ພົນຕີ ວັນທອງ ກອງມະນີ ຢຽມຢາມເມືອງວຽງຄຳ ແຂວງຫລວງພະບາງ
ຮອງລັດຖະມົນຕີ ກະຊວງ ປກສຢ້ຽມຢາມອົບອຸ່ນຈິດໃຈຕຳຫລວດທີ່ເສຍຊິວິດໃນການເຮັດໜ້າທີ່
ວັນທີ 2-5 ກັນຍາ 2022 ທ່ານ ພົນຕີ ວັນທອງ ກອງມະນີ ຮອງລັດຖະມົນຕີກະຊວງ ປກສ ໄດ້ເຄື່ອນໄຫວ່ຢຽມຢາມເມືອງວຽງຄຳ ແຂວງຫລວງພະບາງ, ໄດ້ຢ້ຽມຢາມອົບອຸ່ນຈິດໃຈ, ໃຫ້ກຳລັງໃຈ ພະນັກງານຕຳຫຼວດທີ່ປະ ສົບເຄາະຮ້າຍໃນລະຫວ່າງປະຕິບັດຫນ້າທີ່ທີ່ເຮັດໃຫ້ມີນາຍຕຳຫຼວດເສຍຊີວິດ 3 ສະຫາຍ ແລະ ບາດເຈັບຈຳນວນໜຶ່ງ.
ພ້ອມທັງມອບຫຼຽນພິລະອາດຫານຊັ້ນ I, ເງິນປິ່ນປົວ ໃຫ້ຄອບຄົວນາຍ ແລະ ພົນຕຳຫຼວດທີ່ທີ່ເສຍສະຫຼະເພື່ອປະ ເທດຊາດ. ພ້ອມກັນນີ້, ທ່ານຍັງໄດ້ໃຫ້ຮ່ວມສົ່ງສະການນໍາຄອບຄົວ ແລະ ຍາດພີ່ນ້ອງ ຜູ້ເສຍຊີວິດ ຢ່າງສົມກຽດ. ແລະ ພົບປະໂອ້ລົມ ອົບອຸ່ນອົບອຸ່ນຈິດໃຈ ໃຫ້ກຳລັງໃຈ ໃຫ້ຄຳເຫັນ ຊ່ວຍເຫລືຶອວັດຖຸຊ່ວຍເຫລືຶອວັດຖຸເງິນຄຳ ຈຳນວນຫນຶ່ງ.
ເຊິ່ງໄດ້ຮັບຟັງການລາຍງານສະພາບລວມຂອງເມືອງວຽງຄຳໂດຍຫຍໍ້ ຈາກ ພັທ ບຸນສະຫວັດ ນິນທະຈັນ ຫົວຫນ້າ ປກສ ເມືອງວຽງຄຳ ແລະ ຮັບຟັ່ງການມີຄຳເຫັນ ຊີ້ນໍາ ວຽກງານວິຊາສະເພາະ ຈາກ ພັອ ຕູຊົ່ງ ປັດໄຈ ຫົວຫນ້າກອງບັນຊາການ ປກສ ແຂວງຫຼວງພະບາງ.
ພົຕ ວັນທອງ ກອງມະນິ ໄດ້ໂອ້ລົມ ແລະ ຊີ້ນໍາຫຼາຍບັນຫາ ຕໍ່ກຳລັງ ປກສ ເມືອງວຽງຄຳ, ທ່ານ ໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານ ທີ່ຍາດໄດ້ ໃນໄລຍະຜ່ານມາ ຕ້ອງພ້ອມກັນສືບຕໍ່ຮັກ ແລະ ເສີມຂະຫຍາຍ ມູນເຊື້ອຂອງກຳລັງ ປກສ ແລະ ເນັ້ນຫນັກ ຫລາຍ ບັນຫາໃຫ້ເອົາໃຈໃສເພີ້ມຕື່ມ.
ເປັນຕົ້ນແມ່ນ ສຶກສາອົມການເມືອງນໍາພາແນວຄິດ ໃຫ້ນາຍ ແລະ ພົນຕຳຫຼວດໃຫ້ມີຄຸນສົມບັດ ສິນທຳປະຕິວັດ, ເຊື່ອຫມັ້ນຕໍ່່ແນວທາງ ຂອງພັກ-ລັດ, ປັຍປຸງແບບແຜນວິທີເຮັດວຽກ, ຝຶກຝົນຮໍາຮຽນຍົກລະດັບວິຊາສະເພາະ ໃຫ້ມີຄວາມຮູ້ ຄວາມສາມາດສູງຂຶ້ນ, ກໍ່ສ້າງກຳລັງ ໃຫ້ມີຄວາມເຂັ້ມແຂງ ເຕີບໃຫຍ່ ທັງປະລິມານ ແລະ ຄຸນະພາບ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: ປກສ ແຂວງຫຼວງພະບາງ