9 ສະຖານທີ່ທີ່ໜ້າທ່ອງທ່ຽວໃນນະຄອນຫລວງວຽງຈັນ
ແນະນຳ 9 ສະຖານທີ່ທ່ອງທ່ຽວໃນນະຄອນຫລວງວຽງຈັນ.
ນະຄອນຫລວງວຽງຈັນເປັນເມືອງຫລວງຂອງ ສປປ ລາວ, ມີຜູ້ຄົນທີ່ໜາແໜ້ນກວ່າແຂວງອື່ນໆໃນ ສປປ ລາວ, ລວມທັງຊາວຕ່າງຊາດທີ່ມາເຮັດທຸລະກິດ ແລະມາທ່ອງທຽວ ນອກຈາກນີ້ແລ້ວນະຄອນຫລວງວຽງຈັນຍັງມີຫລາຍສະຖານທີ່ທ່ອງທຽວທີ່ໜ້າທ່ຽວຊົມອີກ.
- ປະຕູໄຊ: ຄ້າຍຄືກັບແລນມາກຂອງປະເທດລາວ ສ້າງຂຶ້ນເປັນອານຸສອນເພື່ອ ອານຸລັກ ເຊິ່ງເປັນສະຖາປັດຕະຍະກຳ ທີ່ມີຜົນງານມາຈາກປະຕູໄຊ ຂອງນະຄອນຫລວງປາລີ ປະເທດຝຣັ່ງ, ປະຕູໄຊ ແຫ່ງວຽງຈັນອ້ອມດ້ວຍສວນນ້ຳພຸ ແລະ ດອກໄມ້ທີ່ຖືກຕົກແຕ່ງຢ່າງງົດງາມ ໃນປະຕູໄຊນັກທ່ອງທ່ຽວສາມາດຂຶ້ນໄປຊັ້ນເທິງເພື່ອເບິ່ງວິວຂອງເມືອງໄດ້ ແລະ ອ້ອມຮອບ ບໍລິເວນກໍມີ ຮ້ານອາຫານ, ຮ້ານຄ້າຕ່າງໆໃຫ້ບໍລິການ.
- ວັດສີສະເກດ: ຈະມີພະເປັນຈຳນວນຫລາຍ ທຸກຮູບແບບ ປະມານ 16.000 ອົງ, ສ່ວນບໍລິເວນທາງຂ້າງວັດສີສະເກດຈະມີດອກໄມ້,ໂດຍເໝາະແກ່ການຍ່າງຫລິ້ນອອກກຳລັງກາຍ, ພັກໃຈ ເຊິ່ງບັນຍາກາດທີ່ສະຫງົບງຽບຈະຊ່ວຍໃຫ້ເຮົາສະບາຍໃຈ.
- ວັດຊຽງຄວນ: ຈະຢູ່ຫ່າງຈາກຕົວເມືອງນະຄອນຫລວງວຽງຈັນເລັກໜ້ອຍ, ພາຍໃນມີຮູບປັ້ນຮູບແບບແປກໆ, ຕັ້ງຢູ່ເປັນຈຳນວນຫລາຍ, ສະທ້ອນໃຫ້ເຫັນເຖິງວັດທະນະທຳກັບຄວາມ ເຊື່ອທາງສາສະໜາຂອງຄົນລາວຍຸກບູຮານ, ຜູ້ມາຢ້ຽມຢາມຈະມີຄວາມຮູ້ສຶກຕື່ນຕາຕື່ນໃຈ ກັບຄວາມຄິດສ້າງສະຫວັນຂອງຮູບປັ້ນທີ່ເບິ່ງແປກຕາແຕ່ງົດງາມ.
- ວັດຫໍພະແກ້ວ: ເຊິ່ງຢູ່ບໍ່ໄກຈາກໃຈກາງຕົວເມືອງເທົ່າໃດ ໃນໄລຍະລະດູໜາວຢູ່ສວນຈະມີດອກໄມ້ເບັ່ງບານເຮັດໃຫ້ແຫ່ງນີ້ກາຍເປັນສະຖານທີ່ທາງສາສະໜາທີ່ ງົດງາມ ພາຍໃນວັດມີຮູບປັ້ນພະພຸດທະເຈົ້າປະດິດສະຖານຢູ່ຫລາກຫລາຍ ຮູບຊົງ ທັງເຮັດຈາກຫິນ, ເຫລັກ, ທອງແດງ, ເຊິ່ງໃນອາດີດ ວັດຫໍພະແກ້ວ ຍັງເຄີຍເປັນບ່ອນປະດິດສະຖານ ຂອງພະແກ້ວມໍລະກົດນຳອີກ.
- ສ່ວນເຈົ້າອານຸວົງ: ທີ່ມີຮູບປັ້ນຂອງເຈົ້າອານຸວົງ ມະຫາກະສັດ ແຫ່ງຣາຊະອານາຈັກລ້ານຊ້າງສຸດທ້າຍໃຫ້ນັກທ່ອງທ່ຽວໄດ້ເບິ່ງ ເຊິ່ງສວນບໍລິເວນແຄມແມ່ນ້ຳຂອງ, ມີຄວາມສະຫງົບຕາມທຳມະຊາດ ໂດຍສະເພາະໃນໄລຍະເວລາຕາເວັນຕົກດິນຈົນຮອດກາງຄືນ, ຈະມີພໍ່ຄ້າ, ແມ່ຄ້າເອົາເຄື່ອງມາຂາຍຈົນກາຍເປັນຕະຫລາດກາງຄືນ.
- ສວນວັດທະນະທຳແຫ່ງຊາດ: ຫ່າງຈາກຕົວເມືອງອອກໄປປະມານ 20 ກິໂລແມັດ. ທາງຕອນໃຕ້, ຕັ້ງຢູ່ໃກ້ໆກັບຂົວມິດຕະພາບ ລາວ-ໄທ, ມີຈຸດທີ່ນ່າສົນໃຈຫລາຍຈຸດເຊັ່ນ: ແບບຈຳລອງເຮືອນ, ສະຖາປັດຍະກຳແບບຕ່າງໆ, ຮູບປັ້ນວິລະຊົນຄົນລາວ ແລະ ສວນສັດນ້ອຍໆ, ນັກທ່ອງທ່ຽວສາມາດນັ່ງຊົມວິວ, ຊື່ເຄື່ອງ, ຖ່າຍຮູບ ໄປຈົນເຖິງກິນອາຫານໃນຮ້ານອາຫານບໍລິເວນແຄມແມ່່ນ້ຳຂອງ.
- ສູນ Cope: (ສູນໃຫ້ການຊ່ວຍເຫລືອທາງດ້ານ ອຸປະກອນທຽມ ແລະ ອຸປະກອນເສີມ) ສູນແຫ່ງນີ້ບອກເລົ່າເລື່ອງປະຫວັດສາດຂອງຄົນລາວ ທີ່ຖືກຜົນກະທົບຈາກສົງຄາມ ສ່ວນໃຫຍ່ກ່ຽວກັບລະເບີດໂດຍຍົກຍ້ອງວິລະກຳຂອງຄົນລາວ ທີ່ໄດ້ເສຍສະຫລະອະໄວຍະວະ ຫລື ຊີວິດເພື່ອ ຈະກຳຈັດກັບລະເບີດທີ່ຖືກທະຫານຕ່າງຊາດນຳມາປ່ອຍໄວ້ເປັນຈຳນວນມະຫາສານ.
- ພະທາດຫລວງ: ຫລື ຊື່ເປັນທາງການແມ່ນ ພະເຈດີໂລກະຈຸພາມະນີ ຖືໄດ້ວ່າເປັນປູຊະນີຍະສະຖານທີ່ສຳຄັນຂອງນະຄອນຫລວງວຽງຈັນ ແລະ ຍັງເປັນສູນລວມໃຈຂອງຄົນລາວທົ່ວປະເທດ, ສະຖາປັດຕະຍະກຳຂອງພະທາດຫລວງ ສື່ເຖິງຄວາມເປັນເອກະລັກຂອງລາວ ໂດຍສະຖານທີ່ແຫ່ງນີ້ສຳຄັນຂະໜາດຖືກໃສ່ເປັນສັນຍາລັກໃນກາໝາຍຊາດຂອງລາວ.
- ວັດສີເມືອງ: ວັດເກົ່າແກ່ອີກແຫ່ງໜຶ່ງ, ທີ່ສຳຄັນກັບຄົນລາວເຮົາ, ເປັນສະຖານທີ່ຕັ້ງສານຫລັກເມືອງມີທັງສານເຈົ້າແມ່ສີເມືອງ, ພະພຸດທະຮູບສັກສິດທີ່ສຸດ, ໃນນະຄອນຫລວງວຽງຈັນ ເຊິ່ງຄົນລາວໃຫ້ຄວາມເຄົາລົບນັບຖືກັນເປັນຢ່າງຫລວງຫລາຍພ້ອມກັນນັ້ນພາຍໃນວັດຈະມີກຳແພງ ແລະ ເພດານທີ່ງົດງາມອາລັງການ, ບັນຍາກາດສັກສິດ, ຕາມແບບ ພຸດທະສາສະໜາ, ເທື່ອໜຶ່ງໃນອາດີດວັດນີ້ເຄີຍເປັນທີ່ປະດິດສະຖານຂອງພະແກ້ວມໍລະກົດ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: laophattananews.com