ເຊິ່ງເປັນກຸ່ມທຳອິດຂອງ ນວ ແລະ ຍັງມີນັກທ່ອງທ່ຽວຈຳນວນໜຶ່ງທີ່ເຂົ້າມາ ນອກຈາກນີ້ກໍມີນັກທ່ອງທ່ຽວພາຍໃນທີ່ເດີນທາງມາຈາກບັນດາແຂວງຕ່າງໆ ໂດຍໄດ້ມີການໄປມາຫາສູ່ກັນດ້ວຍເສັ້ນທາງລົດໄຟລາວ-ຈີນ ທີ່ສະດວກສະບາຍ.​ ສະນັ້ນ,​ ບັນຍາກາດການທ່ອງທ່ຽວຢູ່ໃນ ນວ ເລີ່ມດີຂຶ້ນເປັນກ້າວໆ.

ພ້ອມກັນນັ້ນ,​ ສະຖານທີ່ທ່ອງທ່ຽວດັ່ງກ່າວກໍຈະໄດ້ປະຕິບັດຕາມມາດຕະການຂອງຄະນະສະເພາະກິດ ແລະ ມາດຕະຖານຂອງລາວເຊບ ທີ່ກຳນົດໄວ້ໃນການປ້ອງກັນພະຍາດໂຄວິດ-19 ໂດຍສະເພາະມາດຕະຖານສຳລັບແຫຼ່ງທ່ອງທ່ຽວ​ ເພື່ອເນັ້ນໃສ່ວຽກງານສຸຂານາໄມ ຄວາມປອດໄພໃນວຽກງານທ່ອງທ່ຽວ ເຊິ່ງເປັນມາດຕະຖານສຳຄັນທີ່ນຳໃຊ້ຢູ່ໃນເຂດທ່ອງທ່ຽວສີຂຽວ ສຳລັບນັກທ່ອງທ່ຽວຕ່າງປະເທດທີ່ຈະເຂົ້າມາທ່ອງທ່ຽວ ນວ ຕ້ອງເຂົ້າມາທ່ອງທ່ຽວເປັນກຸ່ມ ຜ່ານການບໍລິການຂອງບໍລິສັດທ່ອງທ່ຽວ. ທັງນີ້,​ ກໍເພື່ອຄວາມປອດໄພຂອງນັກທ່ອງທ່ຽວ ໂດຍຈະໄດ້ຮັບການບໍລິການຢ່າງຄົບຊຸດຈາກບໍລິສັດທ່ອງທ່ຽວ.