເຮົາໄດ້ເກີ່ນມານ້ອຍໜຶ່ງຂ້າງຕົ້ນນັ້ນ ອາການຕົກໃຈຢ່າງຮຸນແຮງແບບນີ້, ໃນພາສາລາວເອີ້ນວ່າ ສະເດີດ, ເຊິ່ງສາມາດນຳໃຊ້ໄດ້ໃນທຸກເຫດການທີ່ມີການຕື່ນຕົກໃຈ, ເພື່ອທໍາຄວາມເຂົ້າໃຈຢ່າງເລິກເຊິ່ງກ່ຽວກັບສອງຄໍານີ້ ເຮົາຂໍນໍາເອົາຂໍ້ມູນບາງສ່ວນຈາກວັດຈະນານຸກົມພາສາລາວ ສະບັບຄົ້ນຄວ້າ ແລະ ຮຽບຮຽງ ໂດຍ ທອງຄຳ ອ່ອນມະນີສອນ, ມາປະກອບໃສ່ໃນການອະທິບາຍຄວາມໝາຍດັ່ງກ່າວ:
ຄຳວ່າ ສະເດີດ.
ສະເດີດ ໃຊ້ເປັນຄໍາກໍາມະ ມີຄວາມໝາຍວ່າ ດິ້້ນດຶບຂຶ້ນ, ເໜັງຕົວຂຶ້ນທັນທີດ້ວຍຄວາມຕົກໃຈ, ຊວດຮູ້ເມື່ອຄີງ.
ຕົວຢ່າງ:
ມື້ຄືນນອນຫຼັບຢູ່ດີໆ ເມື່ອຝັນເຫັນໂຕໝາໄລ່ກັດກໍສະເດີດຂຶ້ນທັນທີ.
ໝູ່ຂ້ອຍສະເດີດລຸກຂື້ນເຕັ້ນຍ້ອນດີເຈຂອງຮ້ານປີ້ງເປັດເປີດຖືກເພງທີ່ລາວມັກ.
ເມຍຂ້ອຍຝັນຮ້າຍສະເດີດລຸກມານັງໄຫ້ຢູ່ຄົນດຽວ.
ສະຫຼຸບ.
ຄໍາວ່າ ສະເດີດ ໝາຍເຖິງເໜັງຕົວຂຶ້ນທັນທີດ້ວຍຄວາມຕົກໃຈ ຫຼື ຊວດຮູ້ເມື່ອຄີງທັນທີ ແລະ ການຕົກໃຈໃນບາງສິ່ງບາງຢ່າງແລ້ວມີການເຄືອນໄຫວໄປອີກບ່ອນໜຶ່ງ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo