ຕິດຕາມປຸກລະດົມປະຊາຊົນໃຫ້ມີນ້ຳໃຈຮັບພິຊອບສັງຄົມນຳກັນ
ລັດຖະມົນຕີອຸດສາຫະກຳ ແລະ ການຄ້າ ລົງຕິດຕາມສະພາບການຄ້າຂາຍຢູ່ຕະຫຼາດໃຫ້ມີນໍ້າໃຈຮັບຜິດຊອບໃຫ້ຫຼາຍ.
ເນື່ອງຈາກສະພາບການປະຈຸບັນການແພລະບາດຂອງພະຍາດໂຄວິດ19 ໄດ້ສ້າງຜົນກະທົບໃຫ້ຫລາຍພາກສ່ວນຫລາຍຂະແໜ່ງການເຊິງ ປະຊາຊົນບາງສ່ວນຍັງປະຕິບັດມາດຕາການປ້ອງກັນໂຄວິດບໍ່ໄດ້ດີ ແລະ ອີກອັນໜຶ່ງຊາວຄ້າຂາຍບາງທ່ານກໍໄດ້ສວຍໂອກາດໃນການປັບຂື້ນລາຄາສິນຄ້າເຊິງເປັນການສວຍໂອກາດຍາມທີ່ຫລາຍໆພາກສ່ວນກ່ຳລັງມີບັນຫາຢູ່.
ສະນັ້ນ, ທ່ານ ຄໍາແພງ ໄຊສົມແພງ ລັດຖະມົນຕີກະຊວງອຸດສາຫະກຳ ແລະ ການຄ້າ(ອຄ), ທ່ານ ສົມຈິດ ອິນທະມິດ ຮອງລັດຖະມົນຕີ ອຄ, ຫົວໜ້າພະແນກ ອຄ.ນວ, ຫົວໜ້າພະແນກກະສິກໍາ ແລະ ປ່າໄມ້, ຫ້ອງການ ອຄ ເມືອງ ລົງເຄື່ອນໄຫວກວດກາ, ຕິດຕາມ ສະພາບການຄ້າຂາຍ ແລະ ຄຸ້ມຄອງລາຄາສິນຄ້າ ລວມທັງ ມາດຕະການປ້ອງກັນພະຍາດໂຄວິດ-19 ທັງຜູ້ຂາຍ ແລະ ຜູ້ມາຊື້ສິນຄ້າ ເມື່ອວັນທີ 24 ເມສາ 2021 ຜ່ານມາ.
ທ່ານ ຄໍາແພງ ໄຊສົມແພງ ໄດ້ກ່າວວ່າ: ການລົງຕິດຕາມຄັ້ງນີ້ສໍາຄັນເບິ່ງການຄວບຄຸມລາຄາເຂົ້າ, ຊີ້ນ, ສິນຄ້າຕ່າງໆ ທີ່ປະຊາຊົນກໍາລັງຕ້ອງການ ແລະ ຊົມໃຊ້ຫຼາຍ ເຊິ່ງມາເຫັນແລ້ວ ຜູ້ຮັບຜິດຊອບຕະຫຼາດ ແລະ ເມືອງ ຕ້ອງຊີ້ນໍາໃຫ້ຊາວຄ້າຂາຍເອົາໃຈໃສ່ຕື່ມໃນການບໍ່ໃຫ້ສວຍໂອກາດຂຶ້ນລາຄາສິນຄ້າ. ຈາກການລົງຕິດຕາມຄັ້ງນີ້ເຫັນວ່າລາຄາເຂົ້າບາງປະເພດປັບຂຶ້ນລາຄາຈາກຕົ້ນທາງ; ສະນັ້ນ, ຮຽກຮ້ອງເຈົ້າໜ້າທີ່ການຄ້າ ນະຄອນຫຼວງວຽງຈັນ ສົມທົບກັບ ຫ້ອງການການຄ້າເມືອງ ກວດກາຄືນຕື່ມ ການເໜັງຕີງຂອງລາຄາເຂົ້າ.
ໃນໂອກາດລົງຢ້ຽມຢາມຄັ້ງນີ້ໄດ້ລົງຕິດຕາມສະພາບຢູ່ຕະຫຼາດຂາຍພືດຜັກອິນຊີຢູ່ເດີ່ນໄອເຕັກ ໂດຍໄດ້ຮັບການລາຍງານຈາກ ທ່ານຄໍາພູ ພັນທະບູນ ຕ່າງໜ້າກຸ່ມປູກຜັກອິນຊີນະຄອນຫຼວງວຽງຈັນໃຫ້ຮູ້ວ່າ: ການຂາຍສໍາລັບວັນເສົາ ມີທັງໝົດ 73 ເຕັນໂດຍມີຜູ້ມາຂາຍ 250 ໂຕະ, ປັດຈຸບັນມີສະມາຊິກປູກຜັກທັງໝົດ 204 ຄອບຄົວ, ມີເນື້ອທີ່ຜະລິດ 323 ເຮັກຕາ ໃນ 6 ຕົວເມືອງນະຄອນຫຼວງວຽງຈັນ.
ສ່ວນການລົງ ຕະຫຼາດກໍາແພງເມືອງບ້ານໜອງໄຮ ເມືອງຫາດຊາຍຟອງ ເຊິ່ງຕະຫຼາດດັ່ງກ່າວມີທັງໝົດ 78 ໂຕະສໍາລັບຂາຍຊີ້ນ, ຜັກ ແລະ ໝາກໄມ້, ສ່ວນເປັນຫ້ອງມີທັງໝົດ 31 ຫ້ອງ. ມາດຕະການປ້ອງກັນທາງແມ້ຄ້າໄດ້ຈັດຈຸດສໍາລັບຊື້ຂາຍ ແລະ ມີເຈວ, ມີສະບູ ແລະ ນໍ້າສໍາລັບລ້າງມື.
ການລົງຢ້ຽມຢາມຄັ້ງນີ້ ທັງເປັນການປຸກລະດົມໃຫ້ ພໍ່ແມ່ປະຊາຊົນ ຫຼື ຊາວຄ້າຂາຍ ຍົກສູງນໍ້າໃຈຮັບຜິດຊອບ ຮັບໃຊ້ສັງຄົມຫຼາຍກວ່າເກົ່າ, ຮຽກຮ້ອງເຈົ້າຂອງຕະຫຼາດ ຫຼື ຄະນະຈັດສັນຕະຫຼາດໃຫ້ມີການກວດກາອຸນນະພູມຄົນທີ່ຈະເຂົ້າຕະຫຼາດ ແລະ ແນະນໍາໃຫ້ໃສ່ຜ້າອັດປາກຕະຫຼອດເວລາທັງຜູ້ຂາຍ ແລະ ຜູ້ມາຊື້, ລວມທັງໂມງເປີດ ແລະ ໂມງປິດບໍ່ໃຫ້ມີການອັ່ງອໍ ສົນລະວົນ ໃນການຄ້າຂາຍ.
ໂອກາດດຽວກັນ ຄະນະລັດຖະມົນຕີກໍໄດ້ລົງຕິດຕາມສະພາບການນໍາເຂົ້ານໍ້າມັນຢູ່ຂົວມິດຕະພາບລາວໄທແຫ່ງທີ1 ເພື່ອເຮັດແນວໃດໃນການອໍານວຍຄວາມສະດວກໃນການນໍາເຂົ້ານໍ້າມັນເຊື້ອໄຟ ມີຄວາມສະດວກ, ປອດໄພ ແລະ ຮັບປະກັນໄດ້ມາດຕະການປ້ອງກັນພະຍາດໂຄວິດ-19.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: laoedaily.com.la