ເຂົ້າໜຽວ ຈໍ້າປາແດກ! ປາແດກທີ່ຕົ້ນຕຳລັບຂອງຊາດຍັງໄດ້ນຳເຂົ້າ
ເກີດຫຍັງຂື້ນກັບຄົນລາວປາແດກທີ່ຄົນລາວທີ່ເຮັດເອງໄດ້ເກືອບທຸກຄົວເຮືອນຍັງຕ້ອງໄດ້ນຳເຂົ້າ
ດັ່ງທີ່ຮູ້ກັນດີຢູ່ແລ້ວວ່າປະເທດລາວມີຄວາມອຸດົມສົມບູນ ທາງດ້ານຊັບພະຍາກອນທາງທຳມະຊາດ ໃນນໍ້າມີປາ ໃນນາມີເຂົ້າ ແລະ ມີເອກະລັກຢ່າງໜຶ່ງວ່າ “ຄົນລາວກິນເຂົ້າໜຽວ ຈໍ້າປາແດກ”
ປາແດກ ເປັນວັດທະນະທຳ ການກິນຮ່ວມ ໃນໂຊນອາຊີອອກສຽງໃຕ້ ໂດຍສະເພາະລາວ, ໄທ, ກຳປູເຈຍ. ສຳລັບປະເທດລາວຕັ້ງແຕ່ເໜືອຮອດໃຕ້ລ້ວນແຕ່ມີວັດທະນະທຳການກິນປາແດກ, ເກືອບທຸກເມນູອາຫານຕ້ອງໃສ່ປາແດກເຊັ່ນ:
ໜຶ້ງໝາກເຂືອຈ້ຳ ແຈ່ວ ປາແດກ, ໝົກປາແດກ, ລາບປາແດກ, ແກງໜໍ່, ເອາະຫຼາມ, ຕຳໝາກຫຸ່ງ, ຕຳທຸກໆຕຳຕ້ອງໃສ່ປາແດກ, ປີ້ງໄກ່ທາປາແດກ, ແກງປາ ແລະ ອື່ນໆອີກຫຼວງຫຼາຍ ເຊິ່ງປາແດກທີ່ໃສ່ອາຫານການກິນນັ້ນລ້ວນແຕ່ເປັນປາແດກທີ່ເຮັດເອງສຳລັບກຸ້ມຄອບຄົວໃຜລາວ ໂດຍການນຳປາມາຈາກຫ້ວຍນໍ້າໜອງຄອງບຶງທີ່ຫາໄດ້ຕາມລະດູການ.
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບໃຈແຫຼ່ງຂໍ້ມູນຈາກ: laonews