ກຽມທ່ຽວ! ບຸນຊ້າງໄຊຍະບູລີ ປີ 2022 ຈະກັບຄືນມາຄືກຄື້ນອີກຄັ້ງ
ຕ້ອງໄດ້ໄປແລ້ວ ກຽມພ້ອມຈັດງານບຸນຊ້າງ ແຂວງໄຊຍະບູລີ ທີ່ໃກ້ຈະມາເຖິງແລ້ວ
ຈາກການແພລະບາດຂອງພະຍາດໂຄວິດ-19 ໃນຊວງປີທີ່ຜ່ານມາ ເຮັດໃຫ້ການຈັດງານບຸນປະເພນີຕ່າງໆຕ້ອງໄດ້ຢຸດສະຫງັດ ແລະ ຈັດພໍເປັນພິທີ ຫ້າມການໂຮມຊຸມໜຸມເປັນໝູ່ຫລາຍຄົນ, ແຕ່ໃນປີນີ້ຖືວ່າການລະບາດເລີມຊົງຕົວລັດຖະບານອະນຸມັດໃຫ້ມີການຈັດງານຂື້ນໄດ້, ງານມະຫາກໍາບຸນຊ້າງ ເປັນປາງບຸນໃຫຍ່ຂອງແຂວງ ໄຊຍະບູລີ ທີ່ຈະຈັດຂຶ້ນທຸກໆປີ ໃນຊ່ວງກາງຫາທ້າຍຂອງເດືອນກຸມພາ ແລະ ປີ 2022 ນີ້ ຈະເລີ່ມຈັດໃນແຕ່ວັນທີ່ 18-20 ກຸມພາ.
ແຕ່ດຽວກ່ອນ ກ່ອນທີ່ຈະໄປທ່ຽວບຸນ ເຮົາມາຮູ້ປະຫວັດຄວາມເປັນມາຂອງ ມະຫາກໍາບຸນຊ້າງກ່ອນ ແຂວງໄຊຍະບູລີຕັ້ງຢູ່ພາກເໜືອຂອງປະເທດລາວ ຕັ້ງຢູ່ຝັ່ງຂວາຂອງແມ່ນໍ້າຂອງ ທິດເໜືອ ແຂວງໄຊຍະບູລີ ຕິດກັບແຂວງບໍ່ແກ້ວ ແລະ ແຂວງອຸດົມໄຊ, ທິດຕາເວັນອອກ ຕິດກັບແຂວງຫຼວງພະບາງ ແລະ ແຂວງວຽງຈັນ. ສໍາລັບງານບຸນຊ້າງ ແມ່ນກຳເນີດເກີດຂຶ້ນມາ ໂດຍອີງໃສ່ປະຫວັດສາດຂອງປະເທດລາວທີ່ມີມາຊ້ານານ.
ງານບຸນຊ້າງ ໃນແຕ່ປີທີ່ຜ່ານໆມາແມ່ນມີຫຼາກຫຼາຍກິດຈະກຳ ນັບແຕ່ພິທີບາສີສູ່ຂັວນຊ້າງ, ຂີ່ຊ້າງຊົມເມືອງ, ສະແດງຊ້າງຄຳຮູ້, ເອົາຊ້າງລົງອາບນຳ້ ແລະອີກຫຼາຍໆຢ່າງ ສຳລັບປີນີ້ຈະມີກິດຈະກຳຫຍັງແດ່ນັ້ນທຸກຄົນຕ້ອງໄປຕິດຕາມນຳກັນ ຫາກທ່ານໃດມີເວລາກໍ່ຫາໂອກາດໄປທ່ຽວງານບຸນຊ້າງ ເພື່ອ ການພັກຜ່ອນ ແລະ ຊູກຍູ້ເສດຖະກິດຂອງ ແຂວງ ໄຊຍະບູລີ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: ເສດຖະກິດການຄ້າ