ໄຫບູຮານເກົ່າແກ່ 5 ໜ່ວຍຄົ້ນພົບຢູ່ພຣະທາດອີງຮັງ ສະຫວັນນະເຂດ
ຄົ້ນພົບວັດຖຸບູຮານທີ່ພຣະທາດອີງຮັງ ລໍຖ້າກົມມໍລະດົກວິທະຍາພິສູດ.
ພຣະທາດອີງຮັງຖືວ່າເປັນອີກໜຶ່ງສະຖານທີ່ສັກສິດ ແລະ ມີຜູ້ທີ່ມີກາບໄຫວ້ຂໍພອນຕ່າງໆຈາກພຣະທາດອີງຮັງ ທັງເປັນບ່ອນທ່ຽວຊົມຂອງນັກທ່ອງທ່ຽວ ແລະ ປະຕິບັດຮີດຄອງປະເພນີມາແຕ່ລຸ້ນປູ່ລຸ້ນຢາຈົນມາເຖິງປະຈຸບັນນີ້, ເຊິງແຕ່ລະປະຈະມີງານບຸນພຣະທາດອີງຮັງຈັດຂື້ນທຸກໆປີ.
ລ້າສຸດຕາມການລາຍງານວ່າ ໄດ້ພົບວັດຖຸບູຮານເປັນໄຫເກົ່າແກ່ຈ່ຳນວນ 5 ໜ່ວຍຢູ່ໃກ້ກັບພຣະທາດອີງຮັງນີ້, ທ່ານ ຄໍາເຜີຍ ຜັນທະຈອນ ປະທານສະພາປະຊາຊົນແຂວງ, ທ່ານ ຄໍາພູນ ຕຸໄພທູນ ຮອງເຈົ້າແຂວງສະົຫວັນນະເຂດ ພ້ອມດ້ວຍເຈົ້າຄອງນະຄອນໄກສອນ ແລະພາກສ່ວນກ່ຽວຂ້ອງ ໄດ້ລົງເບິ່ງວັດຖຸບູຮານເກົ່າແກ່ ທີ່ພົບຢູ່ບໍລິເວນກຳແພງແກ້ວດ້ານຕາເວັນອອກຂອງອົງພຣະທາດອີງຮັງ. ພາຍຫຼັງການພົບວັດຖຸບູຮານເກົ່າແກ່ 2 ຄັ້ງຄື: ຄັ້ງວັນທີ 27 ກັນຍາ ແລະຄັ້ງທີ 2 ໃນວັນ 11 ຕຸລາຜ່ານມາ.
ວັດຖຸບູຮານທີ່ພົບນີ້ ປະກອບມີໄຫທັງໝົດ 7 ໜ່ວຍ ໃນນັ້ນ ແຕກໄປແລ້ວໃນເວລາຄົ້ນພົບ 2 ໜ່ວຍ ແລະໄດ້ຂຶ້ນທະບຽນໄປຈໍານວນຫຼາຍລາຍການເຊັ່ນ: ເງິນດາບ 6 ອັນ, ກະດິ່ງ 2 ໜ່ວຍ, ໂຖທອງ 3 ອັນ, ໄຫດິນ 8 ໜ່ວຍ, ພະພຸດທະຮູບຄ້າຍຄືຄໍາ ຂະໜາດນ້ອຍ 5 ອົງ, ພະພຸດທະຮູບສ້າງດ້ວຍໄມ້ 6 ອົງ, ພະພຸດທະຮູບທີ່ເຮັດດ້ວຍທອງສໍາລິດ 20 ອົງ, ເສດກະສັດ 3 ອັນ, ຜັງຮາດທອງສໍາລິດ 1 ໜ່ວຍ, ແຊັ່ງທອງສໍາລິດ 6 ໜ່ວຍ, ຄ້ອງນ້ອຍທອງສໍາລິດ 1 ໜ່ວຍ, ເຝື້ອງທີ່ແຕກບໍ່ນັບຈໍານວນ, ເສດຊິ້ນຂອງຜັງຮາດທອງສໍາລິດ ແລະຊິ້ນສ່ວນຄ້ອງນ້ອຍ 4 ອັນ.
ສຳຫຼັບໄຫຈໍານວນ 5 ໜ່ວຍ ທີ່ບໍ່ແຕກ ທ່ານ ຄໍາເຜີຍ ກ່າວວ່າ ຈະບໍ່ມີການເປີດເທື່ອ ຕ້ອງລໍຖ້າກົມມໍລະດົກວິທະຍາ ກະຊວງຖະແຫຼງຂ່າວ ວັດທະນະທໍາ ແລະທ່ອງທ່ຽວ ມາພິສູດກ່ອນວ່າໄຫບູຮານດັ່ງກ່າວສ້າງຂຶ້ນໃນສະໄໝໃດ ຍ້ອນໄຫດັ່ງກ່າວມີຮູບລັກສະນະບໍ່ຄືກັນ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫລ່ງທີ່ມາ: ອີນໄຊລາວ.