ໜອງຂຽວ ເມືອງງອຍ ສະຖານທີ່ທີ່ນັກທ່ອງທຽວຕ້ອງໄດ້ໄປສຳພັດ.
ພາບ: laophattananews.com
ໜອງຂຽວ ເມືອງງອຍ ກັບທຳມະຊາດອັນສົດຊື່ນ ແລະ ສວຍງາມ.
ໜອງຂຽວ ເມືອງງອຍ ຖືວ່າເປັນເມືອງທຳມະຊາດທີ່ສວຍງາມຫລາຍ ແລະ ເປັນສະຖານທີ່ທ່ອງທ່ຽວທີ່ສວຍງາມທີ່ສຸດ, ເຊິງນັກທ່ອງທ່ຽວຫລາຍໆທ່ານ ທັງພາຍໃນ ແລະ ຕ່າງປະເທດນິຍົມກັນໄປ, ເປັນຕົ້ນແມ່ນຊາວຕ່າງຊາດທີ່ໄດ້ຄົ້ນພົບທາງເວັບໄຊຕ່າງໆ ເຫັນໄດ້ເຖິງຄວາມງົດງາມທາງທຳມະຊາດ ແລະ ວັດທະນາທຳ ເຊິງບໍ່ໄດ້ນ້ອຍໜ້າວັງວຽງເລີຍ.
ສະຖານທີ່ທ່ອງທ່ຽວທໍາມະຊາດໜອງຂຽວເປັນສະຖານທີ່ທີ່ອອ້ມຮອບໄປດ້ວຍ ພູຜາຫີນປູນອັນສູງຊັນ ລຽນກັນເປັນຖັ້ນເປັນແຖວ ເຊິ່ງປົກຄຸມໄປດ້ວຍປ່າໄມ້ ອັນດົກໜາຂຽວງາມຕະ ຫຼອດປີເຮັດໃຫ້ອາກາດ ເຂດນີ້ມີຄວາມປອດໂປ່ງ ສົດໃສດີເໝາະແກ່ການມາ ທ່ອງທ່ຽວ ແລະ ພັກຜ່ອນຢ່ອນໃຈ.
ໜອງຂຽວຕັ້ງຢູ່ແຄມ ແມ່ນໍ້າອູທີ່ຂຶ້ນກັບ ເມືອງ ງອຍ, ແຂວງຫຼວງພະບາງ ມີຂົວເກົ່າແກ່ຂ້າມນໍ້າອູຖືກ ສ້າງຂຶ້ນໃນປີ ຄ.ສ 1973, ເປັນສະຖານທີ່ທ່ອງທ່ຽວ ຖືກຄົ້ນພົບມາເປັນເວລາ ເກືອບ 50ປີແລ້ວ, ມັນມີ ຄວາມໂດດເດັ່ນ ແລະ ໜ້າປະ ທັບໃຈຫຼາຍ ສຳລັບ ນັກທ່ອງ ທ່ຽວທັງພາຍໃນ ແລະ ຕ່າງ ປະເທດເປັນຈຳນວນບໍ່ໜ້ອຍ ມາຮອດ ປັດຈຸບັນ ສະຖານ ທີ່ ທ່ອງທ່ຽວແຫ່ງນີ້ມາໄດ້ມີ ການພັດທະນາໂດດເດັ່ນຂຶ້ນມີລະບົບໄຟຟ້າ ແລະ ນໍ້າບາ ດານເຂົ້າໄປເຖິງທຸກບ່ອນ ພ້ອມທັງສິ່ງເອື້ອອໍານວຍ ຄວາມສະດວກອື່ນໆ ອີກເພື່ອ ຮອງຮັບໃຫ້ນັກທ່ອງທ່ຽວ ທີ່ມາທ່ຽວຊົມເຊັ່ນ: ປັບປຸງ ປົວແປງເສັ້ນທາງເຂົ້າ- ອອກ ໃຫ້ສະດວກສະບາຍຂຶ້ນກວ່າເກົ່າ, ປົວແປງສະຖານທີ່ຝາກ ລົດ, ກໍ່ສ້າງສະຖານທີ່ພັກ ແຮມ, ຮ້ານອາຫານ-ກິນດື່ມ ແລະ ສະຖານທີ່ຊົມວີວຕ່າງໆ. ເຖິງແມ່ນວ່າເຂດໜອງຂຽວຈະໄດ້ຮັບການພັດທະນາມາຫຼາຍແລ້ວກໍຕາມ, ແຕ່ກໍຍັງ ຄົງຮັກສາໄວ້ໄດ້ຄວາມສວຍສົດງົດງາມແບບທໍາມະຊາດທີ່ເປັນເອກກະລັກສະເພາະ ດັ້ງເດີມຂອງມັນ.
ພາຍຫຼັງໄດ້ມາ ທ່ຽວຊົມ ໜອງຂຽວແລ້ວ ເຮົາສາມາດ ຂີ່ເຮືອ ຂຶ້ນໄປຕາມລໍາແມ່ນໍ້າ ອູດ້ວຍການ ຊົມທິວທັດທໍາ ມະຊາດປ່າໄມ້ສອງຟາກຝັ່ງທີ່ງົດງາມແລ້ວ ທ່ານຈະຮູ້ສຶກ ສົດຊື່ນແຈ່ມ ໃສທີ່ໄດ້ລ່ອງ ເຮືອໄປກັບສາຍນໍ້າທີ່ສົດ ໃສໄຫຼເຢັນດັ່ງກ່າວ ເຊິ່ງໃຊ້ ເວລາ ໃນການເດີນທາງປະ ມານ 1 ຊົ່ວໂມງ 30ນາທີ ທ່ານກໍຈະຮອດເມືອງງອຍ ເກົ່າ ແລະ ຢູ່ທີ່ນັ້ນ, ທ່ານ ກໍ ຈະໄດ້ສໍາພັດກັບການດຳລົງຊີວິດແບບດັ່ງເດີມຂອງຊາວບ້ານ ແລະ ໄດ້ຊິມລົດຊາດ ຂອງອາຫານພື້ນບ້ານໄດ້ ຢ່າງແຊບຊ້ອຍອີກ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: laophattananews.com
