ດອນທ່ຽວ!!! ດອນຄອນ-ດອນເດດ ເມືອງໂຂງ ແຂວງ ຈຳປາສັກ
ດອນຄອນ-ດອນເດດ ເມືອງໂຂງ ແຂວງ ຈຳປາສັກ ດອນຂອງນັກທ່ອງທ່ຽວ.
ແນນອນການທ່ອງທ່ຽວຂອງນັກທ່ອງທ່ຽວກໍ່ລ້ວນແລ້ວແຕ່ມີຄວາມມັກທີ່ແຕກຕ່າງກັນ, ແຕ່ຖ້າຫາທ່ານໃດການມີໃຈມັກໃນການທ່ອງທ່ຽວແບບພະຈົນໄພ, ມັກສະຖານທີ່ທີ່ຍັງມີຄວາມພື້ນບ້ານ ຫລື ແບບທີ່ເປັນທຳມະຊາດຢູ່ ທ່ານຕ້ອງມາ ດອນຄອນ-ດອນເດດ ນີ້ເລີຍ, ເພາະແຫລ່ງທ່ອງທ່ຽວແຫ່ງນີ້ຍັງໃຫ້ຄວາມຮູ້ສືກແບບທຳມະຊາດທີ່ແທ້ຈິງ ແລະ ເປັນສະຖານທີ່ທີ່ໜ້າສຳພັດຫລາຍ.
ດອນຄອນ-ດອນເດດ ເມືອງໂຂງ ແຂວງ ຈຳປາສັກ ເປັນສະຖານທີ່ນັກທ່ອງທ່ຽວນິຍົມທີ່ຈະໄປທ່ຽວ, ໂດຍສະເພາະໃນກຸ່ມນັກທ່ອງທ່ຽວໄວໜຸ່ມຕ່າງປະເທດໃນລະຫວ່າງ 5-10 ປີຜ່ານມາ, ແຕ່ກ່ອນຢູ່ດອນ ແຫ່ງນີ້ບໍ່ມີກະແສໄຟຟ້າໃຊ້, ມີລັກສະນະແບບທໍາມະຊາດແບບດັ້ງເດີມ, ຈິ່ງເປັນທີ່ນິຍົມຂອງບັນດານັກທ່ອງທ່ຽວແບບພະຈົນໄພ, ປະຊາຊົນໃນຂົງເຂດນັ້ນໃຊ້ຊິວິດຕິດພັນກັບທຳມະຊາດຢ່າງແທ້ຈິງ, ນັກທ່ອງທ່ຽວບາງຄົນໄດ້ມາພັກເຊົາ ຢູ່ດອນຄອນ-ດອນເດດປະມານ 2-3 ມື້, ບາງຄົນອາໄສຢູ່ເປັນອາທິດ ຫຼື ຫຼາຍກວ່ານັ້ນຍ້ອນຕິດໃຈທຳມະຊາດກາງດອນອັນງຽບສະຫງົບ.
ດອນເດດຢູ່ທາງເໜືອດອນຄອນ ຢູ່ທາງໃຕ້ທັງສອງດອນເຕັມໄປດ້ວຍກິ່ນອາຍຂອງບ້ານເຮືອນເກົ່າສະໄໝອານານິຄົມຝຣັ່ງ, ມີຫາດຊາຍຫຼາຍແຫ່ງ, ເຮືອນພັກບັງກະໂລໄມ້ໄຜ່ລາຄາປະຫຍັດແບບທຳມະຊາດ, ມີສະຖານທີ່ທ່ອງທ່ຽວທີ່ໜ້າສົນໃຈເຊັ່ນ: ທາງລົດໄຟເກົ່າ, ຊາກຫົວລົດໄຟ, ຂົວທີ່ສ້າງໃນສະໄໝຝຣັ່ງນ້ຳຕົກນ້ອຍໃຫຍ່ທີ່ມີເປັນຈຳນວນຫຼາຍ, ມີສິ່ງອຳນວຍຄວາມສະດວກກະຈາຍຢູ່ທົ່ວທັງດອນຖືເປັນສະຫວັນຂອງນັກທ່ອງທ່ຽວທີ່ຕ້ອງການມາພັກຜ່ອນກັບທຳມະຊາດທີ່ປະຕິເສດບໍ່ໄດ້.
ວິທີການໄປກ່ອນອື່ນທ່ານຕ້ອງ ໄປຮອດປາກເຊໂດຍທາງລົດ ຫຼື ທາງອາກາດກໍແລ້ວແຕ່ຕໍ່ມາໄປຫາຂີ່ລົດສອງແຖວບໍລິເວນຕະຫຼາດດາວເຮືອງມີລົດໄປນາກະສັງລາຄາປະມານ 3 ສິບພັນກີບຕໍ່ຄົນ (ແຕ່ໄປດອນໂຂງ 4 ສິບພັນກີບຕໍ່ຄົນ) ໄປຮອດນາກະສັງຕ້ອງໄດ້ຂີ່ເຮືອໄປດອນເດດ-ດອນຄອນຄ່າເຮືອປະ ມານ 10 ພັນກີບຕໍ່ຄົນ, ໃນດອນເດດ-ດອນຄອນມີຫ້ອງພັກລາຄາແຕ່ 3 ສິບພັນກີບ ຈົນຮອດໂຮງແຮມລາຄາ 2-3 ແສນກີບຕໍ່ຄືນຕໍ່ຄົນ.
ຮູ້ແນວນີ້ຫາກບັນດາທ່ານມີແຜນທີ່ຈະໄປທ່ຽວບັນດາ 4 ແຂວງ ພາກໃຕ້ຂອງລາວ ກໍຢ່າງລືມໄປສຳຜັດກັບບັນຍາກາດອັນສຸດແສນ ບັນຍາຍໃນເຂດມະຫານະທີສີພັນດອນທີ່ເປັນເຂດເກາະດອນນ້ອຍໃຫຍ່ທີ່ຊ່າລືພືຜ້າເລື່ອງເລົ່າຂານຕຳນານພື້ນເມືອງລາວ, ນັບແຕ່ດອນ ພະກ່ຳເມືອງຈຳປາສັກຈົນຮອດຊຸມ ດອນທີ່ຕັ້ງຢູ່ຫົວຄັນເຫວຄອນພະເພັງ, ທີ່ມີຕຳນານພື້ນເມືອງມາຫຼາຍ ເຊັ່ນຄົນເປັນຕົ້ນ: ເລື່ອງດອນນາງໂລງ, ດອນນາງລອຍ, ເລື່ອງສອງບ່າວສາວລ່ອງເຮືອລົງຄອນພະເພັງຈົນຮອດດອນໄຊທີ່ເປັນສະຫວັນຂອງຜູ້ທີ່ຕ້ອງການມາພັກຜ່ອນໃນປະຈຸບັນ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: laopost.com