ປະຊຸມນະໂຍບາຍການພັດທະນາເຊື່ອມຕໍ່ພະລັງງານໄຟຟ້າຂ້າມຊາຍແດນ
ກອງປະຊຸມການຊື້-ຂາຍ ໄຟຟ້າໃນອະນຸພາກພື້ນແມ່ນໍ້າຂອງ ການເຊື່ອມຕໍ່ພະລັງງານໄຟຟ້າຂ້າມຊາຍແດນ
ລວມທັງການປຶກສາຫາລືຕິດພັນກັບການຫັນສູ່ພະລັງງານສະອາດ ໃນອະນາຄົດ ແລະ ການວາງແຜນພະລັງງານ ແນໃສ່ເຊື່ອມໂຍງໃນຂົງເຂດອາຊີ, ການພັດທະນາເຕັກໂນໂລຊີໃໝ່ດ້ານພະລັງງານ ເພື່ອໃຫ້ສອດຄ່ອງກັບທິດທາງຂອງໂລກໃນປັດຈຸບັນ ແລະ ສາມາດບັນລຸເປົ້າໝາຍກາກບອນໃຫ້ເປັນສູນ.
ພ້ອມນີ້, ຍັງຕ້ອງເຮັດໃຫ້ການຊຶ້-ຂາຍ ພະລັງງານໃນພາກພື້ນມີຄວາມເຂັ້ມແຂງ ສະແດງໃຫ້ເຫັນເຖິງຄວາມມຸ່ງຫວັງທີ່ຈະກ້າວໄປສູ່ການຫັນປ່ຽນພະລັງງານກາກບອນຕໍ່າໃນໄລຍະຍາວ ໂດຍທາງຊ່ຽວຊານ ທະນາຄານພັດທະນາອາຊີ ຍັງໄດ້ສະເໜີໃຫ້ມີການສ້າງຕັ້ງຄະນະເຮັດວຽກຂຶ້ນຕື່ມ ສໍາລັບໜ້າວຽກການຫັນປ່ຽນພະລັງງານ ທີ່ປະກອບມີ 4 ໜ້າວຽກຄື: ການເກັບຮັກສາໝໍ້ໄຟ, ທົດແທນ, ປະສິດທິພາບພະລັງ ງານ ແລະ ການຄ້າພະລັງງານ.
ນອກຈາກນີ້, ຍັງໄດ້ປຶກສາຫາລືກ່ຽວກັບ ຄວາມເປັນໄປໄດ້ໃນກໍລະນີສຶກສາໂຄງການຂາຍພະລັງງານໄຟຟ້າ ລະຫວ່າງສາມປະເທດ (ລາວ-ໄທ-ກຳປູເຈຍ) ເຊິ່ງທັງສາມປະເທດກໍ່ໄດ້ຍົກໃຫ້ເຫັນອັນສໍາຄັນຂອງການສຶກສາ ຕ້ອງເນັ້ນໃຫ້ເຫັນເຖິງຄວາມສຳຄັນ ຂອງຄວາມເຂົ້າໃຈຕໍ່ຂອດຈຳກັດທາງດ້ານເຕັກນິກ ທີ່ຕິດພັນກັບລະບົບສາຍສົ່ງທີ່ແຕກຕ່າງກັນ ລວມທັງເງື່ອນໄຂຕ່າງໆດ້ານການຄ້າ, ລະບຽບການ ແລະ ການແລກປ່ຽນຂໍ້ມູນເຊິ່ງກັນ ແລະ ກັນ ທີ່ຈະຊ່ວຍໃຫ້ສາມາດຈັດຕັ້ງປະຕິບັດໂຄງ ການໄດ້ ໂດຍຊ່ຽວຊານຈະໄດ້ເລີ່ມກະກຽມໃນການຮ່າງກອບໜ້າວຽກສຶກສາແລ້ວ ນໍາມາຜ່ານແຕ່ລະປະ ເທດ ເພື່ອມີຄໍາເຫັນເພີ່ມຕື່ມ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: ກະຊວງພະລັງງານ ແລະ ບໍ່ແຮ່