ບ້ານໃກ້ເຮືອນຄຽງ ຄຳທີ່ເຄີຍໄດ້ຍິນກັນ ແລະ ຄວາມໝາຍທີ່ຊ້ອນຢູ່
DooDiDo
ມາຮູ້ຈັກຄຳວ່າ”ບ້ານໄກ້ເຮືອນຄຽງ” ແລະ ຄວາມໝາຍຂອງມັນ
ຄຳນີ້ຍັງຖືກໃຊ້ກັນຢູ່ໃນຫມູ່ບ້ານເຂດນອກ ຫລື ບາງຊຸມຊົນທີຍັງມີປະເພນີແບບນີ້ໃນຈິດສຳນຶກຢູ່ ເຊິ່ງຕ່າງຈາກໃນເມືອງຫລວງ ຫລື ເມື່ອງໃຫຍ່ຕ່າງໆ, ນີ້ແມ່ນອິງຕາມປະສົບການຕົວຈິງທີ່ປະສົບພົບພໍ້ມາດ້ວຍຕົນເອງ ດຽວນີ້ແທບຈະບໍ່ມີໃຫ້ເຫັນແລ້ວ ເພາະມັນກຳລັງຈະເລືອນຫາຍໄປແລະ ອາດຈະກາຍເປັນພຽງຄຳເວົ້າທີ່ບໍ່ມີຄວາມໝາຍຫຍັງເລີຍ.
ນອກຈາກວ່າເປັນບ້ານຫລືເຮືອນທີ່ຕິດກັນເທົ່ານັ້ນ, ແລະບາງທີ່ບ້ານຕິດກັນແທ້ໆ ຍັງບໍ່ຮູ້ຈັກກັນ ຫາແຕ່ເລື່ອງຕ່າງໆມາຜິດກັນ, ຍາດແຍ່ງ ຊິງດີຊິງເດັ່ນ ແລະ ໃສ່ຫນ້າກາກເຂົ້າຫາກັນ ໃສຮ້າຍປ້າຍສີກັນ ທຸກມື້
#ບ້ານໄກ້ເຮືອນຄຽງແມ່ນຫຍັງ?
ແມ່ນການໄປມາຫາສູ່ ການເບິ່ງແຍງ ທັກທາຍກັນ ມີຫຍັງກະຊ່ວຍເຫລືອກັນ ບໍ່ວ່າຈະເປັນອາຫານ ແຮງງານ ເຊັ່ນວ່າ: ບ້ານທ້າວ ກ ດຳນາ ທຸກຄົນຈະຮວມຕົວກັນໄປຊ່ວຍດຳນາ ຫລື ບ້ານໃດມີງານມັດແຂນ ກໍຈະມີເອື້ອຍລ້ຽງ ມີພໍ່ຄົວມາຊ່ວຍກັນຂ້າ ຊ່ວຍກັນເຮັດ ອາຫານ ໂດຍຈະບໍ່ໄດ້ໃຊ້ເງິນຈ້າງຈັກກີບ ຂ້ອຍເອີ້ນມັນວ່າ “ໃຊ້ໃຈຈ້າງ“ ຜູ້ບໍ່ມີແຮງງານ ກະຊ່ວຍເຂົ້າສານ ຜັກ ຫມາກໄມ້ ຄົນລະກຳ ສອງກຳ ຈັບຫິ້ວມາຊ່ວຍ ເຫັນແລ້ວຮູ້ສຶກໄດ້ຖິງຄວາມອົບອຸ່ນ ໃນຄວາມເປັນຫມູ່ບ້ານແທ້ໆ
ຄຳວ່າ”ບ້ານໃກ້ເຮືອນຄຽງ” ຍັງໝາຍເຖິງການໂອບເອື້ອອາລີ ຮັກແພງເຊິ່ງກັນແລະກັນລະຫວ່າງບຸກຄົນ ຫຼື ຄອບຄົວທີ່ຢູ່ໃນບໍລິເວນອັນໃກ້ຄຽງກັນ ອາດຈະບໍ່ແມ່ນພີ້ນ້ອງທາງສາຍເລືອດແຕ່ກໍ່ຮັກແພງແບ່ງປັນກັນບໍ່ຕ່າງຫຍັງກັບຄົນໃນຄອບຄົວດຽວກັນ ຊ່ວຍເປັນຫູເປັນຕາເຊິ່ງກັນ ແລະ ກັນໃນຊ່ວງເວລາທີ່ຂັບຂັນເຊັ່ນວ່າ: ທ. ກ ບໍ່ຢູ່ບ້ານ ເລີຍຝາກ ທ.ຂ ໃຫ້ຊອດສ່ອງເບິ່ງແຍງດູແລໃຫ້ເວລາທີ່ຕົນເອງບໍ່ຢູ່ ບັງເອີນວ່າໃນຊ່ວງເວລາທີ່ ທ.ກ ບໍ່ຢູ່ບ້ານຊ້ຳພັດມີພວກຄົນບໍ່ດີຂື້ນມາງັດແງະບ້ານເຮືອນໃຫ້ເກີດຄວາມເສຍຫາຍແລ້ວ ທ.ຂ ກໍສາມາດແຈ້ງບ້ານ ຫຼື ເຈົ້າໜ້າທີ່ບໍລິເວນໃກ້ຄຽງແທນ ທ.ກ ໄດ້.
ຫາກຈະປຽບທຽບລະດັບປະເທດທີ່ເວົ້າວ່າເປັນປະເທດບ້ານໃກ້ເຮືອນຄຽງກໍ່ອາດຈະເປັນປະເທດທີ່ຮັກແພງສະນິດແໜ້ນກັນ, ເຊິ່ງບໍ່ຕ່າງຫຍັງກັບອ້າຍນ້ອງໄທລາວເຮົາ ເຊິ່ງມີຕຳນານເລົ່າຂານກັນມາເປັນເວລາດົນນານແລ້ວ ວ່າເປັນ “ບ້ານໃກ້ເຮືອນຄຽງ” ເພາະໃນເວລາທີ່ປະເທດລາວເຮົາເດືອດຮ້ອນ ປະເທດເພື່ອນບ້ານເຊັ່ນປະເທດໄທກໍ່ຍື່ນມືເຂົ້າມາຊ່ວຍເປັນຈິດໜື່ງໃຈດຽວກັນສະເໝີມາ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
