ການທ່ອງທ່ຽວລາວເລີມຄືກຄັກອີກຄັ້ງຫລາຍແຫລ່ງທ່ອງທ່ຽວເລັງໃສ່ນັກທ່ອງທ່ຽວພາຍໃນ.

ການທ່ອງທ່ຽວເລີມກັບມາຄືກຄື້ນອີກຄັ້ງຫລັງຈາກການລະບາດຂອງໂຄວິດ-19 ເລີມຄວບຄຸມໄດ້ ແລະ ທາງລະຖະບານໄດ້ມີມາດຕະການຜ່ອນຜັນຫລາຍໆທຸລະກິດເລີມມີການເຄືອນໄຫວ ແລະ ເນັ້ນການທ່ອງທ່ຽວພາຍໃນປະເທດຫລາຍຂື້ນ.

ອີງຕາມບົດສະຫລຸບວຽກງານ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໃຫ້ຮູ້ວ່າ:

ອີງຕາມແຜນຟື້ນຟູການທ່ອງທ່ຽວ ສໍາລັບປີ 2021-2025 ທີ່ໄດ້ຮັບຮອງໃນວັນທີ 21 ກໍລະກົດ 2021 ທີ່ຜ່ານມາ, ການລະບາດຂອງພະຍາດໂຄວິດ-19 ໃນລະຫວ່າງເດືອນ ເມສາ ປີ 2020 ຈົນເຖິງເດືອນກັນຍາ ປີ 2021 ໄດ້ສົ່ງຜົນກະທົບຕໍ່ອຸດສາຫະກໍາການທ່ອງທ່ຽວຂອງລາວ ເຮັດໃຫ້ລະບົບຕ່ອງໂສ້ການທ່ອງທ່ຽວລາວຢຸດສະຫງັກເກືອບທັງໝົດ, ຫລາຍໆຫົວໜ່ວຍທຸລະກິດໄດ້ຍຸດຕິລົງ.

ປັດຈຸບັນ, ປະມານ 70% ຂອງທຸລະກິດການທ່ອງທ່ຽວລາວ ໄດ້ປັບປ່ຽນມາສູ່ຕະຫລາດພາຍໃນປະເທດ ແລະ ຕັ້ງເປົ້າໝາຍການຕະຫລາດໃໝ່, ຂະຫຍາຍການຂາຍທາງອອນລາຍ ແລະ ໂຄສະນາທາງອອນລາຍ ເນື່ອງຈາກໃນປີ 2020 ຈໍານວນນັກທ່ອງທ່ຽວສາກົນທີ່ມາທ່ຽວ ສປປ ລາວ ໄດ້ຫລຸດລົງເຖິງ 91,5% ແລະ ຂາດລາຍຮັບຫລາຍກວ່າ 86% ເມື່ອທຽບໃສ່ປີ 2019, ຍິງໄປກວ່ານັ້ນ, ໃນປີ 2021 ສປປ ລາວ ແມ່ນບໍ່ມີຕົວເລກນັກທ່ອງທ່ຽວສາກົນເລີຍ ຍ້ອນສະພາບການປິດດ່ານສາກົນ ແລະ ບໍ່ອະນຸຍາດໃຫ້ນັກທ່ອງທ່ຽວເດີນທາງເຂົ້າ-ອອກປະເທດ.

ຜົນກະທົບດັ່ງກ່າວ, ເປັນສາເຫດຕົ້ນຕໍເຮັດໃຫ້ແຮງງງານໃນຂະແໜງການທ່ອງທ່ຽວ (ທາງກົງ ແລະ ທາງອ້ອມ) ໄດ້ຮັບຜົນກະທົບເກືອບທັງໝົດ ເຊັ່ນ: ບໍ່ໄດ້ຮັບຄ່າແຮງງານ, ຖືກພັກວຽກຊົ່ວຄາວ ແລະ ຖາວອນ, ຖືກຕັດເງິນເດືອນ. ຜູ້ປະ ກອບການທຸລະກິດການທ່ອງທ່ຽວພົບກັບບັນຫາໜີ້ສິນເພີ່ມຂຶ້ນ, ຄັງເງິນສົດສໍາຮອງໝົດ ແລະ ໄດ້ແບກຫາບພາລະຄ່າໃຊ້ຈ່າຍບໍລິຫານຕ່າງໆ ເຊັ່ນ: ຄ່ານໍ້າ, ຄ່າໄຟຟ້າ ແລະ ອື່ນໆ.

ຜົນກະທົບດັ່ງກ່າວ, ໄດ້ເຮັດໃຫ້ທຸລະກິດທ່ອງທ່ຽວຂອງລາວ ປະມານ 30% ໄດ້ປິດກິດຈະການແບບຖາວອນ ຍ້ອນບໍ່ສາມາດປະຄອງທຸລະກິດໃຫ້ຢູ່ລອດໄດ້. ບົດສະຫຼູບໃຫ້ຮູ້ຕື່ມວ່າ: ມາຮອດປັດຈຸບັນ, ສະຖານທີ່ທ່ອງທ່ຽວທາງທໍາມະຊາດ ມີ 1.145 ແຫ່ງ, ວັດທະນະທໍາ 534 ແຫ່ງ, ປະຫວັດສາດ 278 ແຫ່ງ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo

ຂອບໃຈແຫລ່ງທີ່ມາ: ນສພ ປະເທດລາວ